Apocalipsis 18:2 - Kuna San Blas

² Degine, we-baliwitur binnasuli goted. Weyob sogded: “Babilonia-Neggwebur-Nue-Nug-Nikad bergudsun, Babilonia bibichissun. Niamar-e-negga gunonisun, bela burba-isganamar-negga gunonisun. Sikwimar-isgana sae-daklemalad-ambikued-negga gunonisun.

Bab dummad Jesucristoba igar mesisad garda

² Degine, a-anger binnasur goted, sogded: Babilonia-neggwebur-nue-nug-nikad bergudsunnad, Babilonia bibichissunnad, niamar-e-negga gunonisunnad, degine, bela burba-iskanamar-negga gunonisunnad, degine, sikwimar-iskana, sae-daklemalad-ambikued-negga gunonisunnad.

Apocalipsis 18:2 Iomraidhean Croise

Isaías 14:23

Neg-matabi-naguega an imakoed akwanuku-negga an obinyoed. Gwalagi-negdurwieyob Babilonia-yala an imakoed, bar gudii an imakosulid. Weyobi ani an Bab-Jehová-guedi soged.”

Jeremías 25:30

”Emi, Jeremías, we-dulemarga bela we-ibmar an bega-soged be soge: ‘Bab-Jehová, nibneggi binnasuli urwemaid, e-neg-islidikid-akale, malayob e-sunmakedi goled. E-dulabina nue-itos maid. Igi-dulemar uvaʼgi-annanair binnasuli-gornanaidae, deyobi, Bab-Jehová, bela dulemar-napneggi-bukwadgi binnasuli goled.

Jeremías 51:37

Babilonia-neggwebur akwamar-dunnumake-bukwadga gudoed, achu-sapur-uaya-gannagan-negga gudoed. Neg-dobed-dummadga gudoed, egi dodolegega gudoed. Nega-dulesulidga, gudoed.

Jeremías 51:8

Degi, ukiagwale, Babilonia-dulemar galakude gusmalad, degine, bela oitoles gusad. A-ulale, akigindemalad, ega be ina sedamala, nabir sunna nugualile.

Joel 3:16

Bab-Jehová Sión-yar-akale, achumigur-nono-wawaadyobi binnasuli gordagoed. Jerusalén-neggwebur-akale, mar-goleyobi binnasuli sunmakdagoed. Bela napneg-naid, nibneg-naid, giglimakdoed. Ar Bab-Jehováʼdi e-dulamarga dukued-negga gunonikoed, Israel-dulemarga ganguedga gunonikoed.

Sofonías 2:14

Agi sibad-wawaadmar obunnomamai guoed, bela-ibdurgan-ursirmar egi gudii guoed. E-buarmargi, mutikidbali gorgimar, dabgalamar, gabdidii gumaloed. Irmon yawagak-seniganaba gorsii guoed. Sikwisichid yawagak-dogedgi gorsii guoed, urwar nagubirga-mamaid magar-dakle megoed.

Apocalipsis 1:15

Degine, e-nagmar, igi esgordikid-soo-yagi-dulenair dakarmake, ayob gaed. E-sunmaked suke-dummad-aryomaidyob goled.

Apocalipsis 10:3

Geb we-baliwitur achumigur-nono-wawaad uurmakeyob binnasur goted. Deyob binnasur-gochagu, mala-ilagugled (7) gollomakded, sunmakded.

Apocalipsis 11:8

Dule-warbogwad-e-mui neggwebur-dummad-igargi metemaloed. A-neggwebur burbar Sodoma, degine, Egiptoʼye, bileged. Agi anmar-Dummad nakrusgi-bioklegar oburgwilesmogad.

Apocalipsis 14:15

Degine, Babse-goled-neggi baliwitur-baid noarbalid, binnasur goted, dule-mogir-birgi-siidga sogded: “Be esa-dopegwad-nugar-ibed odoge, be ibmar-gwag wee. Ar ibmar-gwag-weed-iba omosad. Ar ibmar-gwag-napneggi-naid, bato nue-gores naid.”

Apocalipsis 14:8

A-sorbali, baliwitur-baid nonikid, binnasur sogded: “¡Babilonia-neggwebur-dummad bergussun! ¡Obelolessun! ”We-neggwebur, bela-dulemar-yar-baid-baidgi-bukmalad-isguega imaksad. We-neggwebur, e-ibmar-isganagi-mumguega, negsichigi-abirgunagwarsuli-gudiguega, yar-baid-baidgi-bukwamalad-imaksad.”

Apocalipsis 16:13

Deginbali, achu-simudubaled-gaya-yaba, ibdula-unid-gaya-yaba, degine, Bab-gayaburba-barsoged-nabirsulid-gaya-yaba, burba-isgana-sogapaa ammanooyob-dakle ainiar an daksad.

Apocalipsis 16:19

Neggwebur-dummad sogapaa mamarided. Degine, bela yar-baid-baidgi neggweburmar-bukmalad bibichided. Bab-Dummad Babilonia-neggwebur-dummad ebinsaded, igi epenne dulemar-isguega imaksa, degisoggu, Bab-Dummad e-urwed vino-nogagi-siidyobidgi Babilonia-ogobsasunnad.

Apocalipsis 17:18

Be ome-daksadi, Neggwebur-Nue-Nug-Nikadid. We-neggwebur, we-napneggi reymar-birgi negdakmaid-e-wilubganad.”

Apocalipsis 17:5

E-bebegine, dule-gwen-wissulid-nug narmakar naibalid: Babilonia-Neggwebur-Nue-Nug-Nikadid, Gambanuchu-Imakmalad-E-Nanad, Degine, Bela Napneggi-Galagwensuli-Isgudimalad-E-Sailabalid.

Apocalipsis 18:10

Reymar Babilonia-e-naibigunaidba dobed-ular egi bannaba gwisgumaloed, binnasur gotemaloed, sogdemaloed: “Babilonia-Neggwebur-Nue-Nug-Nikad, be neggwebur-dutusulinad, nuedar-wiles. Unnila, wachi-irgwengi bato be-odurdakleged nonikid.”

Apocalipsis 18:21

Degine, baliwitur-wargwen-dutusulid, akwa susad, akwamuu-dummadyobid. Geb demarse-metegu, sogded: “Babilonia-neggwebur-dummarbad, we-akwa-binnasur-melledeyobi, be berguoed. We-napneggi bar be daklegosulid.

Apocalipsis 5:2

Deginbali, baliwitur-gandikid binnasur-gorgwichi an daksad. Weyob soggwichid: “Ar we-gardade, ¿doa sunna egaoe? Ar we-garda-e-wilubgan-nanaidde, ¿doa sunna bisgoe?”