Apocalipsis 17:4 - Kuna San Blas

⁴ We-ome mor-suir-akwagiid-yoi, degine, mor-ginnid-yoi siid. Deginbali, olo-nai, akwa-nuegan-nai, dimmurgiid-e-akwa-yeerdakleged-nai siibalid. E-argangi, olo-noga egi ibmar-isgana-ena, degi, negsichigi-yoledigusad-ena ganikid.

Bab dummad Jesucristoba igar mesisad garda

⁴ We-ome mor-suir-akwagiid, degine, mor-ginnid-yoi siid, degine olo, akwa-nuegan, morbeb-akwagiid-nai sibalid, degine, e-argangi olo-noga ibmar-iskana egi ena siid, degine, e-ibmar-iskana neg-sichigi-yoledigusad ena olo-nogagi sibalid.

Apocalipsis 17:4 Iomraidhean Croise

1 Reyes 14:24

Aginbali, machergan omeganyobi na san-ukdii gusmarbalid. Israel-dulemar galagwensuli ibmar-isgana-imakdii gusmalad. Deyob Israel-dulesurmalad-bukwagusmalad nanadii gusmalad. A-ular, Bab-Jehová Israel-dulemar-iduar, a-yargi a-dulemar-ononai gusad. A-ibmar-isgana-imakdigusmalad, Israel-dulemar imakdii gusmarmogad.

2 Reyes 21:2

Manasés, Bab-Jehová-ibmar-abemaisulidi, Bab-Jehová-asabin imaksad. Dulamar-bamalad-daedba nanadii gusad. Deunni, Bab-Jehová, Israel-dulemar-wagab Israel-yargi a-dule-bamalad-ononnos gusad.

Esdras 9:11

Be-maigan-be-gayaburba-barsogmaladba, be iduakwaa anmar-owisosgusad. Deun, weyob be sogsagusad: ‘Bemar we-yarse dogmaloedi, degi, we-yar be gamaloedi, nue-isgus-naiye, dule-gudimalad ibmar-isgana-imakedba, bela-belad we-yar nue-gagalesye. Bela a-yala nue-isgus-naiye be anmar-owisosanad.’

Isaías 66:3

Ar dulemar anga moli-bebe-nikad-machered ogumakar ukedi, dule-gindakmaladyob gumalad. Ar dulemar anga sibad-wawaad-senigana-oburgwedamaladi, bab-dummadyob-imaklemaladga achu-nono-bisgar-ukmaladyob gumalad. Ar dulemar anga ibmar-gwag ukdamaladi, bab-dummadyob-imaklemaladga sin-ablis-ukdamaladyob gumalad. Ar dulemar an-nug odummogega anga ina-wawadikid obupurmakdamaladi, bab-dummadyob-imaklemalad-e-nug-odummomaladyob gumalad. We-dulemar na dukin e-itolegedba igar susmalad, e-ibmar-isgana-imakedgi na yeer itodimalad.

Jeremías 51:7

Babilonia-dulemar an-argan-yaurgine, nog-gobed-orbiidyobi gued. Bela napaneg-naid-omumsadiid. Neggwebur-dummagana bela a-vino gobsamalad, degidbali, neggweburmar suli-suli itodmalad.

Lamentaciones 1:9

Bela e-mor nue-isgusad, na e-berguoedgi binsassulid. Ukiagwar oitolenonikid, dule-bamalad gwen-wile daksasulid. Emidi, soged: “Bab-Jehováʼye, an-wile-itoged be dake. An-isdarmalad angi obichad.”

Ezequiel 20:30

Bab-Jehová sogdebalid: “Degisoggu, Israel-dulemarga be soge, ‘Bab-Jehová-Bela-Gangued-Nikadi weyob sogye: ¿Bemar, be-dadganyob isgumarmogoe? ¿Bemar, bab-dummadyob-ibmar-imakleged-e-nug-odummogedgi angi nomarmogoe?

Ezequiel 24:11

Geb sorbali, sooyagi bormo-ollogwad an sioed, adi, bormo sooba ginnitibi sigegar. Degidbali, e-satemaksiid surgudoed, e-saamechad bergudoed.

Ezequiel 24:13

”Jerusalén-neggwebur, be-galagwensuli-gudigusad an bega elibi gusanad, ar bedi bega-elied gwen abessulid. A-ulale, an-sae-itogedba-sabsur-be-odurdakoed-sorbali, geb be swilidik gunonisunnoed.

Ezequiel 28:13

Bab-Dummad-nainu-Edénʼye-nugadgi, be galagwensuli-akwamar uniryeerdaklemalad, a yeerdaklemalad-nai gudii gusanad: Akwa-Cornerinaʼye-nugad, akwa-Topacioʼye-nugad, akwa-arad-Jaspeʼye-nugad, akwa-Crisólitoʼye-nugad, akwa-Beriloʼye-nugad, akwa-Óniceʼye-nugad, akwa-Zafiroʼye-nugad, akwa-Carbuncloʼye-nugad, akwa-Esmeraldaʼye-nugad, degine, ormar. We-akwa-nuegan-nai be aibirdii gusanad. Be-dukargi-nagued, be-sakwagi-nagued, degi, be-uaduki-nagued bela orgi soblesadbiid. Be-obinnilesad-akale, we-ormar bega guagwar-dakles bukwa gusad.

Ezequiel 36:25

Dii-diregwadgi an be-ogoed, geb bemar swilidik gumaloed. Bela be-isgusadgi, degi, be-bab-dummadyob-ibmar-imakleged-e-nug-odummosadgi, an swilidik be-imakmaloed.

Daniel 11:38

Wemar-anale, we-rey, neg-gandikmalad-e-bab-dummad-nug odummogoed. E-dadgan, we-bab-dummad-nug odummossurmalad. We-bab-dummadga or, mani, akwa-nuegan, ibmar-mani-gargerbamalad ukoed.

Oseas 9:10

Bab-Jehová sogded: “An Israel-dulemar-aminonigu, nega-dulesulidganba uva-san-amilegedyob an amisgusad. An gebe e-dadgan-dakargua, higuera-sapigi-e-san-dutuu-ainidanikiyob an daksad. Degi-inigwele, emar aka bab-dummadyob-imakleged-Baal-Peorʼba nanadmalad. Abali na isgudmalad, dule-isguedga gudmalad. We-bab-dummadbina sulibinsa-itode gudmalad.

Deuteronomio 29:17

Ar be we-dulemar-abargi, we-ibmar-isganamar nue-daksamalad: E-nuchu-mimmigan-suargi-sobarmalad, e-bab-dummagan-akwagi-sobarmalad, e-bab-dummagan-manigi-sobarmalad, degi, e-bab-dummagan-ologi-sobarmalad, be daksamalad.

Apocalipsis 14:8

A-sorbali, baliwitur-baid nonikid, binnasur sogded: “¡Babilonia-neggwebur-dummad bergussun! ¡Obelolessun! ”We-neggwebur, bela-dulemar-yar-baid-baidgi-bukmalad-isguega imaksad. We-neggwebur, e-ibmar-isganagi-mumguega, negsichigi-abirgunagwarsuli-gudiguega, yar-baid-baidgi-bukwamalad-imaksad.”

Apocalipsis 18:12

Olo, mani, akwa-nuegan, dimmurgiid-e-akwa-yeerdakleged, mola-sibu-nuegan, mola-suir-akwagiid, mola-sedaʼye-nugad, mormar-ginnid, bela suarmar-wawadik-yapanmalad, bela ibmar-marfilʼgi-sobarmalad, bela suar-walagan-nuegangi-sobarmalad, esnon, esgoro, degi, akwa-swilidikmalad,

Apocalipsis 18:16

sogbukwagumaloed: “We-neggwebur-nue-nug-nikad, ¡duledar-wiles! Mola-sibu-nued, mola-suir-akwagiid, mola-ginnid-yoi gusmalad. Olo-nai, akwa-nuegan-nai, degi, dimmurgiid-e-akwa-yeerdakleged-nai, e-ogannodii gusmalad.

Apocalipsis 19:2

Ar na dulemarga-igar-naboged napiragwadba, degi, innikigwadba, imaked. Gambanuchu-imakdiidba, we-napneggi-dulemar-ichodigusadba, we-ome-sabsur-odurdaksad. Degi, Bab-Dummad-e-maimar-oburgwisadba, Bab-Dummad we-ome-sabsur-odurdaksad.”

Apocalipsis 21:21

Yawagak-gwaambe-gakabo-bukmaladi (12) bela dimmurgiid-e-akwa-yeerdaklegedbi gued. Yawagak-irba, dimmurgiid-e-akwa-yeerdakleged gwagwagwen bukwad. Neggwebur-igarmar bela olo-sunnadbi gued, isbe-daledyobi ber swilidik dakleged.

Apocalipsis 9:21

We-dulemar-burgwissurmaladi, dule-oburgwismaladgi gwen nunmak itossurmalad. Emargi-ina-isgana-imakedgi gwen bangussurmalad, abirgunagwarsuli-negsichigi-yoleged gwen iessurmalad, degine, atursaedgi gwen bangussurmarbalid.