Apocalipsis 16:1 - Kuna San Blas

¹ Geb degi, Babse-goled-neg-akar baliwiturmar-walagugledse (7) gayaburba-binnasur-gole an itosad. Ega weyob soged: “Be namar. Bab-Dummad-urwed-noga-gwagugle-ena-siidi (7), napnegse be eonamar.”

Bab dummad Jesucristoba igar mesisad garda

¹ Geb degi an itosad, binnasur gaya-burba Bab-Dummad-maid-neg-akar angermar-walagugledse gole, ega soge: “Be namar, Bab-Dummad-urwed-noga-gwagugle-ena-siid, napnegse be eonamar.”

Apocalipsis 16:1 Iomraidhean Croise

Salmo 79:6

Dulemar-aku-be-dakmaladse be urwe, dulemar-bese-gordisurmaladse be urwe.

Jeremías 10:25

Bur be dulemar-aku-be-dakmaladgi be-urwed be oyoge. Dule-be-nug-odummosurmaladgi be-urwed be barmidage. Ar Jacob-wagan-wiosmalad, bela naitinagase obelosmalad, degine, bela e-negmar obelosmarbalid.”

Ezequiel 10:2

Geb Bab-Jehová, dule-lino-mor-yoidga sogded: “Querubinʼmar-urba ibmar-dirbiled-bipirmakmalad-nanaid-imbaba be doge. Querubinʼmar-abargi sogun-gwabunye-bukwad argan-nukgwen be suo, geb bela neggweburgi be mie-mie imako.” Ar an atakgwichidgine, dule, ibmar-dirbiled-bipirmakmalad-nanaid-imbaba dogded.

Ezequiel 22:31

Degisoggu, an-sae-itogedgi an sabsur-odurdakoed, soo ibmar-ogumakedyobi an-sae-itogedgi an obelogoed. Degi, na bela e-ibmar-isgana-imaksadba sabsur-odurdaklemaloed. Ani an Bab-Jehová-Bela-Gangued-Nikadi weyob soged.”

Sofonías 3:8

Agala, Bab-Jehová soged: “Degisoggu, an-bemargi-yolegega-danikoed-ibagi be an-abitomalo. Ar dule-yar-baid-baidgi-bukwamalad-onmakega an imaksokalid, bela-neg-selemamaid-atoega an imaksokalid, adi, an-bela-bela-sae-itogedgi wemar sabsur-odurdakega, an-bela-bela-urwedgi wemar sabsur-odurdakegar. An uludele, an sooyob gued, anse bela napneg ogumaklegoed.

Apocalipsis 11:19

Degine, nibneggi Babse-goled-neg argade an daksad. Agine, Babse-goled-neg-yagi Bab-Dummad-Dadganbo-Igar-Mesisad-Ulu-siidi mag-dakle-sii an daksad. Geb mala ibyided geb uurmakded, gollomakded, negabandur naguded. Geb dii-gwamakaled-gwaburwisur-babatide an daksabalid.

Apocalipsis 14:15

Degine, Babse-goled-neggi baliwitur-baid noarbalid, binnasur goted, dule-mogir-birgi-siidga sogded: “Be esa-dopegwad-nugar-ibed odoge, be ibmar-gwag wee. Ar ibmar-gwag-weed-iba omosad. Ar ibmar-gwag-napneggi-naid, bato nue-gores naid.”

Apocalipsis 14:18

Bab-Dummadga-ibmar-ukleged-e-ailagi baliwitur-baid noarbalid. A-baliwitur soo-e-sailad. We-baliwitur binnasur dule-esa-dopegwad-nugar-ibed-ganikidse goted. Ega sogded: “Be esa-dopegwad-nugar-ibed napneggi odoge. Uvaʼmar-napneggi-nanaid be wee. Ar uvaʼmar bato nue-gores nanaid.”

Apocalipsis 15:1

Geb nibneggi wilub-dummad-baid an daksabalid, geger dakleged: Baliwiturmar-walagugle (7), boni-sogagugled napi sedimalad. A-bonimarbali, Bab-Dummad-bela-bela-nue-urwed napi-oyolegoed.

Apocalipsis 16:17

Baliwitur-gugledi (7), e-noga burwagi eodapid. Geb nibneggi Babse-goled-neggi-ologana-siidgi, gayaburba gollalid. Sogded: “Bato bela bergussun.”

1 Samuel 15:18

Bab-Jehová be-barmisgusad, degi, bega sogsagusad: ‘We-Amalec-dule-isganamar be ogilonaye. Bela be obelogoye bega sogsad.’

1 Samuel 15:3

Degisoggu, Bab-Jehová soged: Emisbinne be Amalec-dulemar-ogilona. Belagwable e-ibmar-nikad e-ibe be obelogo. Bela e-machergan, e-omegan, e-burwigana, e-goe-gwarugana be ogilogo, degi, e-moli-bebe-nikadmar, e-sibad-wawaadmar, e-moli-yargan-muregedmar, degi, e-moli-uayasuidmar be oburgo. Melle be wiledako.’ ”