Apocalipsis 15:3 - Kuna San Blas

³ Amar, Bab-Dummadga-arbaed-Moisés-e-namaksad namakbukwad, degine, Sibad-Wawaad-Mimmigi-namaklegedgi namakbukwamalad. Weyob namakbukwad: “Bab-Dummad-Bur-Birigined-Bela-Gangued-Nikad, be-ibmar-imakedi, nue-dummarbad. Be ibmar-imakedi, geger-daklegedid. Be, dulemar-yar-baid-baidgi-bukmalad-e-Reyd. Igar-innikigwad, igar-napiragwad be imakbalid.

Bab dummad Jesucristoba igar mesisad garda

³ Amar epenne-Moisés, Bab-Dummadga-arbaed, e-namaksad namakbukwad, degine, Sibad-Wawaad-Mimmigi-namaklegedgi namakbukmalad. Soge an itosad: Bab-Dummad-Bur-Dummadid, be-ibmar-saedi nue-dummarbad, degine, geger-daklebali be ibmar imak-daed. Igar-inikigwad, degine, igar-napiragwad be imakbalid, be Bab-Jesúsgi-akananaimalad-e-Rey-Dummadid.

Apocalipsis 15:3 Iomraidhean Croise

Génesis 17:1

Abram birga-dulabake-gakambe-gakabakebak-nikadgine (99), Bab-Jehová ese magarononikid, ega sognonikid: —Ani, an Bab-Dummad-Bela-Gangued-Nikadid. An-sogedba be nue-innikii nanadii guo.

1 Crónicas 6:49

Aarón, degi, e-waganmala, Bab-dummadga-ibmar-ogumakleged-ailagi ibmar-durgan-ogumakar ukdamalad. Degi, ina-wawadikid ogumakar ukdamarbalid. Deginbali, Neg-Ise-Islidikidyaba, Israel-dulemar-e-isgued-eliega, Bab-Dummadga ibmar-durgan-e-abe-ukedgi arbadamarbalid. Igi Moisés-Bab-Dummad-e-mai sogsagusa, deyob imakdamalad.

2 Crónicas 24:6

Degisoggu, rey, dule-irwa-Bab-Dummadse-goled-Joiadaʼse gotesundo, ega sogded: “¿Ibiga be Levita-dulemargi alamaknaigussuli, Judá-yarse, degi, Jerusalén-neggweburse naega? Adi, Bab-Jehová-e-mai-Moisés, epenne Israel-dummaganbo mani-ukoye igar-mesisad sunaegar. Adi, Bab-Jehováʼbo-Igar-Mesisad-neg bendakledii guegar.”

Nehemías 9:14

Israel-dulemarga be sogsagusad, obunnoged-iba-islidikidgi be obunnomaloye. Beba-nanadiid-Moisésʼba, be igarmar-sogsadi, igarmar-be-mesisadi, degine, Igar-Maidi be uksad.

Job 36:24

Bab-Dummad-ibmar-imaked be gatik-ogannogo, ar namaklegedba we-ibmar-ogannolenai gusad.

Job 5:9

Ar Bab-Dummad ibmar-gegerdaklemalad imaked, bukidar ibmar-dakledisurmalad imaked. Akusunna-itoge anmar-imaked.

Salmo 100:5

Ar Bab-Jehová dule-nuedid, e-sabguedi degisadeguad. E-innikidaedi gege bergued.

Salmo 105:5

Bab-Jehová-ibmar-gegerdaklemalad-imaksad be insamalo. E-ibmar-dummagan-imaksad be insamalo. E-igarmar-sogsad be insamalo.

Salmo 111:2

Bab-Jehová-e-ibmarmar-imaksad doggus dungued, we-ibmarbina-itogerbamaladi, egi nergumalad.

Salmo 111:7

Na e-ibmar-imaksad, napiragwadid, innikigwadid. Bela e-Igar-Islidikid-Mesisad egi bengulesulid.

Salmo 139:14

Doggus-nuedye an bega soged, be-ibmar-obinnisadi, andi geger-daked. Be ibmarmar-imaksadi, geger-dakleged, ar we-ibmar an nue-wisid.

Salmo 145:17

Bab-Jehová, bela-be-ibmar-imakedi, innikigwadbi imaked. Bela nue-sabedgi be ibmar imaked.

Salmo 145:6

Be-ibmar-dummagan-imakedgi dulemar, sunmakmaloed, be dule-dummad-guedgi, an sunmakoe.

Salmo 18:30

Bab-Dummad-e-ibmar-imakedi innikigwad imaked, e-gayaburba sunsogedid. Bab-Jehová dule-egi-dukumaladga sigu-abgaedyob gued.

Salmo 78:12

Bab-Dummad Egipto-yargi, Zoán-nebagi, e-dadganga ibmar-dakledisurmalad-oyosgusadi, bela iesmalad.

Salmo 92:5

¡Bab-Jehová, ibibayobi be-ibmar-imaksad dummarba-gue! Bab-Jehová, be-binsaed bela-bela yeer-gangusoggu,

Salmo 99:4

Bab-Jehováʼye, be, Rey-gandikidid. Igar-innikigwad-imaked be sabed. Be, dulemarga yobi-gumalad-igar mesisad. Be, Israel-neggweburgi igar-innikigwadba, ibmar-imaksad, inniki-sogedba be ibmar-imaksad.

Isaías 33:22

Ar ade, Bab-Jehová, anmar-idugedid. Ar Bab-Jehová, anmarga dummadga negdakmaidid. Ar Bab-Jehová, anmar-e-reyd. ¡E na anmar-abonogoedid!

Isaías 45:21

Be sunmakmar, ibmar-imaksad be sogmar, na be muchub-muchub egisnanai be samalo. ¿Doa bato dikasurgus iduakwaa we sogsa? ¿Doa epenne bato we-ibmar sogsa? ¿Ar ade, ani an Bab-Jehová we-ibmar sogsasursi? Baid Bab-Dummad sulid. Ani an Bab-Dummad-Innikidaedid. Ani an Dule-Abonogedid. Baid Bab-Dummad sated.

Daniel 6:20

Rey achumigur-bukwad-walikgusgua, wile-itoge Danielʼse binnasur goted: —Daniel, Bab-Dummad-Dula-Maid-e-mai, be-Bab-Dummad, be gusgu e-nug odummodiid, ¿achumigurmargi nabir be-bendaksa?

Daniel 9:11

Bela Israel-dulemar Be-Igar-Maidgi bangudmalad, beba ibsabisurmalad. A-ulale, anmar-isgusadbali, be anmarga ib-isganamar-sogsagusadi, anmargi aibinnonikid. We-ib-isganamar, be-mai-Moisés-Igar-narmaksadgi narmakar maid.

Oseas 14:9

Ar dule, binsaed-ibedile, we-ibmarmar magar itogoed. Ar dule, nue-ibmar-wisile, we-ibmarmar magar itogoed. Bab-Jehová-igarmala bela innikigwadbiid. A-igarbali, dule-innikimalad nanamalad. Dule-uayasulidamaladdi, we-igargi yoleddamalad.

Miqueas 7:20

Jacob-waganga, be-ibmar-inniki-imaked, be oyoge, Abraham-waganga, dule-ise-wiledaked be oyoge. Epennegwa anmar-dadganga ise-sogar-imaksayobi, be ibmar imake.

Sofonías 3:5

Dule, Bab-Jehová-e-dulamar-abargi-gudiiddi, igar-inniki-imakedid, ibmar-isgana imaksulid. Bane-bane wakudaryalaba e-igar-inniki-imaked imakdiid, bangi-oibosale, geg imaksuli gued. Dule-isganadina, gwen binged itosulid.

Zacarías 9:9

Sión-dulemar, ¡be nue-wergumala! Jerusalén-dulemar, ¡weligwaledba be binnasur gormala! ¡Weligwaledba be gormakmala! Be dake, be-rey bese danikid. Be-rey, dule-innikigwadid, emar-abonogedid, na san-dummarba imaksulidid. Moli-uayasuid-bipigwad-birgi-sii danikid, we-moli-bipigwad, moli-uayasuid-ome-e-mimmid.

Juan 1:17

Ar Bab-Dummad Moisésʼba dulemarga igar mesisad, dulemar igi nanaergebe. Ar Bab-Dummad na e-nue-sabeddi, degi, e-igar-napiragwaddi, Jesucristoʼba anmarga uknonikid.

Deuteronomio 31:30

Geb degine, Moisés we-namakedgi bela Israel-dulemar-bukwad-abargi, namaked-gebe-onoded-akale, degi, bergunaidse egi sunmakded:

Deuteronomio 32:3

”An Bab-Jehová-nug soge-soge imakdii guoed. ¡Anmar-Bab-Dummad-nug be odummomar!

Deuteronomio 34:5

Agi, Bab-Jehová-e-mai-Moisés, Bab-Jehová-ega-sogsadba, Moab-yalagangi burgwisad.

1 Timoteo 1:17

Degisoggu, aga anmar-Rey-Dummad-degisadegu-maid, geg burgwed, a-e-nug odummolesun. We-Rey-Dummad sanar dakledisulidid, unnila abi bela-ibmar-wisimaidid, a e-nug odummolesun. Ar deyobdo.

Hebreos 3:5

Moisés, Bab-Dummad-e-mai, yoedse Bab-Dummad-ibmar-sogoed-e-wilubganga-guega gwen galakussuli Bab-Dummad-neg-yagi arbadii gusad.

Josué 22:5

Unnila an bemarga sogdo, Bab-Jehová-e-mai-Moisés bemarga Igar-Mesisadba, Igar-Uksadba be innikigwadba nanadii imakmalo. A-igar weyob sogmaid: ‘Be-Bab-Dummad-Jehová be sabgumalo, a-sogedba be nanadii gumalo, Bab-Jehová-Igar-Maidba be ibsadii gumalo, egi be mer bipisaale bangumalo, degi, bela-bela be-gwage-ulubgi, be-sangi be Bab-Jehová-nug odummodii imakmalo.’ ”

Apocalipsis 1:8

Bab-Dummad-Bur-Birigined weyob soged: Ani an Gebesailaginedid, (Alfa). Ani an Napisoladbalid, (Omega). Ani an Bela-Gangued-Nikad, gudiid, ani an Bela-Gangued-Nikad, gudigusad, ani an Bela-Gangued-Nikad, gudigubaloed.

Apocalipsis 11:17

sogdemalad: “Bab-Dummad-Bur-Birigined, be bela gangued-nika maidid. Be dula gudiidid, dula gudigusadid. Ar bela be gangued-susadba, anmar bega dog-nuedye sogmalad. Emigindi, bela na be negdakmaisunnad.

Apocalipsis 14:3

Wemar, ologana-asabin, degi, ibdula-walabakegwad-asabin, degi, girmar-selegan-asabin, namaked-binid namakbukmalad. We-namaked-binid gege dule-baigan durdaked. Unnila dulemar-mili-dulagugle-gakabake-we-napneggi-abonolesmaladbi (144,000), we-namaked wismalad.

Apocalipsis 14:8

A-sorbali, baliwitur-baid nonikid, binnasur sogded: “¡Babilonia-neggwebur-dummad bergussun! ¡Obelolessun! ”We-neggwebur, bela-dulemar-yar-baid-baidgi-bukmalad-isguega imaksad. We-neggwebur, e-ibmar-isganagi-mumguega, negsichigi-abirgunagwarsuli-gudiguega, yar-baid-baidgi-bukwamalad-imaksad.”

Apocalipsis 17:14

We-reymar Sibad-Wawaad-Mimmi-ebo urwemaloed. Sibad-Wawaad-Mimmi egi obinoed. Ar Sibad-Wawaad-Mimmi dummagan-e-Dummadid, degine, reymar-e-Reyd. Degine, eba-nanaidi, ese gorlesmaladid, sulesmaladid, degine, gwen galakussurmarbalidid.”

Apocalipsis 19:16

Dule-moli-sibudikid-birgi-siid-e-mor-yoidgi, degi, e-duawargi, weyob nug narmakar naid: Reymar-E-Rey, Dummagan-E-Dummad.

Apocalipsis 19:2

Ar na dulemarga-igar-naboged napiragwadba, degi, innikigwadba, imaked. Gambanuchu-imakdiidba, we-napneggi-dulemar-ichodigusadba, we-ome-sabsur-odurdaksad. Degi, Bab-Dummad-e-maimar-oburgwisadba, Bab-Dummad we-ome-sabsur-odurdaksad.”

Apocalipsis 4:8

Wemar-ibdula-walabakegwadi bela sakan nergwa (6) nikadbimalad. E-sakan-birgine, degine, e-sakan-urbali, bela ibyagibi dakleged. Mutikidbali, degi, ibginedbali, weyob-soged gwen bogilenaisurmalad: “Bab-Dummad-Bur-Biriginedi, Bab-Dummad-Isligwaledid, Bab-Dummad-Isligwaledid, Bab-Dummad-Isligwaledid. Bab-Dummad-Bela-Gangued-Nikad, gudigusad, Bab-Dummad-Bela-Gangued-Nikad, gudiid, Bab-Dummad-Bela-Gangued-Nikad, gudigubaloed.”