Apocalipsis 14:4 - Kuna San Blas

⁴ Wemala, omeganse-gochasurmaladid, na san-swilidik sedigusmaladid. Wemar, Sibad-Wawaad-Mimmi bia naoe, eba naddamalad. Wemar-insega Bab-Dummadgadga-gumalaga, degi, Sibad-Wawaad-Mimmigadga-gumalaga, dulemar-abargi abonolesmalad.

Bab dummad Jesucristoba igar mesisad garda

⁴ Wemala omegangi-iskussurmalad, na san-swilidik sedigusmalad. Wemar Sibad-Wawaad-Mimmi bia naoe, eba naigu-gusmalad. Wemar dulemar-abargi abonolesmalad, adi wemar-insega Bab Dummadgadga, degi, Sibad-Wawaad-Mimmigadga gumalagar.

Apocalipsis 14:4 Iomraidhean Croise

Salmo 45:14

E-mor-ise-nue-sobaled-yoi reyse seledoed. E-aimar-yagana e-sorba-nai nadapmaloed.

Salmo 74:2

Be-dulamar negasailaun be susadi, mer be iego. Be-dulamar begadga-guega be bendaksagusadi, mer be iego. We-Sión-yar-siid be-negga be imaksadi, mer be iebalo.

Cantares 1:3

Be-ina-wawadikid-e-yapannedi, nue-yeer yapanned. Ar be-sunnadi, ina-wawadikidyob gued. ¡Agala, yagana nue-bebina sogmalad!

Cantares 6:8

Ar rey-omegan e-dulapaa (60) gued, rey-omegan-dikarbarmalad e-dulabake (80) gubalid, degi, yagana-bukidar gubalid,

Jeremías 2:3

Ani an Bab-Jehová-guedgi an bega soged: Bemar-Israel-dulemar, anga be dule-gwage-swilidikmalad gumalanad. Bemar anga, gebe-ibmar-sanmakedyob gumalanad. Dulemar ibigwensur-bemar-imakalile, anse sabsur-odurdakledaed, boni-dummagan an egi barmiardaed.’ ”

Amós 6:1

Amós sogdebalid: “Dule-Sión-neggweburgi-baisuli-itodimalad, ¡duledar-wilesmar! Samaria-yargi-dobsulidba-gudidimalad, ¡duledar-wilesmar! Dule-nug-nikamalad neggwebur-dummagangi-mamaid, ¡duledar-wilesmar! A-dulemarse Israel-dulemar bendakleged egisnaddamalad.

Mateo 19:12

Ar gwen-gwen gusgu muu-neg-akale, geg-ome-nikued danikid. Ar gwen-gwen yamo siamar-baisur-dakega alu-gwasuar imaklesmalad. Ar gwen-gwenbali, na dukin Bab-Dummad-e-negdakmaid-ular, mer-ome-nikued imaksamalad. Ar dule na unni omesuli nanao-itogele, omesuli-nanaed-igar na abingado.

Mateo 25:1

Degi Jesús sogdebalid: “Bab-Dummad-e-negdakmaid ome-nikunaid-ibagi-gusayob gued: A-ibagi yagana-ambegwad (10) ome-nikulenaid-ibase-naega, na gwallu egad-egad sesmalad, adi, suiga-guoed-abindaknaegar.

Mateo 8:19

Degine, geb garda-narmaked-dule-wargwen Jesúsʼse nonikid, ega sognonikid: —Odurdaked-saila, ar bia be naoe, an beba naiguodo.

Juan 10:27

An-sibad-wawaad an-gayaburba mag-itomalad, an mag daked, degine, anba naddamalad.

Juan 12:26

Ar dule anga arbabiele, an-sogedba-nanaega anba dagodo. Dule-anga-arbaedi, an-gudiguoedgine gudii gumogoed. Ar dule anga arbaele, an-Bab a-dule-nug odummomogoed.”

Juan 13:37

Pedro ega sogded: —Dummad, ¿ibiga emigindi geg an beba nae? An be-ular-burgwega guakwaa an gudiid.

Juan 8:12

Gannar Jesús dulemarga sunmakdebargu, sogded: —Ani an we-napneg-naid-e-gwallu-meegwadid. Ar dule anba dagele, negsichidgi nanaosulid, gwallu-meegwad nikuoed.

Gusmalad 20:28

”Bab-Jesús dulemar-egadga-guega na e-abegi baksad. Emide, Bab-Dummad-Burba-Isligwaled bemarga a-dulemar-dakega be-nug-imasmalad. Degisoggu, bemar nue-salakarmar, degi, a-dulemar nue-akwemalo. Ar igi dulemar sibad-wawaad-edarbemala, deyob Jesúsʼba-nanaimalad be edarbemarmogoed.

1 Corintios 16:15

Gwenadgan, bemar wisid, Estéfanas-negginmalad-inse Acaya-yargi Bab-Jesús-abingasad. Emigindi, amar Jesucristoʼgi-akananaimalad-bendakdimaladid.

1 Corintios 6:20

Ar Bab-Dummad gargedgi bemar-baksad. Degisoggu, bemar-sangi, degi, bemar-burbagi, Bab-Dummad-nug odummomarsun, ar sogbobela, be-san, degi, be-burba, Bab-Dummadgad gued.

1 Corintios 7:28

Ar be ome-nikuele, gwen be isguosulid. Ar yagwa-gwensak sui-nikuele, gwen isguosurmogad. Degi-inigwele, na abirgunagwar-nikumaladdi, we-napneggi igar-buled nikumaloed. Ar we-igargan-buled-nikubisuli an be-abemalanad.

2 Corintios 11:2

Ar Bab-Dummad-bemargi-nobedyobi an bemargi nobmarmogad. Unnila sui-wargwennaga, yagwa-swilidik sui-nikusokalidyob an be-imaksamalad, Cristoʼga an deyob be-ukmalad.

Efesios 1:14

Bab-Dummad anmarga E-Burba-Isligwaled-uksadba bato anmarga sognaid, ibmar-nuegan-baigan anmarga-ukoye-sogsad anmarga bela ukedseye. Bab-Dummad bela dulemar-egadga-guoye-sogsad isguedgi-onosale, bela anmarga ibmar ukoed. Agi, Bab-Dummad-nug bela-bela ogannoledii guoed.

Efesios 5:27

Adi, Cristo, eba-nanaimalad nue-swilidikidgi, isgued-naisulidgi, bela yeerdaklege, gwen gutu-naisuli, bapi-bapidsuli, bela nued-daklege, deyob na ega-ukega, na eba-nanaimalad-imaksad.

1 Timoteo 4:3

A-dulemarde noar odurdakmalad. Sogdamaloed: “Machergan mer ome-nikumaloye. Omeganmo, mer machergan-nikumarmogoye.” Degine, sogdamarbaloed: “Mas gwen-gwen ise gulleye.” Ar ade, Bab-Dummad mas obinnissursi, adi, Bab-Jesúsʼgi-bensurmalad, igar-napiragwad-wismalad mas gunmalagar.

Hebreos 12:23

Bab-Dummad-mimmigan-gebemalad bato e-nug-nibneggi-narmakarmaladse be nonimalad. Bab-Dummad-bela-dulemarga-igar-itogedse be nonimalad, degine, dulemar-nuegan-e-burba-inniki-imaklesmaladse be nonimalad.

Santiago 1:18

Bab-Dummad na e-binsaedba, E-Gayaburba-Nued-napiragwad-sogedba anmarga burba-dulad uksad, adi, e-ibmar-obinnisad-abargi anmar-inse e-mimmiganga guegar.

1 Pedro 2:9

Ar bemardi, dula-sulegaled gumalad. Bemar Bab-Dummad-e-negdakmaidgi, dule-irwa-Bab-Dummadse-gormaladga gumalad. Bemar dulamar-swilidikid gumalad. Degine, bemar Bab-Dummad-e-dulamar gumalad. Bab-Dummad deyob be-susmalad, adi, Bab-Dummad-ibmar-nued-imakedgi be dulemar-baiganga sunmakmalagar, sogmalagar, igi bemar negsichidgi-gudigu, Bab-Dummad be-onosmala, e-neg-meegwad-nuedse be-searmala.

Apocalipsis 17:14

We-reymar Sibad-Wawaad-Mimmi-ebo urwemaloed. Sibad-Wawaad-Mimmi egi obinoed. Ar Sibad-Wawaad-Mimmi dummagan-e-Dummadid, degine, reymar-e-Reyd. Degine, eba-nanaidi, ese gorlesmaladid, sulesmaladid, degine, gwen galakussurmarbalidid.”

Apocalipsis 21:22

We-neggweburgi Bab-Dummadse-goled-neg sii, an daksasulid. Ar ade, Bab-Dummad-Bur-Birigined-Bela-Gangued-Nikadi, degi, Sibad-Wawaad-Mimmi na Babse-goled-negga gubukwad.

Apocalipsis 21:23

We-neggwebur ibegwar-sigegala, dad-ibeler abesulid, nii abesurbalid. Ar ade, Bab-Dummad-gaedba we-neg ibegwar siid, degi, Sibad-Wawaad-Mimmi ega neg-ibegwaledga gubalid.

Apocalipsis 3:4

” ’Ar Sardisʼgi abar-gwenna-gwenna mor-gutu-satemaladyob e-daed nikad. Wemar mola-sibu-yoi anba gudigumaloed. Ar wemar-degiguedi, ega igar nue-maid.

Apocalipsis 5:9

Ibdula-walabakegwadi, degine, girmar-selegan-dulagwen-gakabakegwadi (24), namaked-binidgi weyob namakbukmalad: “Be burgwisad-ular, bebi sunna garda egaed, bebi sunna e-wilubgan-naid be bisgebalid. Be-ablisgi be Bab-Dummadga dulemar-baksad. Bela dule-ablis-akar-akarmalad, dule-gaya-akar-akar-sunmakmalad, neggwebur-bukwamalad, dule-yar-baid-baidgi-bukwamalad, amar belagwapa be Bab-Dummadga baksad.