Apocalipsis 14:2 - Kuna San Blas

² Geb degi, nibneggi gayaburba diwar-dummad-aryogwichidyob-gole, mar-binnasur-goledyob-gorbali, an itosad. Gayaburba-gole-an-itosadi, dulemar-gar-arpa-ogormalad-ogorbukwadyob an itosad.

Bab dummad Jesucristoba igar mesisad garda

² Geb degi nibneggi gaya-burba diwar-ichesur-aryomaidyob goled, degine, mar-binnasur-goledyobi gorbalid. Gaya-burba-gole-an-itosadi, dulemar-gar-arpa-ogormalad-ogorbukwadyob goled.

Apocalipsis 14:2 Iomraidhean Croise

2 Samuel 6:5

Davidʼdina, Israel-dulemarmala weligwaledba Bab-Jehová-asabin gwirnanai guarmalad. We-garmar-ogornanai guarmalad: Gar-arpa, gar-salterio, gar-pandero, gar-gammu, gar-címbalo, degine, gar-bamalad-urgogi-sobarmalad.

2 Crónicas 20:28

Degi, Jerusalénʼse nonimargu, Bab-Jehováʼse-goled-negse nadmalad. We-garmar-ogornadapi ubodapmalad: Gar-salterio, gar-arpa, degi, gar-trompeta. We-garmar-abargi ubodapmalad.

Salmo 147:7

Bab-Jehováʼga yeer-itogedgi namakmala. Anmar-Bab-Dummadga gar-arpaʼba namakmala.

Salmo 149:3

Nue-weligwaledgi-dodonai, Bab-Dummad-e-nug ogannomala. Gar-pandero-ogornai ega be namakmala. Gar-arpa-ogornai ega be namakmala.

Salmo 33:2

Bab-Jehová-nug gar-arpa-ogoledba be odummomar, Bab-Jehová-nug gar-arpa-dub-giambe-nikadba (10) be odummomar.

Salmo 43:4

Bab-Dummad, be-ibmar-ukleged-ailase an warmakoed. Agi, an gar-arpaʼba bega namakoed. Ar be, an-Bab-Dummadid, weligwar be an-imakedid.

Salmo 57:8

An wakudaryalaba gwisgudagoed. An atakalile, gar-arpa, gar-lira, an ogoloed.

Salmo 92:3

Gar-oimakar-goledba-namaked, gar-lira-goledba-namaked, ibiyobi dog-nuedi. Gar-arpa-goledba-namaked, gar-salterio-goledba-namaked, ibiyobi dog-nuedi.

Salmo 93:4

Bab-Jehová, ar bedi demar-uurmakedba bur be dutusur gued, ar bedi muu-billigan-arwedba bur be dutusur gued, ar bedi nibneggi bur dutusur maid.

Salmo 98:5

Bab-Jehováʼga gar-arpaʼba namakmala, gar-liraʼba ega namakmala, yeer-namaklegedgi ega namakmala.

Éxodo 19:16

Ibapaa-gusadgi neg-oiboargu, mar-goledi bela-bela itoleged, degine, mar-dakarmakmaidi bela-bela daklebalid. Yar-birgi, mogir-gudure naid. Gar-trompeta-binnasur-goted-itosmargua, bela-dulemar-bukwadi dobedba wawanmakdemalad.

Éxodo 20:18

Bela Israel-dulemala e-sunnagwad mar-gollomakmaid itosmargua, degine, gar-trompeta-binnasur-goled itosmarbargua, deginbali, mar-dakarmakmaid daksamarbargua, degi, yar waa-moodo-siid daksamarbargua, Israel-dulemar nue-dobee itodmalad, wawanmakdemalad. Degisoggu, yargi bannabaa ambikusmalad.

Isaías 17:13

We-dulemar, demar-uurmakmaid-dagumakmaidyob-damar-inigwele, Bab-Dummad ese-binnasur-uludele, duurmakdedamalad. Igi yarbali gagan-dinnagana burwa-abin seleddae, deyobi, dulemar duurmakdedamalad. Igi ukub burwa-binnasur-goledba mileddae, deyobi, dulemar duurmakdedamalad.

Ezequiel 43:2

Geb Israel-e-Bab-Dummad-e-gangued-yeerdakleged dad-nakwedsiki daniki an daksad. E-goledi, diwar-dummad-uurmakedyob goled. Degi, Bab-Dummad-e-gangued-yeerdaklegedba napaneg ibegwar nagusad.

Zacarías 9:14

Bab-Jehová Grecia-dulemargi nonikoed. E-sigu, mala-aidegeyobi miledoed. Bab-Jehová-Bela-Gangued-Nikad gar-trompeta ogornonikoed, dad-nakwed-argan-nuedsik-burwa-dummad-goled-abargi naoed.

1 Corintios 13:1

Igidibe, sunna dulemar-gaya-baid-baid-sunmakmalad an sunmakdibe, degine, baliwiturmar-gaya an wisbardibe, ar degite, sabedgi an imaksulile, an binsa esnon ee oimakeyob, degine, bormo-matargana na abin-abin sarsolenaiyob an gudiido.

Apocalipsis 1:10

Bab-itoged-ibagi Bab-Dummad-Burba-Isligwaled bela-bela angi nonikid, an-yarganba gar-trompeta-goleyob binnasur gayaburba gornonikid,

Apocalipsis 1:15

Degine, e-nagmar, igi esgordikid-soo-yagi-dulenair dakarmake, ayob gaed. E-sunmaked suke-dummad-aryomaidyob goled.

Apocalipsis 11:12

Geb wemar-warbogwad, nibneg-akale, binnasuli gayaburba-gole itosmalad. Ega weyob soged: “Niba be nakwedamar.” Geb wemar-warbogwad mogir-abalagi nibnegse nakwidmarsunnad. Degine, bela-e-isdarmalad wemar-warbogwad-nibnegse-nakwided daksamalad.

Apocalipsis 11:15

Baliwitur-gugled (7) e-gala-trompeta-ogotegu, nibneggi gayaburbamar-bukidar gole an itosad. Weyob sogmalad: “We-napneggi-negselemaid, bela anmar-Bab-Dummadgadga gunonikid, degi, E-Cristoʼgadga gunonibalid. Degisoggu, degisadegu, amar negdakmai guoed.”

Apocalipsis 15:2

Degine, demar-isbe-daledyob-dakleged sooba-oburaled an daksabalid. We-isbe-birgi dulemar, ibdula-gebedgi-obichamalad, e-wilub-sobaledgi-obichamalad, degine, e-ebised-nuggi-obichamalad, gwismalad. Wemar, gar-arpa-Bab-Dummad-ega-uksad-gani, gwichimalad.

Apocalipsis 18:22

Babilonia, gala-arpa-ogormalad, gar-ogormalad, gammu-ogormalad, gala-trompeta-ogormalad, begi bar gwen itolegosulid. Degine, galagwensuli ibmargi-arbamalad gwen bar daklegosurbalid, degi, orsar bar gornai gwen itolegosurbalid.

Apocalipsis 5:8

Sibad-Wawaad-Mimmi garda-susgua, ibdula-walabakegwadi, degi, girmar-selegan-dulagwen-gakabakegwadi (24), bela yokorgi-sindigar Sibad-Wawaad-Mimmi-asabin sigidmalad. Amar bela gar-arpa ganikidbimalad, degine, olo-noga ibmar-wawadik-yapanmalad-ena sedidimalad. We-olo-noga, Jesucristoʼgi-akananaimalad-Babse-goled-e-burbagan gued.

Apocalipsis 6:1

Sibad-Wawaad-Mimmi, gardagi-wilubgan-sogagugle-sakdigar-nanaid-gebed bichis an daksad. Geb ibdula-walabakegwad-gwensak mar-goledyob binnasur weyob soge an itosad: “Be dage. Be dakdage.”

Apocalipsis 8:7

Baliwitur-gebedi gala-trompeta-ogotegu, dii-gwamakaled, soo abeba-oburar napnegse babatiargusad. Napneggi-dula-bukwad-sogapaa-soggwen gummaksad. Sapimar-bukwad-sogapaa-soggwen gummaksabalid, degi, gagan-aradgan bela gummaksabalid.