Apocalipsis 14:1 - Kuna San Blas

¹ Geb sorba an dakdebargu, Sibad-Wawaad-Mimmi Sión-yargi gwichi an dakded. Dulemar mili-dulagugle-gakabake (144,000) eba gwichimalad. We-dulemar, e-bebegine, Sibad-Wawaad-Mimmi-nuga, degi, e-Bab-Dummad-nuga, narmakar naimalad.

Bab dummad Jesucristoba igar mesisad garda

¹ Geb-degi-sorba an dakdebargu, an dakded, Sibad-Wawaad-Mimmi Sion-yargi gwichi, dulemar eba mili-dulataled-ilagwen-gaka-dulabo-gakabake (144,000) eba gwichimalad. We-dulemar Sibad-Wawaad-Mimmi-nuga, degine, e-Bab-Dummad-nuga e-bebegine narmakar naimalad.

Apocalipsis 14:1 Iomraidhean Croise

Salmo 2:6

Bab-Jehová weyob ega sogded: “Ani an-yar-islidikid-Siónʼye-nugadgi, an-rey an mesisad.”

Isaías 49:14

Degi-inigwele, Sión-yalagi-bukmalad weyob sogsad: “Bab-Jehová walagwen an-meted, Bab-Jehová an-iesad.”

Jeremías 1:11

Geb Bab-Jehová anga soged: “Jeremías, we-ibmar, ¿ibu-ibmar be dake?” Bab-Jehová-abin an sogded: “We an dakedi, sapi-almendro-ana an daked.”

Ezequiel 1:4

Geb degine, dad-nakwed-argan-sapiledsik burwa-dummad daniki, degi, soo-binnasur-gaed-abargi mogir-dummad neg-ibegwar-imakdaniki an dakalid. Soo-abargine, esgoro-gordikid-gaedyobi, ibmar gae an dakalid.

Ezequiel 10:1

A-sorbali, baliwiturmar-querubinʼye-nugmalad e-nono-birgi neg-olloled-dummad nai an daksad. A-neg-olloled-nibali akwa-zafiroʼye-nugadyob ibmar siid, rey-ganyob dakleged.

Ezequiel 10:9

Querubinʼmar-dikarba gwabake ibmar-dirbiled-bipirmakmalad nai, an daksad. Querubinʼmar war-wargwen-walik gwa-gwagwen ibmar-dirbiled-bipirmakmalad nanaid. Ibmar-dirbiled-bipirmakmalad akwa-crisólitoʼyob gamalad.

Ezequiel 2:9

Geb degine, argan-gwensak ansik-oyolenai an dakalid. A-argangine, garda bipirmakar-mai an dakalid.

Ezequiel 44:4

A-sorbali, dule, Babse-goled-neg-asabin, dad-nakwed-argan-sapiledsik doged-siidba an-sesad. Babse-goled-neggi, Bab-Jehová-e-gangued-yeerdakleged daasasii an dakdegua, wagar napase-dulluu an imaksad.

Ezequiel 8:7

A-sorbali, Bab-Dummadse-goled-neg-imba-dogedse an-sesad. Geb galugine, yaa-gwagwen olloo-sii an daksad.

Ezequiel 9:4

Bab-Jehová ega sogded: “Jerusalén-neggweburgi be bipirmaknae. Geb neggweburgi ibmar-isgana-imakleged-ular, dulemar-bukib-binsadidimalad-e-bebegi, degi, bela wile-itodidimalad-e-bebegi, be wilub nasiknae.”

Daniel 12:5

”Ani, Daniel, an-asabin dule-warbo-gwichi an daksabalid. Wargwena diwar-gakaba gwichid, baiddi diwar-gaka-obakaledgi gwismogad.

Joel 2:32

Bela dulemar e-Bab-Dummadga Bab-Jehová-imakmaladi, abonolemaloed. Ar igi Bab-Jehová sogsagusa, deyobi, Sión-yargi, Jerusalén-neggweburgi, abonoleged nikaoed. Bab-Jehová na dulemar-susagusadi, dulemar-dula-bemaloed-abargi gudii imakoed.

Amós 8:2

Degi, anse egichided: —Amós, we, ¿ibu be dake? Degi, an abin-sogde: —Garbagi sapi-san-gorogana-bukwa an daked. Degidgine, Bab-Jehová anga sogded: —Israel-dulemar-e-bergued-ibagan warmaknonikid. Ibmar-san-gorogwayobi berguoed. Israel-dulemarga e-isgued bar an eliosulid.

Miqueas 4:7

Dulemar-nailikguarmalad napi besmaloed. Amarde, neggweburga an imakoed. Dulemar-yar-baid-baidse-mimilesmaladgi, dulamar-bela-bela-gangued-nikadga an imakoed. Ani Bab-Jehová ega Sión-yalagi yar-seoed, degisadegu yar-semai guoed.

Zacarías 4:2

Geb anse egisded: “¿Ibu be dake?” An abin-sogded: “Gwallu-olo-sunnabiid-candelabroʼye-nugad an daked. Geb birgine, olivo-gwallu-siged-nika an dakbalid. Gwallu-olo-sunnabiid-birgine, gwallu-senigana gugle (7) siid. Degi, e-warmar gugle (7) nikabalid. A-warmarbali, olivo-gwallu ese warmaked.

Lucas 12:8

Jesús sogdebar: “An bega sogmar, ar doa-dule dulemar-asabin na sogdibe, an Cristoʼba naiye, ani Dule-Machi, Bab-Dummad-baliwiturmar-asabin, an sogmogodo, we an-sordaye.

Romanos 9:33

Ar weyob Bab-Dummad-Gardagi narmakar naid: Bab-Dummad soged: “¡Be dakmala! Siónʼgi akwamur-dule-egi-gowarmaked an sied, we-akwa-dummad-dule-egi-aimukued an sied. Ar dule we-akwagi bensurgunonikile, egi gwen bingeguosulid.” Isaías 28:16

Apocalipsis 14:14

An dakdebargu, mogir-sibudikid nai an dakded. Mogir-birgi Dule-Machiyob-dakle siid. E-nonogi ologurgin siid, e-argangi esa-dopegwad-nugar-ibed ganikid.

Apocalipsis 14:3

Wemar, ologana-asabin, degi, ibdula-walabakegwad-asabin, degi, girmar-selegan-asabin, namaked-binid namakbukmalad. We-namaked-binid gege dule-baigan durdaked. Unnila dulemar-mili-dulagugle-gakabake-we-napneggi-abonolesmaladbi (144,000), we-namaked wismalad.

Apocalipsis 15:5

We-ibmarmar-gusad-sorba an atakdegu, nibneggi Babse-goled-neg argade an daksad. We-negde, Bab-Dummad-Israel-dulemar-na-ebo-Igar-Mesisad-negad.

Apocalipsis 22:4

Amar Bab-Dummad-wagar asabinmakar dakmaloed, degi, Bab-Dummad-e-nuga e-bebemargi narmakar-nai gumarbaloed.

Apocalipsis 3:12

” ’Ar dule gwen galakussulile, an Babse-goled-neg-e-bubawaryob an imakoed. A-dule gwen bar agi onolegosulid. A-dulegine, an-Bab-Dummad-nug, degine, an-Bab-Dummad-neggwebur-e-nug, an narmakoed. We-neggweburde Jerusalén-binidid, nibneggi-aidedanikidid, an-Bab-Dummad-barmialidid. Degine, an-nug-binid an a-dulegi narmakbaloed.

Apocalipsis 4:1

Geb a-sorba, an atakdebargu, nibneggi yawagak-argaar-sii an dakded. Gayaburba-gar-goleyob-gebedgi-anga-sunmaksad an itoarbalid. Anga soged: “Wese anse be nakweda, we-sorba-ibmarmar-guoed an bega oyogoed.”

Apocalipsis 6:8

An dakdegu, moli-gordikid noarbali an dakalid. Dule-a-moli-birgi-siidi Burgwedye nugad. A-sorba, Dule-Burgwarmalad-Meged-Nega nadapmogad. Wemarga, napneggi-dula-bukwad-sogabake-mamarisad-soggwen ogilogega ega gangued uklesad. We-ibmarmargi oburgwega: Es-suidgi oburgwega, ukudgi oburgwega, gegumalad-dummadgi oburgwega, ibdurgan-sapurbarmalad-ursirmaladgi, ogilogegar.