Apocalipsis 13:2 - Kuna San Blas

² Ibdula-unidi achu-barbadyob dakleged. E-naga, wiob-nagyob dakleged. E-gayadi, achumigur-nono-wawaad-gayayob dakleged. Achu-simudubaledi, e-nuggi-ibmar-imaked-igar ibdula-unidga uksad. Ibmar-gegerdakleged-imaked-igar, ibdula-unidga uksabalid. Deginbali, negseed-igar ibdula-unidga uksabalid.

Bab dummad Jesucristoba igar mesisad garda

² Ibdula-unidi achu-barbadyob-dakleged, e-naga wiob-nagyob-dakleged, e-gayadi achu-migur-nono-wawaadyob-dakleged. Achu-simudubaledi na e-gangued ibdula-unidga uksad, degine e-olo-gana ega uksabalid, geb deginbali, bela ibmar imakegala e-gangued ibdula-unidga uksabalid.

Apocalipsis 13:2 Iomraidhean Croise

2 Reyes 2:24

Geb, Eliseo yarganba aibilided amar-nuu dakdegu, Bab-Jehová-nuggi a-sapingan ukabsasad. Geb degine, wiob-walabo sapingangi noalid. Bela sapingana e-dulabo-gakabo (42) ese ibitosmalad.

Salmo 22:21

Achumigur-nono-wawaadyob-gudimaladgi be an-bendake. Moli-bebe-nikad-ursirmaladyob-gudimaladgi be an-ollor-imake.

Proverbios 17:12

Dule-binsaedsulidaed e-ibmar-imakedgi-alamakdiid-abinguedba bur-baisulid, wiob-urwediid-abingued.

Proverbios 28:15

Dule-yar-seed-isgana, dule-wilemalad-mesagwar-imakmaile, achumigur-nono-wawaad mas-gaeyobid, wiob mas-gasa gunaiyobid.

Isaías 5:29

Sorda-bila-onomalad-e-goledi, achumigur-nono-wawaadyob goledbioed. Achumigur-nono-wawaad-e-mimmigan-uurmakeyobmaloed, e-nugar ogotemaloed. Dule ese-galesale, dule gwen egi suosulid.

Jeremías 13:23

¿Ar dule-uka-sichidi, e-uka ogwao be insae? Gege na e-uka ogwaed. ¿Ar achu-sapur-uka-mata-matad, e-uka ogwao be insae? Suli. Gege ogwaed. Ar bemar deyobmodo. ¿Ar bemar ibmar-isgana-imakdimaladgi, ibmar-nuegan imakmalosi? Suli. Ar bemar bato ibmar-isgana-imaked nue-durdaksamalad.”

Jeremías 5:6

A-ulale, achumigur-nono-wawaadse gullemaloed, achu-burburud-nega-dulesulidganbalidse ichimaklegoed. Achu-barbad e-neggwebur-ebiris bina itos gudiid. Bela dulemala neggweburgi-nodmalale, ese ibitolegoed. Ar we-dulemar dogdar begi yolesmalad, ar we-dulemar dogdar begi uayasuli gusmalad.”

Oseas 11:10

”An achumigur-nono-wawaadyob uurmakdoed, geb bemar anba ibsadmaloed. An binnasuli-uurmakdele, be-wagan, dad-nakwed-akale, dobed-abalagi anse nonimaloed.

Amós 3:12

Bab-Jehová weyob soged: “Igi-sibad-wawaad-edarbedi, e-sibad-wawaad achumigurse-galealile, aisaar na bendaknaidae, degi-inigwele, unnila e-malibi, e-uayadukubidibe na gadapdae, deyobi, wis Israel-dorgan-Samariaʼgi-bukwadi san-onogoed. Deyobi, wis Israel-dorgan-Damasco-neggweburgi gan-mua-muadgi-sigmaladi, san-onogoed.”

Amós 5:19

Dule aisaar achumigur-idu-wakinmaiyob guoenad, degi-inigwele, wiob-abingudagoed. Deyobiyobi, a-iba ega guoed. Dule e-negyaba-dogmaile, galugi akadapiyob guoed, galugi-akadapidba naibegi-warmaksayobi guoed. Deyobiyobi, a-iba ega guoed.

Habacuc 1:8

E-molimar, achu-barbadba bur bule abarmakmalad, achu-sapurba bur bule ursirmalad. E-sordamar-moli-birgi-bila-onomalad sabsur-abarmakmalad, we-sordamar dikasur danimalad. Igi sulubagi e-mas-daksale, binnasuli egi melleardae, deyobi dulemargi mellear damalad.

2 Timoteo 4:17

Ar Bab-Jesúsʼdi anba gudigusad an-metesulid. Geb an-bendaksad, degine, an-ogannosbalid, adi, Bab-Jesúsʼgi-Abonoleged-Igargi an sunmakegar. Adi, bela Judíoʼsurmalad a-igar itomarmogagar. Degidbali, nabir Bab-Jesús burgwedgi an-abonosad.

1 Pedro 5:8

Degisoggu, nue binsaed-nikaa be damar, nue atakmar. Ar nia-saila-be-isdarad, achumigur-nono-wawaad-uurmakdiiyob be-ebilis gudiid. Dule-amidiid, doa-gunnodibeye.

Apocalipsis 12:13

Achu-simudubaled napnegse egwalles na itoargua, ome-susugwa-ega-uklesad-baregitesunnad.

Apocalipsis 12:15

Naibe e-gaya-yaba diwaryobi omegi dii eoalid, adi, ome diiba selegegar.

Apocalipsis 12:9

Degidbali, achu-simudubaled-dummad barmelledsunnad. We-achu-simudubaledde naibe-gebesailadid, nia-saila-Satanásʼye nugad. We-nia-saila-Satanás, dulemar-bela-napneg-naidgi-yardakdiid-duled. We-achu-simudubaled we-napnegse egwadlenonisunnad, e-baliwiturmar bela eba egwallenonimarmosunnad.

Apocalipsis 13:12

Degine, we-ibdula-sorbalid, gebe-ibdula-unid-e-gangued-nikadba ibmar imakalid. We-ibdula-sorbalid, we-napneg, degi, bela dulemar-we-napneggi-bukmalad ibdula-nono-nue-naibigusad-nugusad-e-nug-odummogega, imaksad.

Apocalipsis 13:4

Bela dulemala, achu-simudubaled ibdula-unidga-gangued-uksadba, achu-simudubaled-e-nug odummodmarsunnad. Degi, dulemar, ibdula-unid-e-nug odummodmarbalid. Sogdemalad: “¿Doa we-ibdula-unidyobsunna? ¿Doa ebo urwosunna? Dule ebo-urwed, sated.”

Apocalipsis 16:10

Baliwitur-ataledi ibdula-unid-gebed-e-ologanagi e-nog eodapid. We-ibdula-unid-e-negdakmaidgi bela negsichid nagunonikid. Degine, dulemar nunmakedbali, gwabin gutemalad.

Apocalipsis 17:12

”Bebe-warambe (10) be daksadi, we-reymar-warambegwadid (10), amba yoo negdakedga megmaladid. Ibdula-unidba wemar wachi-irgwen negdakega nugsalemarmogoed.

Apocalipsis 19:20

Degine, ibdula-unid galenonikid. Bab-Dummad-gayaburba-barsoged-nabirsulid galenonimogad. We-dule, ibdula-unid-asabin ibmar-wilubgan-dakledisulid-imakdigusadba, dulemar-ibdula-unid-e-wilub-na-e-sangi-nasiksamalad, degine, ibdula-unid-wilub-sobaled-asabin-sigismalad yardaksagusad. Wemar-ebobela, soo azufreʼba gwabunye-gwichidgi dula melledmalad.

Apocalipsis 2:13

An be-ibmar-imakdiid an wisid. Be-maid an wisbalid. Be gudiidi, nia-saila-Satanás-ologan-siidgi be gudiid. Degi-inigwele, amba an-nug be sediid, be angi amba be bensurbalid. Antipas, an-barsoged-sunsoged, bemar-abargi nia-saila-Satanás-maidgi burgwisad. A-ibaganginbela bemar an-osulossurmalad.

Apocalipsis 20:2

A-baliwitur achu-simudubaled ganonikid. We, naibe-seredid, nia-saila-Satanás gued. A-gasgua, birga-miligwen (1,000) edichad.