Apocalipsis 13:10 - Kuna San Blas

¹⁰ “Ar dulega esgaryagi-melleged maidibe, esgaryagi mellegodo. Ar dulega es-suidgi burgwed maidibe, es-suidgi oburgwilegodo.” Wegine, dulemar-Jesucristoʼgi-akananaimalad gwagegi-bai-itosulid daklesiid, Jesúsʼgi-nue-bensuli-nanadiid, daklesibalid.

Bab dummad Jesucristoba igar mesisad garda

¹⁰ Ar dule eskaryagi aimar-metele, eskaryagi melemogoed. Ar dule espunyargi aimar-oburgwisale, espunyargi oburgwileger-gebmogad. A-ulale dulemar-Jesucristogi-akananaimalad gwagegi bai-itosulid, degi, Jesúsgi nue-bensuli nanadimalad.

Apocalipsis 13:10 Iomraidhean Croise

Isaías 14:2

Dulemar-bukidar Israel-dulemar-bendakmaloed, Israel-yarse sedmaloed. Geb degi, Israel-dulemar, e-galesgusmalayobi Bab-Jehová-yargi e-maiganga amar-imaknonimaloed. Degi, Israel-dulemar, dulemar-mesagwar-e-imaksamaladgi dummadga gumaloed.

Isaías 26:21

Itoakwaa be bukumalo, ar Bab-Jehová e-maidgi noesokalid. Dulamar we-napneggi-bukmalad egi isgusadba sabsur-odurdakdasokalid. Napnega ablis-aryosadi, oyogoed, napnega dulemar-burgwismaladi, bar odukumai guosulid.”

Isaías 33:1

Asiria-dulemar-dule-wiodimalad, gwen be wioledisulidi, ¡be duledar-wilesmar! Asiria-dulemar-dule-yamodimaladi, gwen be yamoledisulidi, ¡be dule-wilesmar! Be dulemar-obelosale, be bergumarmogoed. Be dulemar-yamosale, be yamolemarmogoed.

Jeremías 15:2

Bega sokarmalale: ‘¿Bia anmar naosunna?’ Ega be sogo, weyob Bab-Jehová sogye: ‘Dule bonigi-burgwemaloye ega-igar-maidi, bonigi burgwemaloed. Dule es-suidgi-burgwemaloye ega-igar-maidi, es-suidgi burgwemaloed. Dule ukudba-burgwemaloye ega-igar-maidi, ukudba burgwemaloed. Dule gales-seledoye ega-igar-maidi, galesa seledmaloed.’ ”

Jeremías 43:11

” ’Nabucodonosor Egipto-yalase nonikoed, egi gwichigunonikoed. Dulemar-burgwemaloye ega igar-maidi, burgwemaloed. Dulemar-gales-seledmaloye ega igar-maidi, gales-seledmaloed, degine, bila-onolegedgi-girgumaloye ega igar-maidi, bilagi girgumaloed.

Lamentaciones 3:26

Bur-nuedid, anmar doga-doga-itosulidgi, Bab-Jehová-anmar-bendakdagoed edarbed.

Habacuc 2:3

Ar negburgan-oyolenaidi, na e-iba-sogedba gunonikoed, bela a-ibmarmar-gunadapid, bela guedsegad. Ar we-ibmar gwen emiskwaa guosur-inigwele, be abitogo, ar bela guedsegad.

Mateo 26:52

Geb degi, Jesús e-sapinga sogded: —Be es-suid e-uka-yaba be odo. Ar bela dulemar-es-suid-ebumaladi, es-suidgi burgoed.

Mateo 7:2

Ar dulemargi be sogsadyobi, begi soglemogoed, degine, dulemarga be igar-mesisadyobi, bega igar-megnonimogoed.

Lucas 21:19

Ar bemar galakusulile, be abonolemaloed.

Colosenses 1:11

Anmar Bab-Dummadse bemarga egisbalid, na e-gangued-gandikidbali be-ogannomarye, adi, bemar bonigan-dummagan-abin gandikidgi, degi, baisur-itogedgi gwisgumalagar.

Hebreos 6:12

Melle be wiegalaga gumar. Bur be dule-Bab-Dummad-bensuli-gudidimaladba, degi, gwae-gwaesulidgi Bab-ibmar-ukoye-sogsad-abingasmaladba, be damarmosun.

Apocalipsis 1:9

Ani Juan bemar-gwenad, bemar-sunnaa wiledimogad. Bemar-sunnaa Bab-Dummad negdakmaidgi dogarmogad, degi, bemar-sunnaa binnalegwadgi Bab-Jesús-igargi alamaknaimogad-duled. An Bab-Dummad-gayaburba-barsogdiid-ular, degi, Jesucristoʼgi-sunmakdiid-ular, an Patmos-dupgi odurdaklesiid.

Apocalipsis 11:18

Geb degi, yar-baid-baidgi-bukmalad sae-itodmalad. Be-emar-sabsur-odurdakoed-e-ibagan nonisunnad. Be dule-burgwismaladga-igar-itogoed-ibagan warmaknonisunnad. Be-maigan-be-gayaburba-barsogmalad, begi-akananaimalad, degine, be-dobee-nanadimalad-bennuked-ibagandi nonisunnad. Wemar, dummagandibe, burwiganadibe, amar-bennuked-ibagandi nonisunnad. Degine, dule-we-napnegginmalad-ichodimalad-osuloged-ibagan nonibarsunnad.”

Apocalipsis 14:12

Wegine, dule-Jesucristoʼgi-akananaimalad-e-gangued daklegoed. Wemar, Bab-Dummad-Igar-Maidba-nanadimalad, Jesúsʼgi-bensuli-gudimalad, gwen-galakubisuli abeleged.

Apocalipsis 16:6

Ar dule-be-isdarmaladi, bukidar begi-akananaimalad oburgwismalad, bukidar be-gayaburba-barsogmalad-e-abe eosmarbalid. Degisoggu, amar emigindi abe-gobega be imaksamosunnad. Ar na e-ibmar-imaksadba, deyob gusmarmosunnad.”

Apocalipsis 17:11

We-ibdula-unid-dula-gudigusad, emigindi, bar dula gudisulid, we emi rey-baabakad (8) gued. We-rey-baabakadi, e-gugled-sordamogad (7). E-berguoedse we nadapmogad.’

Apocalipsis 17:8

Ibdula-unid be daksadi, iduar dula gudigusad. Emigindi, bar dula gudisulid. Degine, we-ibdula-unid burba-isgana-yaa-dummad-ambikuedgi nodagoed. Geb e-berguoed-negse barmelledoed. Dulemar-napneggi-bukmaladi, gebe-napneg-nagusad-akar garda-burba-duladgi-e-nugmar-naisurmaladi, geger we-ibdula-unid-dula-gudigusad dakmaloed. Emigindi, bar dula gudisulid. Degi-inigwele, we-ibdula gannar durgunonikoed.

Apocalipsis 2:19

Be-ibmar-imakdiid an wisid. Be an-sabed, be an-bensulid, degi, be aimarga-ibmar-imaked, be anba-nai-guegala be alamakdiid, an wisbalid. Degi, emi-be-ibmar-imaked, idu-be-ibmar-imaksadba bur bule-nuedid, an wisbalid.

Apocalipsis 2:2

” ’Bela be-ibmar-imakedi, be-arbaed-dummad-imakdiidi, be-anba-nai-guega be dummad-alamakdiidi, an nue-wisid. An be-wisbalid, dulemar-ibmar-isgana-imaked be nabir daksurbalid. Deginbali, Bab-Jesús-e-sapingan-bur-dummaganye-binsa-sogdimalad be wilubdaksabalid. Wemar daklenonimalad, gwen a-surmala, binsa gakansadimar be daknonikid.

Apocalipsis 3:10

Ar an-gayaburbagi bemar nue-galakussuli eba nanasmarsoggu, dule-we-napneggi-bukmalad-wilubdakega ibagan-buled-danikoedgi an nue bemar-sabomogoed.

Apocalipsis 3:3

Degisoggu, Bab-Igar-abingasad, Bab-Igar-itosbalid, nue be insae. A-sogedba be dae. Mer bar be isguega, be-isdardaed be ogwae. Ar be nue-ataksulile, ukiagwar an begi nonikoed. Dule-atursaed-ukiar-noni-daedyob an nonikoed. An-wachi-danikoed be wissulid.