Apocalipsis 11:4 - Kuna San Blas

⁴ Wemar-warbo-an-barsogmaladgi an bemarga sunmaksadi, we-olivo-sapi-warbogwad gued. Degine, gwallu-sied-gwabogwad we-napneg-e-Dummad-asabin-gwichid gued. Wemar, an-barsogmalad gumalad.

Bab dummad Jesucristoba igar mesisad garda

⁴ Wemar-warbo-an-barsogmaladgi an bemarga sunmaksadi, we olivo-sapi-warbogwaddo, degine, gwallu-gwabo-sied Bab-Dummad-we-napneg-ibed, a-asabin gwichiddo. Wemar, an-barsogmalad gumardo.

Apocalipsis 11:4 Iomraidhean Croise

1 Reyes 17:1

Elías, Tisbe-neggweburginedid. Tisbe-neggwebur, Galaad-yargi siid. Elías Rey-Acabʼga weyob sognaded: “Israel-e-Bab-Dummad-Jehová dula-maid. Andi e-maiga gudiidgine, innikigwadgi an bega soged: Birgamar-danikidgi bar dii wiosulid, degine, bar boo batosurbalid. An-sogoedse, geb dii widapoed.”

Salmo 52:8

Andi, Bab-Dummadse-goled-neggi olivo-sapi-durbamakar-daedyob gued. Andi, degisadegu, Bab-Dummad-e-sabguedgi bensulid.

Éxodo 8:22

Ar weyob gunonikile, Gosén-yalagindi, bia an-dulamar bukwa, gukurmar nikuosulid. Gosén-yalaginbi gukurmar-galagwensulid gwagwensaale nika guosulid. Agi be wisguoed, ani an Bab-Jehová gued. We-Egipto-yargi an gudiid.

Isaías 54:5

Ar Bab-be-obinnisadi, be-suiga gued. A nugad: “Bab-Jehová-Bela-Gangued-Nikadye.” Be-bendakedi, Israel-dulamar-e-Bab-Dummad-Isligwaledid. A bilegoed: “Bela-napneg-naid-e-Bab-Dummadye.”

Jeremías 11:16

Bab-Jehová soged: “Olivo-sapi-aradye, e-sanmar-yeerdaklegedye an be-nug-imaksanad. Emisgindi, mar-binnasuli-goled-abalagi, an bemargi soo odesad, be-sapi-anagan bela gummaksad.”

Miqueas 4:13

Bab-Jehová sogdebalid: “Sión-dulemar, ¡ogusmar! Oros-omukueyob be dulemar imaknamar. Ar ani an moli-bebe-esgorogi-sobaledyobi gargangued an bega ukoed. Moli-e-nag-goonasi-esgoro-gordikidgi-sobaledyobi, an bega gargangued ukbaloed. Adi, bukidar neggwebur-bamalad napabi-nai be imakegar, degi, bela e-ibmar-nuegan be ei subaligar. Geb agine, a-ibmarmar anga be ukoed. Ani an Bab-Jehová Napneg-E-Dummadga gued.”

Lucas 11:33

Jesús sogdebar: “Ar dule gwallu ogasale, odukuega ogasulid. Ulu-urba-sigega ogasurbalid, e-sied-birgi-siega ogaed. Adi, dulemar-ubomaid mag neg dakegar.

Lucas 21:36

Degisoggu, nue neg-itoagwar be gudii gumar. Gatik Bab-Dummadse gordii gumar. Adi, bemar unnitiba we-ibmar-gudagoedgi be wakinmalagar, degine, a-ibagangi, Dule-Machi-asabin gwage-swilidik gwichigumogagar.”

Romanos 11:17

Ar Israel-dulemar sapi-olivo-nuegan-anaganyobid. We-sapi-anagan-abala siklesad. Bemar-Judíoʼsurmaladdi olivo-sapi-isganayobid. Sapi-anagan-napiragwad-siklesad-ular, bemar e-war-sunnadgi gwadilenonimalad. Emigindi, e-mali-bakadga, degine, e-gichi-sunnad-bakadga be gunonimarsunnad.

Deuteronomio 10:8

A-ibagangine, Bab-Jehová Leví-wagan-susa gusad, adi, Bab-Jehová-Israel-Dulemarbo-Igar-Mesisad-Ulu seega, Bab-Jehová-asabin-gudii guega, ega-arbadii guega, Bab-Dummad-nuggi dulemar-baigangi ise-nued binsaegar. Emi-ibagi imakdimaladyob.

Apocalipsis 1:20

Niisgwa-gwagugle (7) an-argan-nuedsik-gani be an-daksadi, degine, gwallu-sied-gwagugled-olobiid be daksabalidi, ¿wede ibu obarilesunna? Niisgwamar-gwagugle (7) be daksadi, wemar Jesúsʼba-nanaimalad-bukmalad-sogagugled-e-baliwiturmalad. Gwallu-sied-gwagugled (7) be daksabalidi, wemar Jesúsʼba-nanaimalad-sogagugledid.”