Apocalipsis 11:2 - Kuna San Blas

² Ar Babse-goled-neg-magaba neg-imba-naiddi mer be wilubsao, ar adi, Judíoʼsurmaladga uklesad. A-dulemar nii-waladulabo-gakabo (42) sabsur Neggwebur-Islidikid-imakmaloed.

Bab dummad Jesucristoba igar mesisad garda

² Ar neg-imba-Bab-Dummadse-goled-neg-magaba-naiddi mer be wilubsao, ar ade adi Judiosurmaladga uklesad. A-dulemar nii-waladulabo-gakabo neggwebur-islidikidi egwirmakmaloed.

Apocalipsis 11:2 Iomraidhean Croise

Salmo 79:1

Bab-Dummad, dulemar-aku-be-dakmalad be-yargi ubosmalad. Bese-goled-neg-islidikid oichosmalad. Jerusalén-neggwebur akwabi-dunnumakbukwa imaksamalad.

Isaías 48:2

Bemar neggwebur-islidikidginmaladye na be sogdimalad, degine, Israel-e-Bab-Dummadgi-bensurmalad, Bab-Dummad-Bela-Gangued-Nikadye-nugadgi be bensurmalad, nue be itomalo.

Isaías 5:5

An bega sogmalodo, igi an-uva-nainu an imakoe: An e-ibe galu-emakaled earoed, adi, bela berguegar. An e-galu-matusulid e-ibe earbaloed, adi, bela egi annalegegar.

Isaías 52:1

Sión-dorgan, ¡be atake! ¡Be atake! ¡Gandikid-mola be yoe! Neggwebur-islidikid-Jerusalén, be-mor-gargerbamalad be yoe. Ar dule-abgan-uka-duku-sikarsurmaladi, degi, dule-Bab-Dummad-wissurmaladi, bar bemarse dogosurmalad.

Lamentaciones 1:10

Jerusalén-neggwebur e-ibmar-nuegan-nikadi, e-isdarad bela e-ibe susad, E-Bab-Dummadse-goled-neggi, dulemar-Bab-Dummad-akudakmalad-ubosmalad Jerusalén-dulemar daksamalad. Bab-Jehová, be a-dulemarga igar-mesisanad, mer an-igar-itoged-negse dogmaloye.

Ezequiel 4:6

”Ar we-ibagan gwinmaksale, geb be-argan-nuedsik be yollekwaa megoed. Geb iba-dulabo (40) Judá-dulemar-e-isgued begi naguoed. Ar we-ibagan bega oyoged, wegi-birgamergu, Judá-dulemar isgudii gusmarye.

Ezequiel 42:20

Dule, bela dikar-sogabakegwad wilubsasad. Dali-dulanergwa-gakatar (125) sugu, degi, dali-dulanergwa-gakatar (125) matardungu galu-matusulid, neg-naid-ebiris, maid. We-galu-matusur-maid, neg-islidikid, neg-islidiksurmaladgi bachiki-sigega imaked.

Daniel 12:7

”Diwargi-dule-linoʼmor-yoid-gwichid nibnegse argan-onaksad, geb Dule-Degisadegu-Dula-Maid-nuggi ise-sogar imaksad: ‘Birgapaa-negabar napid. Dule-islidikidmalad-e-balegilleged-bergusadse, bela we-ibmar gunonikoed.’

Daniel 7:19

”Geb degine, an nue-wisgubi gualid, we-ibdula-unid-bakegwad bur ibu-burba oyoge. We-ibdula-bakegwaddi bamaladba bur akarsaar-dakleged, bela-bela sunnasur-dakleged. Nugar esgorobi nikad, degi, gonasimar esgoro-gordikidbi nikbalid. We-ibdula, dulemar-goa-goa imaked, degi, dulemar-dobalid. A-sorbali, sanmar-obichad-birgi dii-dii annadaed.

Daniel 7:25

We-rey, Bab-Dummad-Bur-Biriginedgi isdar-sunmakoed. Bab-Dummad-Bur-Birigined-e-dule-islidikmalad-wiogega imakoed. Ibagan-mamaid, igarmar-mamaid ogwabigudagoed. Dule-islidikmalad we-rey-urbaligwa birgapaa-negabar gudimaloed.

Daniel 8:10

”We-bebe-gar-senigwad bela-bela dungussoggu, niisgwamar-nanaidse warmaksad. Geb abar-niisgwamar obatisad, e-birgi dii-dii annasad.

Daniel 8:13

”Geb degine, dule-islidikid-gwensak sunmake an itosad. Dule-islidikid-baid, dule-islidikid-sunmaknaidse egisded: ‘Bane-bane-ibmar-ogumakar-ukleged-ailagi, anmar-ibmar-daknaidi, ¿sanagwadse berguoe? Isgued-dummad-gunaidi, ¿sanagwadse berguoe? Bab-Dummadse-goled-neggi isgued-imaklenaidi, ¿sanagwadse berguoe? Bab-Dummad-e-sordagan sabsur-imaklenaid, ¿sanagwadse berguoe?’

Daniel 8:14

”Geb we-dule ega sogded: ‘Milibo gaka dulataled-ilapaa (2,300) ibagan naguoed. Geb a-sorbali, Bab-Dummad-Neg-Islidikid, swilidik gunonikoed.’ ”

Números 14:34

” ’Bemar yar-argaega iba-dulabo (40) bipirmakdii gusmalad. A-iba-ibagwenad, birgagwen-wilub be-mimmiganga guoed. Degisoggu, be-isgusmalad-ular, birga-dulabo (40) nega-dulesulidganba bipirmakdii gumaloed. We-sogleged, ibagwenad, birgagwen-wilubye. Agi bemar wisgumaloed, ani an sabsur-bemar-odurdaknaid.

Mateo 27:53

Amar neg-uangi-mamaid ainidmalad. Wemala, Jesús-gannar-durgusad-sorba, geb Jerusalén-neggwebur-islidikidse dognonimalad. Dulemar-bukidarse magarosmalad.

Mateo 4:5

Geb degi, nia-saila Jerusalén-neggwebur-islidikidse Jesús-sesad. Agi Bab-Dummadse-goled-neg-uas-birgi ogwisdapgu,

Mateo 5:13

Jesús sogdebalid: “Bemar we-napneggi baluyob gumalad. Ar balu e-gagbid-surgudele, ¿igi bar balu-balu guosunna? Geg bar ibnuedga gued. Unnila, igargi-milegega gued, dulemar-egi-annaega gued.”

Lucas 21:24

”Degine, dulemar es-suidgi-ewarar burgwemaloed. Deginbali, galesmalad bela neggwebur-bamaladse seledmaloed. Degine, dule-Judíoʼsurmalad, Jerusalén-neggwebur nue-wiononimaloed. We-dulemar, Jerusalénʼgi-gudigumaloed-e-ibagan-berguoedse, deyob-gudii gumaloed.”

Hebreos 10:29

Ar dule Bab-Dummad-Machigi annasale, degine, e-abe-igar-nabosad-mesisadgi annasale, degi, a-abe, abe-isganaga-imaksale, degi, Bab-Dummad-Burba-Isligwaled-nabir-dulemargi-binsamaidgi-dodogele, a-dule, bur bule, ¿odurdaklegosur be insae? Bur bule odurdaklegoe.

Apocalipsis 11:11

Ibapaa-abalad-sorbali, Bab-Dummad burba-dulad barmialid, we-dulemar-warbogwadgi ubononikid. Geb we-dulemar-warbogwad gwisgudmalad. Dulemar-weyob-daksamaladi, bela-dobee-ito nadmalad.

Apocalipsis 11:3

“Degine, an-barsogmalad an warbo barmidoed. Bemar-iduar iba-miligwen gaka-dulataled-ilabo gaka-dulapaa (1,260) wile-itoged-mor-yoi ibmar-gumaloedgi sunmakdimaloed.”

Apocalipsis 12:6

Omegwadi nega-dulesulidganba wakited. Bia Bab-Dummad-ega-neg-guagwar-sisadse wakited. Adi, agi iba-miligwen gaka-dulataled-ilabo gaka-dulapaa (1,260) ome-akwedii imakmalagar.

Apocalipsis 21:10

Geb degine, baliwitur yala-dummad-matusulidse burbale an-sesad. Agi Jerusalén-neggwebur-dummad-islidikid, Bab-Dummad-maid-akale-aidedanikid anga oyosad.

Apocalipsis 21:2

Degi geb ani Juan, neggwebur-islidikid, Jerusalén-binid an daksad. We-Jerusalén, bia Bab-Dummad-mai, a-akale aidedanikid. Igi ome sui-nikunair, guagwar mola-nued-yoi, deyob Jerusalén-neggwebur guagwar-aidedani an daksad.

Apocalipsis 22:19

Degine, dule-wargwen we-gardagi ibmar-guoed-narmakar-naid elisale, Bab-Dummad, a-dule sapi-dule-dula-gudigued-uked-e-san-egadid bar ega uklegosulid. Degine, Jerusalén-neggwebur-islidikidgi-gudiguega bar imakosulid. Deginbali, we-gardagi-ibmar-narmakar-naid-ega-uklegoed e-ibe osulobaloed.