Apocalipsis 10:6 - Kuna San Blas

⁶ Weyob ise-sogar sogded: “Bab-Dummad-degisadegu-birga-irba-maid, nibneg-nasiksad, napneg-nasiksad, demar-nasiksad, degi, bela amargi ibmar-bukwad urbisad. A-Bab-Dummad-nuggi napira an soged, we-ibmar-guoed-e-ibagandi bato warmaksad.

Bab dummad Jesucristoba igar mesisad garda

⁶ sogded: “Bab Dummad degi-sadegu birga-irba-maid A-Bab-Dummad nibneg, degi, bela agi ibmar-bukwad nasiksad, we-napneg, degi, agi bela-ibmar-bukwad nasiksabalid, demar, degi, bela agi ibmar-bukwad nasiksabalid. A-Bab-Dummad-nuggi napira an soged, ibagandi bar sanarguosulid,

Apocalipsis 10:6 Iomraidhean Croise

Génesis 14:22

Ar Abramʼdi abin-sogded: —Suli. Bab-Dummad-Bur-Birigined-Jehováʼga ise-sogar an imaksad. We-Bab-Dummadde nibneg, degi, napneg bela obinnisad.

Éxodo 20:11

Ar ade, Bab-Jehová ibanergwa (6) arbasad. A-ibagangi we-ibmarmar obinnisad: Nibneg obinnisad, napneg obinnisad, demar obinnisad, degi, bela agi ibmarmar-bukwadi obinnisbalid. Geb degi, ibagugledgindi (7), Bab-Jehová obunnosad. A-ulale, Bab-Jehová, ibagugledgi (7) ise-nued-binsasad. A-ibagi sogsad, we-iba, iba-islidikidye.

Éxodo 6:8

Abrahamʼga, Isaacʼga, Jacobʼga an sogsagusad, Canaán-yala an bemarga ukedseye. A-yalase an be-nidmaloed. A-yala, degisadegu an bemarga ukoed. Ani an Bab-Jehová gued.’ ”

Ezequiel 20:5

‘Bab-Jehová-Bela-Gangued-Nikadi weyob sogye ega be soge: An Israel-susad-ibagine, an Jacob-waganga ibmar-ise-sogar sogsagusad. Egipto-yargi magar-an-dakmalaga an ega ibmar-imaksagusgu, an gannar wemarga ibmar-ise-sogar sogsabalid: Ani an Bab-Jehová, be-Bab-Dummadye.’

Daniel 12:7

”Diwargi-dule-linoʼmor-yoid-gwichid nibnegse argan-onaksad, geb Dule-Degisadegu-Dula-Maid-nuggi ise-sogar imaksad: ‘Birgapaa-negabar napid. Dule-islidikidmalad-e-balegilleged-bergusadse, bela we-ibmar gunonikoed.’

Números 14:30

Jefone-machi-Calebʼdi, degi, Nun-machi-Josuéʼdi, Canaán-yar-an-bemarga-ukedseye-sogsadse dogmaloed. Bela dule-baigandi bipisaale a-yarse dogosurmalad.

Apocalipsis 1:18

An dula gudiid. Ani an burgwis gusadid. Emigindi, degisadegu an dula gudiid. Ar napiragwad. Deginbali, ani an burgwed-yabe, degine, burgwarmalad-e-neg-Hadesʼye-nugad-yabe an ganikidbalid.

Apocalipsis 12:12

Degisoggu, nibnegmar be wergumar. Bemar, nibneggi-bukmalad, wergumarsun. Bemar, napneggi-bukmaladdi, demargi-bukmaladdi, ¡be duledar-wilesmar! Ar ade, bemarse nia-saila nue-urwedigine aidenonikid. Ar nia-sailade na wisid, e-ibagan ichee napi naid.”

Apocalipsis 16:17

Baliwitur-gugledi (7), e-noga burwagi eodapid. Geb nibneggi Babse-goled-neggi-ologana-siidgi, gayaburba gollalid. Sogded: “Bato bela bergussun.”

Apocalipsis 21:6

Anga sogdebalid: “Bato bela gwinmaksad. ”Ani an, Gebesailaginedid (Alfa), ani an, Napisoladbalid (Omega). Ar dule uku-uku itogele, ani an ega dii binsa ukoed. We-dii, dii-saila-degisadegu-dule-dula-imakedid.

Apocalipsis 4:10

We-ibdulamar deyob-sogdemalale, girmar-selegan-dulagwen-gakabakegwadi (24), Bab-Dummad-na-e-ologanagi-siid-asabinni yog-yokorgi sindigar sigiddamalad. Degine, e-ologurgin, Bab-Dummad-ologana-asabin urbiddamalad, gandikidgi sogdedamalad:

Apocalipsis 4:11

“Bab-Dummad, anmar-Dummad, be-nug ogannoleged, be-nug odummoleged, degi, be dummadga gued. Ar bela ibmar-naid be obinnisad, be-sogedba bela ibmar gudiid, bela be-sogedba ibmar binnis bukwabalid.”

Apocalipsis 4:9

Ar we-ibdula-walabakegwadi, Dule-ologanagi-siid-degisadegu-dula-maid-e-nug odummoddamalad, ogannoddamalad, dog-nuedye ega sogdedamalad.

Apocalipsis 6:11

Geb dulemar-binnasur-gorbukwadga war-wargwenga mor-sibugan uklesmalad. Geb amarga soglesad: “Amba yoogwer, napi be obunnomargwer. Ar bemar-gwenadgan bemar-sunnaa anga-arbamarmogad, bemaryob burgwemarmogargebed, igi-mergu-burgoye an sogsa, a-warmakedse.”