Apocalipsis 10:3 - Kuna San Blas

³ Geb we-baliwitur achumigur-nono-wawaad uurmakeyob binnasur goted. Deyob binnasur-gochagu, mala-ilagugled (7) gollomakded, sunmakded.

Bab dummad Jesucristoba igar mesisad garda

³ Degi we-anger binnasur goted, achu-migur-nono-wawaad uurmakeyob. Deyob binnasur gochagu, mala-walagugle gollomakded, sunmakded.

Apocalipsis 10:3 Iomraidhean Croise

Salmo 29:3

Bab-Jehová-sunmakedi muu-billigi gollomakemaid. Bab-Dummad-Bela-Gangued-Nikad gollomakemaid. ¡Bab-Jehová muu-billi-dummad-birgi negsemaid!

Proverbios 19:12

Rey-urwedi, achumigur-nono-wawaad-uurmakedyob gued. Ar rey-e-nued-binsaeddi, gagangi boo-bateyobi neg-imaked.

Isaías 31:4

Bab-Jehová weyob anga sogsad: “Igi achumigur-nono-wawaad sibad-wawaad-gasa-uurmaknaile, dule-sibad-edarbemalad ese urwed itodasuli, degi, igi-achumigur-nono-wawaad-senigwad mas-gasa-uurmaknaile, dulemar ogwayenaile, gwen dobdasuli, deyobi, ani an-Bela-Gangued-Nikadi, Sión-yalabina-urwega, e-yar-mulluganbina-urwega, an aidenonikoed.

Isaías 42:13

Bab-Jehová dule-bila-onogedyob nodagoed. Dule-bila-onoged-urweyobi uludagoed. Binnasuli urwedgi bila-onodagoed, e-isdarmaladgi obinoed.

Isaías 5:29

Sorda-bila-onomalad-e-goledi, achumigur-nono-wawaadyob goledbioed. Achumigur-nono-wawaad-e-mimmigan-uurmakeyobmaloed, e-nugar ogotemaloed. Dule ese-galesale, dule gwen egi suosulid.

Jeremías 25:30

”Emi, Jeremías, we-dulemarga bela we-ibmar an bega-soged be soge: ‘Bab-Jehová, nibneggi binnasuli urwemaid, e-neg-islidikid-akale, malayob e-sunmakedi goled. E-dulabina nue-itos maid. Igi-dulemar uvaʼgi-annanair binnasuli-gornanaidae, deyobi, Bab-Jehová, bela dulemar-napneggi-bukwadgi binnasuli goled.

Ezequiel 10:5

Querubinʼmar-e-mermermakedi magaba neg-imba-ollor-naidse itoleged. Bab-Dummad-Bela-Gangued-Nikad-e-gaya-goleyobi e-sakan-mermermakedi goled.

Oseas 11:10

”An achumigur-nono-wawaadyob uurmakdoed, geb bemar anba ibsadmaloed. An binnasuli-uurmakdele, be-wagan, dad-nakwed-akale, dobed-abalagi anse nonimaloed.

Joel 3:16

Bab-Jehová Sión-yar-akale, achumigur-nono-wawaadyobi binnasuli gordagoed. Jerusalén-neggwebur-akale, mar-goleyobi binnasuli sunmakdagoed. Bela napneg-naid, nibneg-naid, giglimakdoed. Ar Bab-Jehováʼdi e-dulamarga dukued-negga gunonikoed, Israel-dulemarga ganguedga gunonikoed.

Amós 1:2

Amós sogded: “Sión-yala-akale, Bab-Jehová uludagoed, Jerusalén-akale, mar-goledyob e-gayaburba gordagoed. Sibad-wawaad-nikamalad-e-nainugi gagan-ara-ara-nanaid bela bergudoed. Carmelo-yar-birigi-gagan-nanaid dingudoed.”

Amós 3:8

Ar achumigur uurmakalile, ¿doa dobguosur be ebinsae? Bab-Jehová-Bur-Gandik-Maid sunmakele, ¿doa e-gayaburba barsogosur be ebinsamoga?

Apocalipsis 14:2

Geb degi, nibneggi gayaburba diwar-dummad-aryogwichidyob-gole, mar-binnasur-goledyob-gorbali, an itosad. Gayaburba-gole-an-itosadi, dulemar-gar-arpa-ogormalad-ogorbukwadyob an itosad.

Apocalipsis 15:1

Geb nibneggi wilub-dummad-baid an daksabalid, geger dakleged: Baliwiturmar-walagugle (7), boni-sogagugled napi sedimalad. A-bonimarbali, Bab-Dummad-bela-bela-nue-urwed napi-oyolegoed.

Apocalipsis 15:7

Ibdula-walabakegwad-wargwen, baliwiturmar-walagugledga (7) olo-noga-gwagugle uksad. We-olo-nogamar Bab-Dummad-degisadegu-dulagudiid-e-urwed ena bukwad.

Apocalipsis 4:5

Ologan-siidgi mala ibyemaid, mala gollomakmaid, mala uurmakmaid. Ologan-asabin gwallu-gwagugle (7) gasibalid. A sogleged, Bab-Dummad-burba-sogagugle-gued-e-wilubganye (7).

Apocalipsis 8:5

Geb baliwitur sianar-susgua, Bab-Dummadga-ibmar-ogumakar-ukleged-ailagi soo-siid egi enosad. Geb napnegse meted. Agi, mala-bukidar goted, uurmakded, mar ibyeded, degi, negabandur nagunonikid.