Apocalipsis 1:9 - Kuna San Blas

⁹ Ani Juan bemar-gwenad, bemar-sunnaa wiledimogad. Bemar-sunnaa Bab-Dummad negdakmaidgi dogarmogad, degi, bemar-sunnaa binnalegwadgi Bab-Jesús-igargi alamaknaimogad-duled. An Bab-Dummad-gayaburba-barsogdiid-ular, degi, Jesucristoʼgi-sunmakdiid-ular, an Patmos-dupgi odurdaklesiid.

Bab dummad Jesucristoba igar mesisad garda

⁹ Ani Juan, be-gwenad, bemar-sunnaa wiledimogad, bemar-sunnaa Bab Dummad neg-dakmaidgi-dogarmogad, degine, bemar-sunnaa binnalegwaa Bab-Jesús-igargi alamaknaimogad-duled. An Bab-Dummad-gaya-burba-barsogdiid-ular, degine, Jesucristogi-sunmakdiid-ularbali, an Patmos-dupgi odurdaklesiid.

Apocalipsis 1:9 Iomraidhean Croise

Mateo 20:23

Jesús abin-sogded: —Be nabir sogmalad, ar be deyob gumarmogoed. Degi-inigwele, ar dummaganga-nug-imakeddi, adi, angi sisulid. Unnila an-Babgi siid. Bato an-Bab we-ganmargi-sigmaloed nug-imaksad.

Marcos 10:39

Jesús-abin sogdemalad: —Eye, anmar sunna gumala. Jesús amarga sogded: —Eye napiragwa, an-nog-goboed bemar gobmarmogoed. An-diigi-oglegoedgi bemar oglemarmogoed.

Juan 16:33

”An we-ibmar an bega sogsamalad, adi, bemar angi ulubgi-bogidik-itoleged nikumalagar. We-napneggi be naibi-itodii gumaloed, degi-inigwele, gandik be imakmalo, mer be bengumalo. Ar an burba-isganamar-we-napneg-semamaidgi bato an nakwisad.”

Gusmalad 1:15

Deunni, gwenadgan e-dulanergwasaar (120) ambikunonimalad. Amar-abargi Pedro gwisguded, weyob sogded:

Gusmalad 14:22

We-neggweburmargine, Pablo, Bernabé-ebo Jesúsʼba-nanaimalad-gwage ogannosmalad, degi, Jesúsʼgi-bensulid-igargi nue-unasmarbalid. Amarga sogsamarbalid, “Bab-Dummad-e-negdakmaidse dogegala, anmar-idu beedse igar maid, nue naibi-itoleged-igar maid.”

Romanos 8:17

Degine, ar anmar Bab-Dummad-e-mimmigan-gumarsoggu, eba anmar ibmar gamogoed. Bab-Dummad-ibmar-nikad anmargadga gumogoed, degine, Cristoʼba-mesa anmar ibmar-nikumogoed. Ar anmar Cristoʼba wilemalar, Cristo-nug-dungued-nikadbali, anmar-nug dungumogoed.

Romanos 8:25

Ar an ibmar-daksulid bensulidgi edarbedimalale, gwae-gwae-itogedgi an edarbedisurmalad, binnalegwadgi bensulidgi an edarbedimalad.

2 Corintios 1:7

Anmar be-bensurmalad, anmar be-wismardo, igi be anmarba wiledimala, amba deyobi, bemar anmarba gwage-naibi-itogedgi baisur-itoge gunonidamarmogad.

Filipenses 1:7

Ar weyob an bela bemargi binsaed, ar ade, an bemar-nue-sabed. Ar an esgaryagi mellesidibe, an Bab-Dummad-Gayaburba-ular, dummagan-asabin sunmakgwisdibe, deginbali, an Bab-Dummad-Gayaburba-Nued gatik bargindinadibe, bela bemar Bab-Dummad-nabir-angi-binsaedba we-arbaed-anga-uksadgi be an-barmaknai damarmogad.

Filipenses 4:14

Degi-inigwele, ar bemar nued imaksamardo, an-nunmakedyob be anba itononimarmogu.

2 Tesalonicenses 3:5

Bemar Bab-Jesús Bab-Dummad-dulemar-sabgueyobi dule-bamalad-sabguega be-imaksun, degi, wile-itogedgine Cristo-baisursunna-ibmar-itoged-nika bemar-imaksun.

2 Timoteo 1:8

Degisoggu, mer be anmar-Dummad-Jesúsʼgi-sunmakedgi bingeguo. Degine, an Bab-Jesúsʼgi-sunmaked-ular, esgaryagi-mellesiidgi mer bingegubalo. Bur be Bab-Dummad-Gayaburba-Nuedgi sunmaked-ular, an-gudimogayob be naibi-itodii gusun. Ar Bab-Dummad na e-gangued-bega-ukedba be-bendakdii guoed.

Hebreos 10:36

Bur-gatik alamaknai bemar imakergebed, adi, Bab-Dummad-sogedba be ibmar-imaksad-sorba, Bab-Dummad-ibmar-ukoye-sogsad be abingamalagar.

1 Pedro 5:1

Bemar-abargi Jesúsʼba-nanaimalad-e-idumalad-gudimaladse wilesakwaa an goled. Ani an amaryob Jesúsʼba-nanaimalad-e-idumogadid. An-sunnagwad an Cristo-wilesad daksamogad. Deginbali, yoo Cristo-e-nug-ogannolealir, an eba nug ogannolemogoed.

Apocalipsis 1:1

We-yoedse-ibmar-guoed-oyolesadi, Jesucristoʼgadid. Bab-Dummad Jesucristoʼga we-yoedse-ibmar-gumaloed oyosad. Jesucristo, na e-maigan we-ibmar-emissaar-gumaloed-wisgumalaga oyosad. Wisgumalagala, Jesucristo na e-baliwitur e-mai-Juanʼse barmialid.

Apocalipsis 1:2

We-Juan, na e-sunnad-daksadbali, Bab-Dummad-bela-ega-sogsadba, degine, Jesucristo-bela-ega-oyosbalidba, narmaknonikid.

Apocalipsis 1:4

Ani Juan, Jesúsʼba-nanaimalad Asiaʼgi-bukmalad-sogagugledse (7) an we-garda narmaksiid. Bab-Dummad-Dula-Maidi, gusgu-danikidi, degisadegu-mai-guoedi, degi, burbamar-walagugle (7) Bab-Dummad-ologana-asabin-bukwamaladi, degine, Jesucristoʼmala, bemargi nued binsasun, degine, ulubgi bogidik bemar-itogega-imakbarsun.

Apocalipsis 1:6

E-Bab-Dummadga reymarga-guega anmar-imaksad, dule-irwa-Bab-Dummadse-gormaladga-guega anmar-imaknonikid. A-Jesucristo-nug odummolesun, e-gangued degisadegu odummomarsun. Ar deyob gusun.

Apocalipsis 11:7

Ar wemar-warbogwad-sunmakdimalad-e-ibagan bergunonikile, yaa-dummadyaba burba-isgana-ambikuedgi ibdula-unid nodagoed. Geb amargi bila onononikoed. We-ibdula-unid nakoed, we-dule-warbogwad-oburgoed.

Apocalipsis 12:11

Ar anmar-gwenadgan, Sibad-Wawaad-Mimmi-ablisba nia-sailagi obichamalad. Gayaburba-napiragwadgi-sunmakdigusmaladgi nia-sailagi obichamarbalid. Ar anmar-gwenadgan naibi-itoged bai gwen itossurmalad. Ar burgweye-soger, guagwar gudigusmalad.

Apocalipsis 12:17

Geb achu-simudubaled omegi nue-sae-itoded. A-ular, ome-e-mimmi-baiganse urwenadsunnad. Amar Bab-Dummad-Igar-Mamaidba-nanadimalad, degi, Jesucristo-Igar-sogsadba-nue-nanadimalad. Wemarse, urwenadsunnad.

Apocalipsis 13:10

“Ar dulega esgaryagi-melleged maidibe, esgaryagi mellegodo. Ar dulega es-suidgi burgwed maidibe, es-suidgi oburgwilegodo.” Wegine, dulemar-Jesucristoʼgi-akananaimalad gwagegi-bai-itosulid daklesiid, Jesúsʼgi-nue-bensuli-nanadiid, daklesibalid.

Apocalipsis 14:12

Wegine, dule-Jesucristoʼgi-akananaimalad-e-gangued daklegoed. Wemar, Bab-Dummad-Igar-Maidba-nanadimalad, Jesúsʼgi-bensuli-gudimalad, gwen-galakubisuli abeleged.

Apocalipsis 19:10

An Baliwitur-asabin e-nug-odummogega, yokorgi-sindigar an sigided. A-baliwitur anga sogded: “Mer be deyob imak. Mer yokorgi an-asabin sindigar be sige. Ar an, be-sunnaamogad, gwenadgan-Jesúsʼba-nanaimalad-gwen-galakussurmaladyob an Jesús-e-maimogad. Unnila, Bab-Dummad-e-nugbi be odummoge.” Ar Jesús-gayaburba-odurdaksadi, Bab-Dummad-gayaburba-barsogmalad gatik-dulemarga-sunmakega imaked.

Apocalipsis 20:4

Geb degi, ologanamar bukwa an daksad. A-ganmargi, dulemar-igar-nabomalaga-ega-igar-uklesmalad sigismalad. Geb dulemar-Bab-Jesús-nuggi-sunmakdigusmalad-ular, Bab-Dummad-Gayaburba-ular, dukar-argwachamalad-e-burbagan an dakalid. Ibdula-unid-e-nug gwen odummossurmalad. E-wilub-sobaled-nug gwen odummossurmarbalid. Wemar, e-bebegine, e-argangine, ibdula-unid-e-wilub nasissurmaladid. Amar an dakalid. Amar gannar durgunonimalad. Cristoʼba birga-miligwen (1,000) negdakmai gunonimalad.

Apocalipsis 3:10

Ar an-gayaburbagi bemar nue-galakussuli eba nanasmarsoggu, dule-we-napneggi-bukmalad-wilubdakega ibagan-buled-danikoedgi an nue bemar-sabomogoed.

Apocalipsis 6:9

Sibad-Wawaad-Mimmi, gardagi-wilub-ataled-sakdigar-naid bichisgu, Babga-ibmar-ogumakar-ukleged-e-aila-urba, dulemar-Bab-Dummad-Gayaburba-ular-burgwismalad-e-burbamar an daksad. We-dulemar, Bab-Jesús-barsogedgi-galakussurmaladid.

Apocalipsis 7:14

An ega sogded: “Dummad, be wisid, wemar, doa gumala.” Geb anga sogdebalid: “Wemala, ise-nue-wilegagwar-gudigusmaladgi nosmalad-dulemalad. Wemar, na-e-mor Sibad-Wawaad-Mimmi-e-abegi enuksamaladid, agi sibudik na e-mor imaksamalad-dulemalad.