Apocalipsis 1:7 - Kuna San Blas

⁷ Bela-dulemar Jesús-mogir-imbaba-aidedani dakmaloed. Dulemar-Jesús-ewarismalad amba dakmogoed. Bela-dulemar-baid-baid-we-napneggi-danar-danar-bukmalad Jesús-dani-dakdagogu, bodmaloed. Eye, deyob gusun.

Bab dummad Jesucristoba igar mesisad garda

⁷ Bela-dulemar Jesús-dakmaloed, mogir-imbaba aidedani. Dulemar-Jesús-ewarismalad amba dakmogoed. Bela dulemar-baid-baid-we-napneggi-danar-danar-bukmalad Jesús-dani dakdagogu, bomaloed. Eye, deyob gued. Ar deyobdo.

Apocalipsis 1:7 Iomraidhean Croise

Job 33:26

Agine, geb dule Bab-Dummadse gotoed, geb Bab-Dummad na abinsaoed. Degidbali, dule Bab-Dummad-wagar nabir daknonikoed. Degi, weligwar-itogedba na binnasur-gornai gudoed. Geb Bab-Dummad ibmar-oakalossuliyob dule-daknonikoed.

Salmo 22:16

Dule-isganamar achu-soemaladyob an-ebiris gunanaid. Bela an-argan, an-nag-matarse-bakale, uudu imaksamalad.

Salmo 68:1

Bab-Dummad, dakebinne. Be-isdarmalad bela be oaisakisun. Dule-be-isdardakdimalad bela be-idu be oduurmaksun.

Salmo 97:2

Mogir-guduremalad Bab-Jehová-ebilis naid. Bab-Jehová igar-inniki-imakedba negsemaid, igar-innikigwadba negsemaid.

Isaías 19:1

Egipto-yar-guoedgi iduakwaa sunmaklesad: Bab-Jehová be dakmala. Mogir-gwae-gwae-iirmakmaid-birgi-sii, Egipto-yalase danikid. Egipto-e-bab-dummagan e-abin wawanmakbukwad. Egipto-dulemar nue dobe-itomalad.

Daniel 7:13

”Mutikidba an we-negburgan dakmaidgine, dule-wargwen mogir-imbaba aidedaniki an dakalid. We-dule, Dule-Selebagwad-siidse nade gusad, geb ese walikaa warmakega imaksamalad.

Nahúm 1:3

Bab-Jehová wissur gwae-gwae urwed. Bab-Jehová bela-bela gangued nikad. Bab-Jehová dule-ibmar-oakalosad sabsur-odurdakedsegad. Bab-Jehová burwa-oored-abargi, burwa-dummad-abargi gudidaed, mogir Bab-Jehová-e-nanaedba ukub-ainakweyobi gued.

Zacarías 12:10

Rey-David-neguyagi, degi, Jerusalén-dulemargi burba-nued-binsaed, degi, burba-Bab-Dummadse-goled an odegoed, geb ansik atakdemaloed. Ar igi-dule e-machi-wargwenna-nikad-e-ibe-burgwisadba wile-itonadae, deyobi, Jerusalén-dulemar dule-sabsur-naibigusadga wile-itonanai gumaloed. Ar igi-dule e-machi-sailagined-burgwisadba bonaidae, deyobi, bela-bela bonanai gumaloed.

Zacarías 12:11

”A-ibagine, ar igi Meguido-nebagi bab-dummad-Hadad-Rimónʼga bonanaidae, deyobi, Jerusalén-neggweburgi dummad-bonanai gumaloed.

Números 24:17

Yoedse-ibmar-guoed an daked, ibmar-guoedi amba dikasulid. An nue-daked, degi-inigwele, itakasulid. Israelʼgi rey-wargwen gwisgudagoed, Jacob-wagan-abargi niisgwayobi nodagoed, We-rey, Moab-uaya-matar-sagamakoed, bela we-reyse Set-wagan-nono-sagamakoed.

Mateo 16:27

”Ar Dule-Machi E-Bab-ganguedgi-yeerdaklegedgi, e-baliwiturmar-abargi we-napnegse danikoed. Geb agi, bela wala-walagwen-dulemarga, e-ibmar-imaksamaladba ibmar uknonikoed.

Mateo 16:28

Napira an bemarga soged, gwenna-gwenna wegi-bemar-bukwadi, burgosurmalad. Amba dula-gudiidgi Dule-Machi-negdakmaid dakedsemalad.”

Mateo 24:30

”Geb degine, ani Dule-Machi, an-danikoed-wilubgan mogir-imbaba dakledagoed. Geb degi, we-napneggi bela dulemar-baid-baid-danar-danar-bukmalad bukib binsadmaloed, degi, ani Dule-Machi, mogir-imbaba an-ganguedba, degi, an bela-bela-yeerdaklegedba-dani, bela an-dakdamaloed.

Mateo 25:31

Jesús sogded: “Ani Dule-Machi, an-iba-danikoedgi, bela an-baliwiturmar-gwage-swilidikmaladmala an-gangued-yeerdaklegedgi an danikoed. Geb an-ologan-yeerdaklegedgi an signonikoed.

Mateo 26:64

Jesús abin-sogded: —Ar bede soged. A-uki an bega sogbalid, emigi ani Dule-Machi, Bab-Dummad-Bela-Gangued-Nikad-e-argan-nuedsik dule-dummadga an sii be an-dakmaloed, degine, nibneggi mogir-imbaba-daniki be an-dakmarbaloed.

Marcos 13:26

”Geb degine, ani Dule-Machi, mogir-imbaba bela-bela-ganguedba, degi, bela-bela-yeerdaklegedba dani dakdamaloed.

Marcos 14:62

Jesús, abin-sogded: —Eye, ani an adi. Ani Dule-Machi, Bab-Dummad-Bela-Gangued-Nikad-e-argan-nuedsik sii be an-dakmaloed, degi, nibneggi mogir-imbaba-dani be an-dakmarbaloed.

Lucas 21:27

”Geb degine, ani Dule-Machi, mogir-imbaba an-ganguedba, degi, bela-bela an-gangued-yeerdaklegedba-dani an-dakdamaloed.

Juan 19:34

Suar-ibed-wargwendi es-suidgi Jesús-dikar-sikaa imaksad, geb agi, abe, degi, dii, yog-aryoar gusad.

Juan 19:37

Deginbali, baidgi narmakar naibalid: “Dulemar-eswargi-ewarismalad a-dule-dakmaloed.” Zacarías 12:10

1 Tesalonicenses 1:10

A-dulemar wisid, bemarde Bab-Dummad-Machi nibneg-akar gannar-danikoed edarbebukmarye. Bab-Dummad na E-Machi-Jesús burgwar-maigu, gannar odulosad. A-Jesúsʼde, dulemar-Bab-Dummadse-dummad-odurdaklegoedgi anmar-abonosad.

1 Tesalonicenses 4:17

A-sorbali, anmar-dula-gudimalad, anmar-besmalad, gwenadgan-Bab-Jesúsʼgi-burgwismaladba-mesa nibnegse seledmarmogoed. Adi, agi anmar mogir-imbaba Bab-Jesús-abinguegar. Deyobi, anmar Bab-Jesúsʼba degisadegu gudii gumaloed.

Hebreos 10:29

Ar dule Bab-Dummad-Machigi annasale, degine, e-abe-igar-nabosad-mesisadgi annasale, degi, a-abe, abe-isganaga-imaksale, degi, Bab-Dummad-Burba-Isligwaled-nabir-dulemargi-binsamaidgi-dodogele, a-dule, bur bule, ¿odurdaklegosur be insae? Bur bule odurdaklegoe.

Hebreos 6:6

We-dulemar, Bab-Jesús-metele, gannar Jesúsʼse aibirye-sogele, gege gannar bar aibired. Ar degiile, gannar Bab-Dummad-Machi-Jesús-nakrusgi-bioknaido, degi, dulemar-asabin egi dodonaido.

1 Juan 3:2

Gwenadgan-sabesailamalad, anmar emigindi, Bab-Dummad-mimmigan gumalad. Amba anmar wissurmalad, igi an nue gudapmaloe. Ar an wisiddi an wismardo, Cristo anmarse na san-oyononikile, Cristoʼyob anmar gunonimogoed. Ar anmar Cristo-daklegedyobi, an daklemaloed. Ar anmar-sunnad dakoed, igi Cristo-daklege.

Judas 1:14

Ar we-dulemargi gusgu epenne iduar Enoc Adán-sorba-guglegi-nonikid (7) sogsagusad: “Dule-Dummad e-baliwiturmar-mili-miliba-mergued-abargi-dani (1,000-1,000) an daksad,

Apocalipsis 22:20

Ar dule-we-ibmar-gunaidgi-sunmaknaid, soged: “Napiragwad. Emiskwaa an danikoed.” Ani Juan soged: ¡Deyob gusun! ¡Dummad-Jesús, be dage!

Apocalipsis 22:4

Amar Bab-Dummad-wagar asabinmakar dakmaloed, degi, Bab-Dummad-e-nuga e-bebemargi narmakar-nai gumarbaloed.

Jueces 5:31

”Bab-Jehová, bela wegibi be-isdarmalad bergusun. Be-sabmaladdi dad-ibeler-gaardaedyob be imako, yorukudba dad-ibeler-gaedyob be sao.” Degi, bela we-ibmarmar-gusad-sorbali, birga-dulabo (40) Israel-yargi neg-bogidikid nagusad.