Apocalipsis 1:6 - Kuna San Blas

⁶ E-Bab-Dummadga reymarga-guega anmar-imaksad, dule-irwa-Bab-Dummadse-gormaladga-guega anmar-imaknonikid. A-Jesucristo-nug odummolesun, e-gangued degisadegu odummomarsun. Ar deyob gusun.

Bab dummad Jesucristoba igar mesisad garda

⁶ degine, anmar na E-Bab-Dummadga reyga guegala, degine, dule-irwa-Bab-Dummadse-gormaladga-guegala anmar-imaknonikid. A-Jesucristo-nug, degine, e-gangued degi-sadegu odummomarsun. Ar deyob guena-gadindo.

Apocalipsis 1:6 Iomraidhean Croise

Éxodo 19:6

Bela bemar dule-irwa-Bab-Dummadse-gormaladga gumaloed, be-dulemar islidikidbi angadga gumaloed.’ Deyob Israel-dulemarga be sogoed.”

Isaías 61:6

Ar bemardi weyob biledmaloed: ‘Dule-irwa-Bab-Dummadse-goled Bab-Jehováʼgadye.’ Bemarga sogdemaloed: ‘Anmar-Bab-Dummadga ibmar-imakmaladye.’ Dulemar-yar-baid-baidgi-bukmalad-e-ibmar-nuegangi, be yeer itomaloed. E-ormar-sunsogmaladi, be yomaloed.

Daniel 4:34

“Birgagugle (7) nasad-sorbali, ani, Nabucodonosor, an niba atakded. Geb agi an magar neg-itononikid. Geb degine, Bab-Dummad-Bur-Birigined-e-nug, na degisadegu-dula-maid-e-nug an odummoded: E-negdakmaid degisadeguad, e-negsemaid gege-bergued.

Daniel 7:14

Geb a-dulega gargangued, gandikidba-negseleged, degi, nug-dummarba-gued ega uklesad, adi, bela dulemar-gudidiid, dulemar-yar-baid-baidgi-bukwamalad, degi, gwabinduku-akar-akar-sunmakmalad, e-nug odummomalagar. E-neg-ganikidi degisadeguad, gege bergued. E-yar-ganikidi bipisaar berguosulid.”

Mateo 6:13

Isguedgi-wilubdaklegedse mer warmaked be anmar-imak. Bur isguedgi-obined be anmar-sae. Birga-miliba degisadegu, be-neg-dakmaid begadid. Be-gangued, degi, be-gangued-yeerdakleged, begadbalid. Deyob gusun.’ ”

Juan 5:23

adi, igi E-Bab-nug ogannodamarmoga, deyobi bela dulemar E-Machi-nug ogannomogagar. Ar dule E-Machi-nug odummosulile, E-Bab-nug odummosurmogad. Ar ade, Bab na E-Machi barmialid.

Romanos 11:36

Ar ade, bela ibmarmar Bab-Dummadgi danikid. Bab-Dummadgi bela ibmarmar nabir selemaid. Bela ibmarmar Bab-Dummadgadga gubalid. Bab-Dummad-nug degisadegu ogannolemai gusun. Ar deyobdo.

Romanos 15:6

Adi, bemar bela bulakwaa, unnila gaya-gwennagwayobi, Bab-Dummad anmar-Dummad-Jesucristo-e-Bab-e-nug, odummomalagar.

Filipenses 2:11

Degi, belagwapa sogmalaga, Jesucristo bur-Dule-Dummadye, adi, Bab-Dummad-nug odummolegegar.

1 Timoteo 6:16

Ar unnila Bab-Dummadbi geg burgwed, neg-meegwad-dule-geg-ese-warmakedgi maid. Dule-wargwensaale, Bab-Dummad-dakdisulid, degine, dakosurgumarbaloed. A-e-gangued-degisadeguad geg bergued. A-e-nug anmar odummomarsun. Ar deyobdo.

Hebreos 13:21

A-Bab-Dummad bela ibmar-nuegan-imakega bemar-imaksun. Adi, bemar Bab-Dummad-sogedba nanamalagar. Bab-Dummad bemar-gwage-swilidik Jesucristoʼba bemar-imaksun. ¡Jesucristo-nug odummolemai degisadegu gusun! Ar deyobdo.

1 Pedro 4:11

Ar gwenad-wargwen sunmakele, Bab-Dummad-gayaburba-maid-sogedba sunmakoed. Ar gwenad-wargwen dule-bendakele, Bab-Dummad-ega-gangued-ukedba bendakoed, adi, bela e-ibmar-imakedgi Jesucristoʼba Bab-Dummad-nug dunguegar. Ar Bab-Dummad dummarbaa maid, degi, e-gangued-yeerdaklegedba bela degisadegu-negdakmaid egadid. Ar deyobdo.

1 Pedro 5:11

Degisoggu, Bab-Dummad-nug ogannolesun, degine, na e-ganguedba bela degisadegu-negdakmaid egadga gusun. Ar deyobdo.

2 Pedro 3:18

Bemar bur bule anmar-Dummad-Jesucristo-anmar-Abonoged be magar-nue-dakedgi nasgumai gumar. Degine, e-bemargi-nabir-binsamaidba bur bule be nasgumai gumarbarsun. Emi-ibagi, degisadegu, Jesucristo-nug ogannolesun. Ar deyobdo.

Judas 1:25

Ar Bab-Dummad-anmar-Abonoged, wargwennaa gued, nue-binsaed-nikaa-maid. Emi, degisadegu, anmar-Dummad-Jesucristoʼba, e-nug odummoledii gusun. E-nug ogannoledii gusun, bela negdakmai gusun, degi, bela-bela gangued-nika gusun. Deyob gusun.

Apocalipsis 1:9

Ani Juan bemar-gwenad, bemar-sunnaa wiledimogad. Bemar-sunnaa Bab-Dummad negdakmaidgi dogarmogad, degi, bemar-sunnaa binnalegwadgi Bab-Jesús-igargi alamaknaimogad-duled. An Bab-Dummad-gayaburba-barsogdiid-ular, degi, Jesucristoʼgi-sunmakdiid-ular, an Patmos-dupgi odurdaklesiid.

Apocalipsis 20:6

Dule-gebe-gannar-durguedgi-durgusad, we-dulegi nued binsalesad, degine, we-dule gwage-swilidikidid. Ar we-dule burgwed-sorba-danikoedgi bar burgosulid. Ar we-dule, dule-irwa-Bab-Dummadse-golega guoed. We-dule Bab-Dummadgadid, degine, Cristoʼgadbalid. We-dule Cristoʼba birga-miliba (1,000) negdakmai guoed.

Apocalipsis 4:11

“Bab-Dummad, anmar-Dummad, be-nug ogannoleged, be-nug odummoleged, degi, be dummadga gued. Ar bela ibmar-naid be obinnisad, be-sogedba bela ibmar gudiid, bela be-sogedba ibmar binnis bukwabalid.”

Apocalipsis 5:10

Wemar, be anmar-Bab-Dummadga reymarga be imaknonikid, dule-irwa-Bab-Dummadse-gormaladga, be imaknonibalid. Wemar, we-napneggi negsemarbaloed.”