Apocalipsis 1:16 - Kuna San Blas

¹⁶ E-argan-nuedsik niisgwa-gwagugle (7) ganibalid, e-gaya-yaba es-suid isedar-swiswimakaled nugar-abinbela-nikad nogwichid. E-wagar, dad-ibe isedar-daarmakar-gaedyob dakleged.

Bab dummad Jesucristoba igar mesisad garda

¹⁶ E-argan-nuedsik niskwa-gwagugle ganibalid, e-gaya-yaba espunyar ise-dar-swiswimakaled nugar-abinbela-nikad nogwichid. Degine, dad-ibe ise-dar-daarmakar-gaedyob e-wagar dakleged.

Apocalipsis 1:16 Iomraidhean Croise

Job 38:7

Deunni, niis-buksurmar namaknanaigu, degi, baliwiturmar yeer-itogedba oichomaknanaigu, ¿be gudii? Be gudisulid, be sated.

Salmo 45:3

Rey, be-ganguedgi, be-yeerdaklegedgi, be-es-suid be-saderba be nasike.

Cantares 6:10

¿Ar we doawa, yeerdakleged? Ar bolegoedba neg-ainakwiardaeyobi, mutikidba nii-daarmakenaidaeyobi, dad-ibeler daarmakenaidaeyobi, niba niisgwamar gananaidaeyobi, ber yeer dakleged.

Isaías 11:4

Dule-wilemaladga igar-napiragwadba igar nabogoed, degi, igar-innikigwadba dule-belagwadaedga igar nudakoed. E-sunmakedba dule-bukwad-obelogoed, e-ibmar-sogedba dule-isgana-oburgoed.

Isaías 24:23

Bab-Jehová-Bela-Gangued-Nikadi, Sión-yalagi, Jerusalén-neggweburgi, gandikid-yeerdaklegedba yala seoed. Degiidbali, dad-ibeler sichii nadoed, nii sichii nadmogoed. E-girmar-dummagan bela Bab-Dummad-e-gangued dakmaloed.

Isaías 49:2

Es-suid-swiswidikidyobi an-gayaburba imaksad. E-argan-yaurgine an-odukusad. Sigu-daarmakaledyob an-imaksad, e-sigumar-saboged-yaba an-odukusad.

Daniel 12:3

Dule-binsaed-ibegana nibneg-gaeyobi, e-nug-ogannoledii guoed. Igar-innikigwadgi dulemar-odurdakdimaladi, niisgwamar-gaeyobi, degisadegu e-nug-ogannoledii guoed.

Daniel 8:10

”We-bebe-gar-senigwad bela-bela dungussoggu, niisgwamar-nanaidse warmaksad. Geb abar-niisgwamar obatisad, e-birgi dii-dii annasad.

Malaquías 4:2

Ar bemar-an-dobee-nanadimaladgardi, dad-gaedyobi igar-innikigwad-imakleged nagunonikoed, degi, bemar-abonoleged-igar bemarga nonikoed. Bemar moli-bebe-nikad-sapingana-emisgwa-mas-guchadyob ichomakdemaloed.

Mateo 17:2

Jesús amar-asabin yar-birgi-gwichi, Jesús-e-san-dakleged gwagdegusad, na e-wagar dad-ibeler-gaeyobi gadegusad, degine, e-mormala, bela ise-sipumakar, bela dagudik, gwallubayobi daklenaded.

Gusmalad 26:13

yorukudba nibneggi binnasur dad-gaedba bur dutusur angi gwallu-mee ganoniki an daksad. ”Rey Agripa, nue be itogena. A-gwallu-gaedi bela anmar-ebilis ganonikid.

Efesios 6:17

Igi sordamar nono-arsogega bormo-gurgin e-nonogi-sii dae, deyobi abonoleged-igargi be nanadii imako. Degine, nia-abinsaega, Bab-Dummad-Burba-e-es-suid be sue. We-es-suid an bega sogedi, Bab-Dummad-e-gayaburba gued.

Hebreos 4:12

Ar Bab-Dummad-Gayaburba dulasailad, degi, gannarbabalid. We-Gayaburba, es-suid-nugar-darbogwadba bur bule dogbalid. Dogedi, san-burbaginse-bakar, doged, anmar-burbase amba dogbalid. Yokormar-gwadilenaidse, degi, galagan-e-nisse-bakar, doged. Deginbali, dule-binsaed, e-gwage-ibmar-imakbied bela mag dakbalid.

Apocalipsis 1:20

Niisgwa-gwagugle (7) an-argan-nuedsik-gani be an-daksadi, degine, gwallu-sied-gwagugled-olobiid be daksabalidi, ¿wede ibu obarilesunna? Niisgwamar-gwagugle (7) be daksadi, wemar Jesúsʼba-nanaimalad-bukmalad-sogagugled-e-baliwiturmalad. Gwallu-sied-gwagugled (7) be daksabalidi, wemar Jesúsʼba-nanaimalad-sogagugledid.”

Apocalipsis 10:1

Degi nibneggi baliwitur-baid-gala-ibed aidedani an daksabalid. A-baliwitur mogirgi-atuar aidedanikid. E-nonogi sue maid, e-wagar dad-ibeleryob gaed, degine, e-malimar soowala-gwabunye-gwichiyob daklemalad.

Apocalipsis 12:1

Degine, nibneggi ibmar-wilub-dummad daklealid: Ome-wargwen dad-ibeler-mola yoid, e-mali-urba nii naid, degine, e-nonogi ologurgin-niisgwa-gwaambe-gakabo-nikad (12) siid.

Apocalipsis 19:15

Dule-moli-sibudikid-birgi-siid-e-gaya-yaba, dule-yar-baid-baidgi-bukmalad-naibisaega, es-suid-nugar-ibed nogwichid. Degine, bela-bela gandikidba negseoed. We-dule, uva-egured-neggi uva-egurelegeyobi, Bab-Dummad-Bela-Gangued-Nika-Maid-e-urwedgi dulemar-sabsur-imakoed.

Apocalipsis 19:21

Bela ibdula-unid-sordamar-baigan dule-moli-sibudikid-birgi-siid e-gaya-yaba-es-suid-noalidgi oburgwilesmalad. Degine, bela mulamar, dulemar-burgwismalad-e-san guchamalad.

Apocalipsis 2:1

Jesús sogdebar: “Anba-nanaimalad-Éfesoʼgi-bukmalad-e-baliwiturse garda narmak: ” ‘E-argan-nuedsik niisgwa-gwagugle-ganikid (7), gwallu-sied-gwagugle-olobiid-abargi-gudiid, weyob bemarga soged:

Apocalipsis 2:12

“Anba-nanaimalad-Pérgamoʼgi-bukmalad-e-baliwiturse garda narmak: ” ‘Dule es-suid-isedar-swiswimakaled nugar-abinbela-nikad-ganikid, weyob bemarga soged:

Apocalipsis 2:16

” ’Degisoggu, be-isgusadga na be bukib binsasun, mer bar isgued be sae. Ar degisulir, an emisgwasaar begi danikoed, a-dulemarse an-gaya-yaba-es-suid-yoidgi an urwenonikoed.

Apocalipsis 3:1

“Anba-nanaimalad-Sardisʼgi-bukmalad-e-baliwiturse garda narmak: ” ‘Dule Bab-Dummad-burba-gugle-nikad (7), degi, niisgwa-gwagugle-ganibalid, weyob bemarga soged: An bela be-ibmar-imaked wisid. Ar bemar-dulagudiiye benik-sogmar-inigwele, bemar burgwar gudidiid.

Jueces 3:16

Degine, Aod esbunyar abinbela ebichad. Esbunyar-suguedi, sakwa-bisgise-wilub sugued. Geb degi, e-mor-urba sasirba e-dua-nuedsiki esbunyar-nasiksa naded.

Jueces 5:31

”Bab-Jehová, bela wegibi be-isdarmalad bergusun. Be-sabmaladdi dad-ibeler-gaardaedyob be imako, yorukudba dad-ibeler-gaedyob be sao.” Degi, bela we-ibmarmar-gusad-sorbali, birga-dulabo (40) Israel-yargi neg-bogidikid nagusad.