2 Samuel 8:3 - Kuna San Blas

³ David, Hadad-Ezerʼgi urwenagu, egi obichabalid. Ar ade, deun, Hadad-Ezer, Éufrates-diwar-neg-naid gannar David-annik subigualid. Deun, Hadad-Ezer-e-bab-Rehobʼdi Sobaʼye-neg-nugad e-reyga maid.

2 Samuel 8:3 Iomraidhean Croise

Génesis 15:18

A-ibagi, Bab-Jehová Abram-ebo igar mesisad. Agi Abramʼga sogded: —We-yala be-waganga an ukoed, Egipto-diwar-maid-akar, diwar-dummad-Éufrates maidse.

2 Samuel 10:15

Siria-sordamar Israel-dulemarse galakus-itosmargua, gannar urwega ambikusmalad.

2 Samuel 10:16

Hadad-Ezer Siria-dulemar-Éufrates-diwar-obakar-bukmaladse gochad. Geb amar Helam-neg-nugadse nonimalad. Hadad-Ezer-sordagan-e-dummad-Sobac a-dulemar-idudani gusad.

2 Samuel 10:19

Reymar Hadad-Ezer-bendaknanaigusmalad dakdegua, Siria-sordamar Israel-sordamarse galakusmala, we-reymar Israel-sordaganbo igar-nabonanai guarmalad, geb e-maiga gunonimalad. Degisoggu, Siria-sordamar dobedba bipisaale bar Amón-sordamar-bendakdii gussurmalad.

2 Samuel 10:6

Amón-dulemar neggusadba dakarmalad, emarde David-e-isdarmaladga-gunoniki. Degisoggu, manigi-bennukar sorda-bamalad amismalad. Amar wemalad: Siria-sordamar, Bet-Rehob-neggweburginmalad, degi, Soba-neggweburginmalad e-mili-dulagwen (20,000). Amón-dulemar, Rey-Maaca-e-sordagan e-miligwen (1,000). Degi, Is-Tob-sordagan e-miliambe-gakabo (12,000) amisbalid.

2 Samuel 23:36

Natán-e-machi-Igal, Soba-neggweburgined. Bani, Gad-yargined.

1 Reyes 4:21

Salomón, Éufrates-diwar-maid-akale, Filistea-yar-naidse bela yar-ganonikid. Aginbali, Egipto-yar-abingunaidse-bakar, Salomón bela-we-yar-nanaid-semaigu, bela dulemar-bukmalad ega ibmar-bukidar senonidamalad, degi, Salomón-e-maiga gusmarbalid.

1 Crónicas 18:3

A-ukinbali, David, Hamat-neg-nugadgi, Soba-e-rey-Hadad-Ezer Éufrates-diwarba-yar-suega-gunaigu, Hadad-Ezer-ogalakusbalid.

2 Crónicas 8:3

Geb degine, Salomón, Hamat-neggwebur, Soba-yargi-siid, a-ebo bila-onosgua, Hamat-neggwebur-susa gusad.

Salmo 60:1

Bab-Dummad, bedi anmarse ulusad, be anmar-obachad, be anmar-wiosad. ¡Bab-Dummadye, be anmar-bendakdage!

Salmo 72:8

Rey demar-naid-ugakaase yar-semai guoed, Éufrates-diwar-maid-akale, bela napaneg-naid-ugakaase, rey yar-semai guoed.

Éxodo 23:31

”Be-yar-abingumaloedi, weyob an bemarga nasikoed: Demar-Ginnidye-nugad-naid-akar, Filistea-dulemar-demar-naidse, degine, Nega-dulesulid-akar, diwar-Éufrates-maidse, an nasikoed. Dulemar-we-yargi-bukwamaladgi-nakwed an be-imakoed. We-dulemar bela be-asabin be onogoed.

Deuteronomio 11:24

Ar bia be yargi-dogoe, bela a-yarmala bemargadga guoed. Yala-begadga-guoedi: Nega-dulesulidgan-akar, Líbano-yarse, degine, Éufrates-diwar-akar, demar-Mediterráneoʼye-nugadse, bemargadga guoed.

1 Samuel 14:47

Saúl, Israel-yargi na nue reyga-megisadgi, bela e-isdarmalad-e-dikarba-bukwadgi bila-onosad: Moab-dulemargi, Amón-dulemargi, Edom-dulemargi, Soba-e-reymargi, degi, Filistea-dulemargi. Na gangued-nikadba we-dulemargi nakwisdaed.