2 Samuel 7:3 - Kuna San Blas

³ Natán, Rey-David-abin sogded: —Nabirdo. Be itogedba be ibmar-imako, ar Bab-Jehová beba-naid.

2 Samuel 7:3 Iomraidhean Croise

2 Samuel 7:4

A-mutiki, Bab-Jehová, Natánʼga sunmaknonikid, ega sogded:

1 Reyes 1:8

Adoníasʼba nagussurmaladdina, wemalad: Dule-irwa-Bab-Dummadse-goled-Sadoc, Joiada-machi-Benaía, Bab-Dummad-gayaburba-barsoged-Natán, Simei, Rei, degi, David-e-sordamar-bur bulegan. Wemala, Adoníasʼba nagussurmalad.

2 Reyes 4:27

Degine, omegwa, yar-birse Bab-Dummad-e-dule-siidse modapgu, e-naggi angaagwar nagusad. Geb Giezi, Eliseoʼgi omegwa-obangubi-gualinad. Degi-inigwele, Eliseo ega sogded: —Mer ese achao, ar bela-belad nue-bukib-binsaed. Bab-Jehová amba anga yoo soged, we-omede igi-nue-itoge.

1 Crónicas 22:7

Degidbali, David e-machi-Salomónʼga sogded: “Machi, an-Bab-Jehová-e-nug-odummogegala an binsasando, an Bab-Dummadse-goled-neg soboye.

1 Crónicas 28:2

Degidgi, Rey-David gwisguded, agi geb sogded: “Gwenadgan, nue an-itomalo. Sordamar, nue an-itomalo. An Bab-Dummadse-goled-neg-soboye an sogsanad, agi Bab-Jehová-Dadganbo-Igar-Maid-Ulu sigegar. Degi, Bab-Jehová egi nue-mai mag-itolebaligar. Bela an ibmar guakwaa urbisgusanad.

1 Crónicas 29:29

Bela-Rey-David-gebe-ibmar-imakded, degi, napi-ibmar-imaksadse, Bab-Dummad-negburgan-daked-Samuel neggusad-gardagi narmakar maid, degi, Bab-Dummad-gayaburba-barsoged-Natán neggusad-gardagi narmakar maibalid, degi, Bab-Dummadgi-negburgan-daked-Gad neggusad-gardagi narmakar maibalid.

2 Crónicas 29:25

Rey-Ezequías, Levita-dulemar, Bab-Jehováʼse-goled-neggi we-gar-ogormalaga urbisad: Gar-címbalo, gar-salterio, degi, gar-arpa ogormalagar. David-igar-mesisadba, Bab-Gayaburba-barsoged-Natán-igar-mesisadba, degi, reyga-negburgan-daked-Gad-igar-mesisadba imaksamalad. We-igarmarde, Bab-Jehová, e-gayaburba-barsogmaladba uksad.

Salmo 20:4

Be ibmar-abediidbali, Bab-Dummad bega ukena gadin. Be ibmar-imakedgi-binsaedi, bega bela nueganbi guena gadin.

Salmo 37:4

Bab-Jehováʼgi be nue-wergudii sae. Ar be ibmarbina-sogdiid, Bab-Dummad bega ukoed.

1 Juan 2:27

Ar Cristo bemarga Bab-Burba-Isligwaled-uksad amba bemarba gudiid. Degisoggu, dule-baid bemar-odurdaked be abesurmarsunnad. Ar Bab-Burba-Isligwaledi bela ibmarmargi bemar-odurdaked. Ar Bab-Burba-Isligwaledi napiragwadid, gakansulid. Ar igi Bab-Burba-Isligwaled bemar-odurdaksamala, deyobi, Cristoʼgi-akanai bemar gumarsun.

1 Samuel 10:7

We-ibmarmar-an-bega-sognaid bela bega gusale, be ibmar-imakbied sunna bela be imakoed, ar Bab-Dummad beba gudii guoed.

1 Samuel 14:7

Ega-sigu-abgaed-seed abin-sogded: —¡Anmar nado! Ar bela be ibmar-imakbied imakdo, an be-bendakoed.

1 Samuel 16:7

Bab-Jehováʼdi, Samuelʼga sogded: —Ar we-dule an nug-imaksasulid. Mer e-daklegedgi be atake, mer e-mas-dunguedgi be atake. Ar andi we-ibmar daksulid. Duledi, ibmar-daklegedgi ataked, andi, gwage-ulub daked.