2 Samuel 7:2 - Kuna San Blas

² Rey-David Bab-Dummad-gayaburba-barsoged-Natánʼga sogded: —Nue be an-dake. Andi urwar-neggi an maid. Bab-Jehová-Dadganbo-Igar-Mesisad-Uludi dordonegyaba siid.

2 Samuel 7:2 Iomraidhean Croise

2 Samuel 5:11

Tiro-neggwebur-e-rey-Hiram, Davidʼse e-gayaburba-berbemalad barmisad. Degine, Hiram, Davidʼga barmisbalid: Dule-neg-sobmalad, dule-akwa-sobmalad, degi, urwar-urgomar barmisbalid. Bela-we-dulemar Davidʼga reyneg-sobnanai guarmalad.

2 Samuel 12:1

Bab-Jehová, Davidʼse, Natán-barmisad. Geb Natán, Davidʼse-modapgu, ega sogded: —Neggwebur-gwensakgi dule ebo gudiid. Gwensak mani-ibed gued, baiddina, dule-wilegedid.

Gusmalad 7:46

Bab-Dummad nabir Davidʼgi binsassoggu, David Bab-Dummadse-goled-neg sobesokalinad, adi, Jacob-wagan-e-Bab-Dummad na meged-neg nikuegar.

Juan 2:17

Degi, Jesús-e-sapingan ebinsadmalad, igi Bab-Dummad-gardagi narmakar nai: “An bese-goled-negbina-nue-soged-ular, egi nue-nobe an itoged.” Salmo 69:9

Hageo 1:4

“Ar bemardi neg-nuegangi mamaid, degite, an-negdi amba bela bibisgar siid.”

1 Crónicas 29:29

Bela-Rey-David-gebe-ibmar-imakded, degi, napi-ibmar-imaksadse, Bab-Dummad-negburgan-daked-Samuel neggusad-gardagi narmakar maid, degi, Bab-Dummad-gayaburba-barsoged-Natán neggusad-gardagi narmakar maibalid, degi, Bab-Dummadgi-negburgan-daked-Gad neggusad-gardagi narmakar maibalid.

1 Crónicas 16:1

Deyob, Bab-Dummad-Dadganbo-Igar-Mesisad-Ulu selear gusad. Geb David-dordoneg-ega-sobsadgi sinonimalad. Agine, Bab-Dummadga ibmar-durgan ogumakar uksamalad, degi, gwenatigwar-guega Bab-Dummadga ibmar uksamarbalid.

Salmo 132:5

Bab-Jehováʼga-neg-amiedse, an deyob guoed. Jacob-wagan-e-Bab-Dummadga-neg-amiedse, an deyob guoed.”

2 Crónicas 1:4

Bab-Dummad-Igar-Mesisad-Uludina, epenne Quiriat-Jearimʼye-neg-nugadgi-sii gusad. Ar David, Uluga dordoneg-sobsasoggu, David, Jerusalénʼse we-Ulu, sear gusad.

1 Crónicas 14:1

Tiro-neggwebur-e-rey-Hiram, Davidʼse e-gayaburba-berbemalad barmisad. Degine, Hiram, Davidʼga urwar-urgomar barmisad. Deginbali, dule-akwa-neg-sobmalad, dule-urgoneg-sobmalad, wemar reyneg-sobmalaga Davidʼse barmisbalid.

2 Samuel 7:17

Weyob, Natán Bab-Dummad-ega-bela-sunmaksad, degi, bela ega-ibmar-oyosadi, Davidʼga ogwanai gusad.

2 Samuel 6:17

Bab-Jehová-Dulemarbo-Igar-Mesisad-Uludi, David-ega-dordoneg-sobsa-gusadse odononimalad, negabargi sinonimalad. Degine, David, Bab-Jehováʼga ibmar-durgan-ogumakar uknai gualid. Gwenatigwar-guedga-ibmar-ukleged Bab-Dummadga uknai guarbalid.

Éxodo 40:21

Geb Moisés, Bab-Dummadse-goled-neg-sunna-selegedyaba Ulu odosad. Geb mor-dummad Ulu-idu nasiksad, adi, dulemar mer a-Ulu dakmalagar. Moisés, igi Bab-Jehová ega igar-uksa, sogedba imaksad.

2 Samuel 11:11

Urías, Davidʼga sogded: —Dummad, Bab-Jehová-Dadganbo-Igar-Mesisad-Ulu wis neg-matargwagwad-urba mellesiid. Degine, Israel-sordamar, degi, Judá-sordamar wis neg-matargana-urba mellebukmarmogad. Deginbali, Joab, e-sordaganmala neg-sate gaamakbukmarmogad. Ar degite, ¿sunna ande an-negse gabnao be an-itoge? ¿Sunna ande mas-nued-gunsii gubalo be an-itoge? ¿Sunna ande an-ome-yarba nue-gabmai gubalo be an-itoge? Adi sulirgebed. Dummad, be dummad-guedgine napira an bega soged, deyob an ibmar imakosulid.

1 Reyes 1:22

Betsabé, Rey-Davidʼbogwa amba sunmaknaigua, Natán nonikid.

1 Reyes 8:17

”An-bab-David, Israel-e-Bab-Dummad-Jehováʼga neg-nue-sobbi gusanad.

1 Crónicas 22:7

Degidbali, David e-machi-Salomónʼga sogded: “Machi, an-Bab-Jehová-e-nug-odummogegala an binsasando, an Bab-Dummadse-goled-neg soboye.

2 Crónicas 9:29

Salomón ibmar-baigan imaksabalid, a-ibmar-gebe-imakdedi, degi, e-berguedse ibmar-imaksadi, belagwable Bab-Dummad-gayaburba-barsoged-Natán-e-garda-narmakar-maidgi narmakar-maid. Degi, Siloʼgined-Ahías-e-garda-narmakar-maidgi narmakar maibalid. Degine, dule-negburgandaked-Iddo-e-garda-narmakar-maidgi narmakar maibalid. Nabat-machi-Jeroboamʼgi-sunmaklenaid-gardagi narmakar maibalid.

2 Crónicas 29:25

Rey-Ezequías, Levita-dulemar, Bab-Jehováʼse-goled-neggi we-gar-ogormalaga urbisad: Gar-címbalo, gar-salterio, degi, gar-arpa ogormalagar. David-igar-mesisadba, Bab-Gayaburba-barsoged-Natán-igar-mesisadba, degi, reyga-negburgan-daked-Gad-igar-mesisadba imaksamalad. We-igarmarde, Bab-Jehová, e-gayaburba-barsogmaladba uksad.

1 Reyes 1:8

Adoníasʼba nagussurmaladdina, wemalad: Dule-irwa-Bab-Dummadse-goled-Sadoc, Joiada-machi-Benaía, Bab-Dummad-gayaburba-barsoged-Natán, Simei, Rei, degi, David-e-sordamar-bur bulegan. Wemala, Adoníasʼba nagussurmalad.

1 Reyes 4:5

Natán-machi-Azarías, dule-negsedimalad-e-dummadga megisad. Natán-machi-Zabud, dule-irwa-Bab-Dummadse-goledga megisad, degi, reyga-binsaed-ukedga megisbalid.

Salmo 132:2

Bab-Jehová, David bega-ibmar-ise-sogar-imaksad be ebinsae, Jacob-e-Bab-Dummad-Bur-Birigined bega ibmar-imakoye-sogsad be ebinsae, deun, David weyob sogsad: