2 Samuel 4:11 - Kuna San Blas

¹¹ Ar bemar dule-isganamala, dule-nued e-neggi nue-gabmai-oburgwismalad, degite, ¿bemar bursunna? Emide, bemar Isboset-e-ablis-eosadi, ¿baisur-bemar-dako be angi binsamala? Suli, degisuli. Degisoggu, Bab-Jehová-Dula-Maid, bonigangi nue-an-bendaksad-nuki an soged: ‘Bemar oburgwilemarmogoye.’

2 Samuel 4:11 Iomraidhean Croise

Génesis 4:11

Be be-urba oburgwisadba, napa be-urba-e-ablis gobsad. A-ulale, be ukabsalessunnad.

Génesis 6:13

A-ulale, Bab-Dummad Noéʼga sogded: “Bela dulemar an osulosokalid. Dulemar galagwensulidaed, muchub-muchub sabsur-imakmaladi yaisulid. A-ulale, dulemar an obelogoed, degine, we-napneg-naid an obelobaloed.”

Génesis 7:23

Weyob bela we-napneggi we-ibmarmar obelolesad: Dulemar, ibmar-durgan, ibmar-durgan-napagi-garmakdimalad, degi, nuumar, amar bela burgwismalad.

2 Samuel 16:8

Rey-gan-suega be Saúl-gwenadgan oburgwisad. A-nukad Bab-Jehováʼse be sabsur-odurdaklenaid. Agala, Bab-Jehová, be-machi-Absalón negseega imaknaid. ¡Na be dukin sadii, dule-gindakedbi gaamakdiid!

2 Samuel 3:27

Abner Hebrón-neggweburse gannar-nonigua, Joab, Abnerʼbo-sunmakega yawagaksik bachikii Abner-sesad. Agi, Joab, Abner-e-sadergi esbunyar yalluu-imaksad, geb burgwenonikid. Deyob Joab, e-urba-Asael-oburgwilesad-ular, buged-mai Abner-imaksad.

2 Samuel 3:39

An reyga-nugsales-inigwele, amba an gargangued nika-itosulid. Ar Sarvia-masmala bur sabsur dule-imakmaladid, a-ulale, an gargangued nika itosulid. ¡Bitigi Bab-Jehová a-dulemar e-ibmar-isgana-imaksadba nabossunnana gadin!”

1 Reyes 2:32

Joab igar-maisulidba yogasaar dule-warbogwad-eba-bur-inniki-gudimalad oburgwisad. An-bab-David-wissuli, Joab es-suidgi emar-oburgwenaigusad. Joab, Ner-machi-Abner-oburgwisad, degi, Jeter-machi-Amasa-oburgwisbalid. We-Abnerʼde, Israel-sordamar-e-dummadinad. Amasaʼdi, Judá-sordamar-e-dummadmoganad. We-ebogwad ibmar gwen oakalossurmarsoggu, a-ulale, Bab-Jehová buged-mai Joab-imakoed.

Salmo 109:15

Bab-Jehová, melle e-isgued be iego. We-napneggi, dulemar we-dule-ieged be imake.

Salmo 9:12

Bab-Dummad, be dule-gindakmalad buged-mai-imakosurdeeye sogsulid, Bab-Jehová dule-wiledimalad-ese-gornaid nue itodaed. Amar-iegodeeye sogsulid.

Éxodo 21:12

Bab-Jehová Moisésʼga sogdebalid: “Dule-wargwen dule-baid-sabsur-naibisasadba oburgwisar, we-dule, oburgwilegoed.

Éxodo 9:15

Emi-gunaidgi, bur bule sabsur an be-odurdaknaina, boni-dummad-gwensakgi an be-dulemar-sabsur-odurdakena, bato be bela burgwismalanad.

Proverbios 2:22

Dule-isganamardi we-napneggi bergumaloed, dule-ichomaladdi oburgwilemaloed.

Proverbios 25:26

Dule-innikidaedi, dule-isgana-abin sikirmakele, dii-isgumaidaeyobi gued. Diagi-ib-isgana-mileddaeyobi gued.

Jeremías 10:11

Bab-Jehová sogdebalid: “Jeremías, weyob be Israel-dulemarga sogo: ‘Bab-dummagan-gwen-nibneg-imaksasulidi, degi, gwen napneg-nasiksasulidi, nibneg-urbali bela we-napneggi berguoed.’ ”

Habacuc 1:12

Be, Bab-Jehová, bato be negasaila-akale gudiid. Be, an-Bab-Dummad-isligwaled, be degisadegu dula maid. Be, Bab-Jehová, igar-innikigwad-imakmalaga be Babilonia-dorgan urbisad. Be, akwasaila-dukuedyob anmarga gued. Anmar-sabsur-odurdaked-oyogega be Babilonia-dorgan urbisad.

Habacuc 1:4

Agala, igar-maidba ibmar-imaklesulid, igar-innikigwad-imakleged bar imaklesulid. Dule-isgana dule-nued-balegindiid, dulemarga igar-innikigwadba igar nabolesulid.

1 Juan 3:12

Melle Caínʼyobi gumalo. Ar Caín nia-saila-sordasoggu, a-ular, na e-urba-oburgwisad. ¿Ibiga e-urba-oburgwis be insae? Ar ade, ibmar-isgana imaksad. E-urbadi, ibmar-inniki-imaksasoggu, egi nobedba e-urba-oburgwissunnad.