2 Samuel 3:3 - Kuna San Blas

³ Sailagined-sorbalid, Quileab nuggunonikid. Quileab-e-nana, Abigailʼye nugad. Abigail, Nabal-omega-gusadid, Carmel-neggweburginedid. Baagine, Absalón gwalulesad. Absalón-e-nana, Maacaʼye nugad, Talmai-e-sisgwad. Talmaiʼde, Gesur-neggwebur-e-reyd.

2 Samuel 3:3 Iomraidhean Croise

2 Samuel 13:1

Ibagan-nasgua, weyob neg-gunonikid. David-machi-Absalón bun-gwensak-nikad, Tamarʼye-nugad. Tamarʼde yeerdakleged. Aginbali, David ome-baidsik machi-baid nikabalid, Amnónʼye-nugad. Geb Amnónʼde, Tamarʼbina sokalid.

2 Samuel 14:23

Joab deyob sogsagua, gwisguded, agi Gesur-neggweburse naded. Degi, Joab Jerusalén-neggweburse Absalón-senonikid.

2 Samuel 14:24

Agine, Rey-David sogded: “Mer Absalón anse dagoye. E-negse na nadeguoye.” Degisoggu, Absalón e-negse nadegu imaksad, reyse arbisurgusad.

2 Samuel 14:32

Absalón abin-sogded: —An bese gochanad, anse be dagye, adi, an-ular reyse be naegar. Adi, ese egisega: ‘¿Ibiga Gesur-neggweburgi-gudii an suleapi? An weba bur gudiina, nuedinad. Emide, reyse an naoed, ar ibmar-oakalos an-dakele, an-oburgodo.’

2 Samuel 15:7

Birgabakegusgua, Absalón, Rey-Davidʼga sokalid: —Dummad, wis an bese egise, Hebrón-neggweburse an nabienad, Bab-Jehováʼga an ibmar-imakoye-sogsad imaknaegar.

2 Samuel 15:8

An Siria-yargi gudigua, Gesur-neggweburgi weyob an sogsa gusad: ‘Bab-Jehová Jerusalén-neggweburse gannar an-senonidibe, an Bab-Jehová-nug-odummodii guoye.’

2 Samuel 18:33

Rey-David deyob e-machi-Absalón-burgwisye itosgua, gwage-naibid-dummad ega nagunonikid. Geb yawagak-birgi-neg-siidse-nakwemaigua, ise-boar-sunmaknadapi gusad: “¡Machiye, machiye! ¡Ani an bur be-ular burgwissunnana gadin! ¡Machiye, machiye!”

2 Samuel 2:2

Degisoggu, David Hebrón-neggweburse nadegusad. David na e-omegan-warbogwad sesbalid, gwen Ahinoamʼye-nugad, Jezreel-neggweburginedid. E-ome-baidi, Abigailʼye-nugmogad, Nabal-e-omega-gusadid, Carmel-neggweburginedid.

1 Reyes 1:6

Adonías-e-dakleged nued daklebalid. Adoníasʼde, Absalón-sorba gwalulegedid, David, e-machi-Adoníasʼga sogdii dasulid: “¿Ibiga be weyob ibmar imakye?” Ar Adoníasʼde na e-sogedba ibmar imakdidaed.

1 Reyes 2:15

Adonías ega sogded: —Be wisid, we-yar-naid, angadinad, Israel-dulemar e-reyga-megega an-edarbismalanad. Emisgindina, Bab-Jehová-sogedba, an-urba-Salomónʼga uklenonikid, egadga gunonikid.

1 Crónicas 3:1

David-e-masmala Hebrónʼgi-gwalulesmaladi wemar gued: E-machi-sailagined, Amnón. E-nandi, Ahinoamʼye nugad, Jezreel-duled. E-machi-Amnón-yarbali, Daniel gwalulesad. E-nandi, Abigailʼye nugad, Carmel-neggweburginedid.

1 Crónicas 3:2

Daniel-yarbali, Absalón gwalulesad. E-nandi, Maacaʼye nugad, Gesur-e-rey-Talmai-e-sisgwad. Absalón-yarbali, Adonías gwalulesad. E-nandi, Haguitʼye nugad.

Deuteronomio 3:14

Manasés-wagwa-Jair, bela Argob-yar, Gesur-abingunaidse, degi, Maaca-abingunaidse susad. A-yar, Basán-Havot-Jairʼye onugsasad. We-yala, we-garda-narmaklenaidse amba deyob nugad.

Josué 13:13

Ar Gesur-dulemardi, Maaca-dulemardi na e-yargi-bukwadgi Israel-dulemarse gwen onolessurmalad. We-garda narmaklenaidse, we-dulemar Israel-yargine amba gudimalad.

1 Samuel 25:3

We-dule, Nabalʼye nugad, Caleb-wagwad. E-ome, Abigailʼye nugad. We-omedi, yeerdakleged, deginbali, nue ibmar wisbalid. Nabalʼdi, dule-binged-satedid, degi, dule-isganabalid.

1 Samuel 25:42

Abigail weyob-sogsad-sorbali, naye sokarsunnad. Agine, moli-uayasuid-birgi nakwisad. Geb yagan-ega-arbamalad-walataledmala David-gayaburba-berbemaladba nadmalad. Geb Abigail, David-nikusad.

1 Samuel 27:8

David e-sordaganmala, Gesur-dulemar-ibe, Gezer-dulemar-ibe, degi, Amalec-dulemar-ibe ibmar-atursamalaga ardamalad. Ar we-dulemardi, Shurʼye-neg-nugadsik, Egipto-yar-abingunaidse na dikasurgus bukwamalad.