2 Samuel 2:5 - Kuna San Blas

⁵ Agi, David, Jabes-De-Galaad-dulemarse e-sordagan barmisad, Rey-Saúl-digsamaladga weyob sogega: “Bemar be-dummad-Saúl-wile-daksamalad-ulale, neg-uanse dikapmalad-ulale, Bab-Jehová nued begi binsamalana gadin.

2 Samuel 2:5 Iomraidhean Croise

1 Samuel 23:21

Saúl abin-sogded: —¡Bemar wile an-daked-ulale, Bab-Jehová begi nued binsamalana gadin!

Salmo 115:15

Bab-Jehová-nibneg-obinnisadi, bemargi nued-binsaena gadin. Bab-Jehová-napneg-obinnisadi, bemargi nued-binsaena gadin.

1 Samuel 24:19

¿Doa na e-isdarad-abingualile, gwen oburgwissulir be insae? ¡Ar emi be angi dogdar-nued binsasad-ulale, Bab-Jehová bega ibmar-nuegan ukoed!

Rut 2:20

Geb Noemí e-balaga sogded: —Bab-Jehová a-dule-bendakena gadin. Bab-Jehová wile emi-ibagi anmar-dulamalad-daksad. Bab anmar-idu-dule-burgwismalad amba deyob daksabalid. Emisgindi, we-dule anmar-gwenad-bur-walikagwadid. Aga anmar-bendakoye igar-maid.

Rut 3:10

Booz, Rutʼga sogded: —Bunagwa, Bab-Jehová be-bendakena gadin. Be we-ibmar-imaksadi, be ibmar-iduar-imaksadba bur bule nued be imaksad. Ar be-suiga guega dule-sapingwagwad be amiapi-wilubbinad, dule-mani-ibeddibe, igi mani-suliddibe. Emide, be deyob imaksasulid.

Rut 1:8

Geb degine, Noemí igarba-nadapgua, e-balamarga sogded: —¡Na bemar gannar be-nangan-negse namalo! Ar igi bemar dule-burgwismalad na be wiledaksamala, degine, igi be wile an-daksamarmoga, bitigi deyob Bab-Dummad wile-bemar-dakmogana gadin.

Jueces 21:8

Degidgi, egichiarmalad: “¿Biti Israel-wagan Mizpaʼgi Bab-Jehováʼse arbisuli?” Geb dakarmalad, bela Jabes-Galaadʼginmalad Bab-Dummadse-goled-neg-siidse igar-itogega nonisurmala.

1 Samuel 15:13

Geb Samuel, Saúl-aminaded. Abingunonigu, Saúl ega sogded: —¡Bab-Jehová begi nued-binsasun! An Bab-Jehová-ibmar-sogsadba an ibmar-imaksad.

Génesis 14:19

Geb degine, Melquisedec, Abramʼgi ise-nued-binsaedgi, weyob sogded: “Abram, Bab-Dummad-Bur-Birigined begi ise-nued binsaoed. We-Bab-Dummad, nibneg, degi, napneg bela obinnisadid.

Génesis 14:22

Ar Abramʼdi abin-sogded: —Suli. Bab-Dummad-Bur-Birigined-Jehováʼga ise-sogar an imaksad. We-Bab-Dummadde nibneg, degi, napneg bela obinnisad.

Josué 2:14

Israel-dule-warbogwad ome-abin sogdemalad: —¡Anmar bega ise-sogar-soged, bemar akar-guosurye! Ar dule-baiganga be anmar-barsogsulile, anmar wile-be-dakoed. Bab-Jehová we-yala anmarga uksale, anmar nued-bemar-akwemaloed, degi, anmar bega ise-sogar-sognaidba ibmar imakoed.

1 Samuel 11:1

Amón-dule-Nahasʼye-nugad, e-sordaganmala, Galaad-yargi-Jabes-neggwebur-siidse naded. Geb ebiris e-sordaganmala bukunonimalad. Dulemar-a-neggweburginmalad ega sogdemalad: —Anmar igar amie. Anmar be-maiga gumaloed.

1 Samuel 11:9

A-sorbali, dulemar-gayaburba-berbedimaladga sogdemalad: “Jabes-De-Galaad-neggweburginmaladga be sognamar: ‘Banedse yorukudba Amón-sordamargi bemar bendaklemaloye.’ ” Degi, gayaburba-berbemalad nadmalad, Jabes-neggweburginmaladga gayaburba sogdapmalad. Jabes-dulemar, deyob-gayaburba-itosgu, weligwar-itodmalad.

2 Samuel 15:20

¿Ar be emiskwaa nonigudisursi? ¿Sunna anba dagega an be-imakosi? Suli. Anbela an wissulid, an bia naoe. Bur be gannar nae, be-dulemar be sede. ¡Bab-Jehová-e-sabgued-sadeguad, degine, innikigwad-sogmaid bega oyogoed!

2 Samuel 21:12

Agi, David, Saúl-e-garmar, degi, Jonatán-e-garmar, Jabes-De-Galaadʼgi-digar-bukwad suapid. Deunni, Filistea-dulemar Gilboa-yargi Saúl-oburgwismargua, Betsán-neg-imbagi bannu-bannu nasiksamalad. Agi, Jabes-De-Galaad-neggweburginmalad, Saúl-mui, Jonatán-muibo-bannu-bannu-naidi, atur-imakap gusmalad.