2 Samuel 2:1 - Kuna San Blas

¹ Deyob-neggusad-sorbali, David, Bab-Jehováʼse idakdegusad. Geb David, Bab-Jehováʼga sogded: —¿Judá-yargi neggweburmar-bukwad-gwensakse an naoye? Bab-Jehová abin-sogded: —Eye, be nae. David gannar Bab-Jehováʼse egisdebalid: —¿Biti-neggweburse an nabi be an-abege? Bab-Jehová abin-sogdebalid: —Hebrón-neggweburse be megnao.

2 Samuel 2:1 Iomraidhean Croise

Génesis 13:18

Geb degine, Abram nade gudsunnad, e-dordonegmar-siid sesa gusad. Abram Hebrón-neggwebur-walik megnaded, sapi-islidikmalad-Mamreʼgi-bukwadse. Agi, Abram Bab-Jehová-nuggi, Bab-Jehováʼga-ibmar-ogumakar-ukleged-aila sobsad.

Génesis 32:2

Jacob, baliwiturmar-daksagu, sogded: “We-nega, Bab-Dummad-e-sordamar-neg gued.” A-ulale, Jacob a-nega Mahanaimʼye onugsasad.

2 Samuel 15:7

Birgabakegusgua, Absalón, Rey-Davidʼga sokalid: —Dummad, wis an bese egise, Hebrón-neggweburse an nabienad, Bab-Jehováʼga an ibmar-imakoye-sogsad imaknaegar.

2 Samuel 2:11

David Hebrón-neggwebur-akar Judá-dulemargi birgagugle (7) gaka nii-walanergwa (6) negsemai gusad.

2 Samuel 5:19

Agine, David, Bab-Jehováʼse idakded, ega sogded: —¿An Filistea-sordamargi bila-ononaoye? ¿Egi-nakwega be an-imakoye? Bab-Jehová, David-abin sogded: —Eye, be bila-ononae. Inniki an bega soged, Filistea-sordamargi-nakwega an be-imakoed.

2 Samuel 5:23

David Bab-Jehováʼse gannar idakdebalid. Geb Bab-Jehová ega sogdebalid: —Mer abin nao, be ebirar nao, bia balsamera-sapimar-bukwa, a-innik be oitogo.

1 Reyes 2:11

David Israel-yar-naidgi birga-dulabo (40) negsesad: Hebrón-neggweburgi birgagugle (7) negsemai gusad, degi, Jerusalén-neggweburgi birga-dulagwen-gakambe-gakapaa (33) negsesbalid.

1 Crónicas 29:7

Bab-Dummadse-goled-neggala, weyob-aidiku we-ibmar uksamalad: Or, nibir-milidulataled-ilapaa-gaka-dulabake gaka dulataled-ilabo (380,200), mani, nibir-milidulataled-ilagugle-gaka-dulabo-gakambe (750,000), esgoro-gordikid, nibir-miyon-gwensak gaka milipaa-gaka-dulabo-gakambe (1,350,000), degi, esgoro, nibir miyon-gwensak gaka mili-dulataled-ilagugle-gaka-dulabo-gakambe (1,750,000) uksamalad.

2 Crónicas 11:10

Zora, Ajalón, degi, Hebrón. We-neggweburmar-gandik-sobsagusadi, Judá-yargi, degi, Benjamín-yargi bukwamalad.

Salmo 143:8

Wakudaryalaba be-sabgued be anga oyoge, ar andi begi bensulid. Ar andi bese goled, be anga oyoye, ibu-igarba an naoe.

Salmo 27:4

Bab-Jehováʼse unni ibmar-soggwen an egichisad, abi an abeged: E-neggi-degisadegu-gudigued an abeged. Adi, an Bab-Jehová-e-yeerdakleged dakega, e-neggi ese gordii gubaligar.

Ezequiel 36:37

”Bab-Jehová-Bela-Gangued-Nikadi weyob soged: ‘Israel-dulemar sibad-wawaad-merguedyob ega e-dulemar-omerguye anse egisedi, an ega imakoed.

Números 13:22

Neguevʼgi nasmargu, Hebrón-neggweburse warmaksamalad. Hebrónʼgine, Anac-e-wagan Ahimán, Sesai, degi, Talmai mamaimalad. Hebrón-neggwebur bato birga-guglegus-siid (7), geb Zoán-neggwebur Egipto-yargi bukunonikid.

Números 27:21

Josué, dule-irwa-Bab-Dummadse-goled-Eleazar-asabin nonikoed, adi, ega Urimʼye-nugadba Bab-Jehováʼse idakegar. Josué-sogedba bela Israel-dulemar ibmar imakmaloed.”

Josué 15:13

Bab-Jehová ega igar-uksadba, Josué Jefone-machi-Calebʼga, Judá-waganga-yar-uklesad-abargi, Quiriat-Arba-neggwebur ega uksad. We-Quiriat-Arbaʼde, Hebrónʼye nugbalid. Arbaʼde, Anac-e-bab-gusad, dulemar-masdummagan e-dad.

Jueces 1:1

Josué-burgwisad-sorba, Israel-dulemar Bab-Jehováʼga sogdemalad: —Canaán-dulemarbo bila-ononaega, ¿doa inse naoe?

1 Samuel 10:22

Degidbali, Bab-Jehováʼse egichiarmalad: —¿Ar we-dulede wese nonimoga? Bab-Jehová abin-sogded: —Eye. Ar mor-ulumar-imbaba dukusiid.

1 Samuel 23:2

Degidbali, David Bab-Jehováʼse idakded, ega sogded: —Bab-Jehováʼye, ¿Filistea-sordamargi an bila-ononaoe? Bab-Jehová abin-sogded: —Be nae. Filistea-sordamargi be bila-ononae. Keila-neggwebur be bendaknae.

1 Samuel 23:4

David gannar Bab-Jehováʼse idakdebalid. Geb Bab-Jehová weyob abin-imaksad: —Keila-neggweburse be nae, ar Filistea-sordamar an bega urmakoed.

1 Samuel 30:31

degi, Hebrónʼginmaladga ibmarmar barmisad. Deginbali, ar David bia e-sordaganmala gudigusmala, a-neggwebur-girmar-dummaganga ibmar barmisbalid.