2 Samuel 13:3 - Kuna San Blas

³ Amnón e-ai-wargwen nikad, Simea-machi-Jonadabʼye nugad. Jonadabʼde yeer-emar-binsaed-gaedid. Simeaʼdi, David-e-iad.

2 Samuel 13:3 Iomraidhean Croise

Génesis 3:1

Bab-Dummad-Jehová we-napneggi bela ibmar-durgan obinnisad. Amar-abargi, naibedi ibmar-durgan-baiganba dule-binsaed-gaedgi bur buledid. Naibe omega sogded: —¿Etto, Bab-Dummad bemarga sogsa: ‘We-nainu-nuedgi sapimar-gwichid-e-san melle bipisaale gunmaloye?’

Génesis 38:1

A-ibagangine, Judá e-gwenadgangi bangud gusad, dule-Hiraʼye-nugadse naded. Hiraʼde Adulam-neggweburginedid.

Génesis 38:20

Geb a-sorbali, Judá e-ai-Adulam-neggweburginedba sibad-bipi barmisad, adi, ome e-ibe-ibmar-obesad ega gannar ukegar. E-ai ome-amissurgusad.

2 Samuel 13:2

Amnón e-bun-Tamar-abegedba surbinsa itoalid. Tamar amba yagwasoggua, Amnón binsadidaed, an-bunse-golega igi-an-imakergebye.

2 Samuel 13:32

Simea-machi-Jonadab Davidʼga sunmakded, ega sogded: —Dummad, be-masmala-burgwisye-soglegedi mer be itoge, ar Amnónʼbi oburgwilesad. Ar ade, Amnón, Tamarʼgi dodosgu, Absalónʼdi sogsagusad, amba anse Amnón-oitolegedseye.

2 Samuel 13:4

Jonadab, Amnónʼga sogded: —Rey-machi, ¿ibiga be garagus daklege? Deyob be ibagan-obelomai an be-daked. ¿Igi be itoge? ¿Anga be sogosurde? Amnón abin-sogded: —An-urba-Absalón-e-bun-Tamarʼbina nue an soged.

2 Samuel 14:2

Degisoggu, Joab ome-emar-binsaed-gaed ese sedamalaga imaksad. We-ome, Tecoa-neggweburginedid. Joab a-omega sogded: —An bega sogo, dule-burgwisadgi-mor-yoleged be yoo. Melle gwallu-wawa be mago, igi dule, dule-burgwisadba-bukib-itodidae, deyob be yamo san-imako. Dikasursur dule, dule-burgwisadba-wile-itodiiyob be san-sao.

2 Samuel 21:21

We-dule-masdummad, Israel-sordamar-ourweardaed. Agine, Simea-machi-Jonatán a-dule-masdummad-oburgwisad. Simeaʼde, David-e-iad.

1 Crónicas 2:13

Isaí, machi-Eliab-nikunonikid. A-machide, gebesailaginedid. Eliab-yarbali, Abinadab gwalulesad. Abinadab-yarbali, Simea gwalulenonimogad.

1 Crónicas 27:32

David-e-gilor-Jonatán, reyga binsaed-ukedid, degi, dule-binsaed-nikaa-ibmar-imakedid, deginbali, reyga gardamar-seedbalidid. Hacmoni-machi-Jehielʼdi, rey-e-masmala-akwediid.

Ester 5:10

Degi-inigwele, Amán e-sae-itoged bargasad. Geb e-negse naded. Geb Amán e-negse-mosgua, e-aimarse-gornamalaga, degi, e-ome-Zeresʼse-gornaega igar uksad.

Ester 5:14

Geb degine, e-ome-Zeres, degi, bela e-aimar Amánʼga sogdemalad: —Suar daliambe-gakabo-gaka-negabar-nibgued (12½) be ogwiso. Geb banedse, be Reyse egisoed, Mardoqueo dukargi edinnar bannu-bannu nasikye. Degidbali, be weligwar Reybo mas-gunnaoed. Weyob ega binsaed-uksamaladi, Amán yeer-itosad. Geb Amán suar-ogwisguega igar-uksad, agi Mardoqueo-e-dukar gaegar.

Ester 6:13

Geb Amán e-ome-Zeresʼga, degi, e-aimarga bela we-ibmar-gusadi sogsa gusad. Geb Amánʼga dulemar-ega-binsaed-daked, degi, e-ome-Zeres sogdemalad: “Ar Mardoqueo-abin be-nug-bipi-gudedi, we-dule, Judío-dule-guele, mer egi be nakodeeye binsao. Aka bur bule ese be galakuoed.”

Proverbios 19:6

Dulemar-bukidar, dule-obinebak-ibmar-uked-e-aiga-guega amimalad. Bela dulemar, dule-ibmar-binsa-uked-e-aiga gumalad.

Jeremías 4:22

Bab-Jehová soged: “An-dulamar binsaedsurmaladid, aku an-dakmalad. Mimmigan-binsaedsurmaladid, aku neg-itomalad. Ibmar-isgana-imakedsikdi binsaed-ibegan nanamalad. Ibmar-nued-imakeddi wissurmalad.”

1 Corintios 3:19

Ar Bab-Dummaddi, we-napneggined-binsaed-nuedi, binsaled daked, ar Bab-Dummad-Gardagi sognaid: “Bab-Dummadi, dule-emar-binsaed-gaed-e-binsaed, egi aibinega imaked.” Job 5:13

Santiago 3:15

Ar weyob daedi, binsaed-nikaguedsulid, Bab-Dummadgi danisulid. Ar wegiid-binsaedi, napnegginedid, dulegi danikidid, degi, niagi danibalid.

Jueces 14:20

Sansón-e-ome machered-baidga uksamalad. A-macheredde, Sansón na e-aiyobi dakdii gusad.

1 Samuel 16:11

Geb Isaíʼse egichided: —¿Machimala-baigan, be suli? Isaí abin-sogded: —Bipigwadbi napi. Adi, sibad-wawaadmar edarbediid. Samuel ega sogded: —Ese gornaega be dule-barmide. Ar a-dule-wese-nonikidse geb anmar mas-gutoed.

1 Samuel 16:9

A-sorbali, Isaí, Sama-oyosad. Samuel gannar sogdebalid: —Bab-Jehová amba we-sussurbalid.