1 Samuel 9:6 - Kuna San Blas

⁶ E-mai abin-sogded: —Dummad, we-neggweburgi Bab-Dummad-e-dule-wargwen nuga-nikad maid. Bela ibmar-soged nue-napira sogdaed, gakansadasulid. Degisoggu, anmar daknae, abakale a anmarga sokalile, bia anmar molimar-uayasuid aminaoe.

1 Samuel 9:6 Iomraidhean Croise

Génesis 24:42

”Emi, deyob an diase nonisunnad. An Bab-Jehováʼse gotegu, an sogded: Bab-Jehováʼye, an-dummad-Abraham-e-Bab-Dummadye. We an nonikidse, ar napira be anga ibmar-imakoye be nue-sogele,

2 Samuel 15:27

Aginbali, Rey-David, dule-irwa-Bab-Dummadse-goled-Sadocʼga sogdebalid: —Ar be dule-irwa-Bab-Dummadse-goledsoggu, nuedgi gannar be Abiatarʼbogwa Jerusalén-neggweburse nao. Degine, be-machi-Ahimaas, degi, Abiatar-machi-Jonatán, beba namarmogo.

1 Reyes 13:1

Jeroboam ibmar-ogumakleged-ailagi ina-wawad-ogumaknaigu, Bab-Dummad-e-dule-wargwen Judá-yargi-daniki, Betel-neggweburse dognonikid. Bab-Jehová a-dule-barmialid.

2 Reyes 5:8

Bab-Jehová-e-dule-Eliseo wisguargu, Israel-e-rey garda-absosadbali e-mor siir-siir imaksaye. Agine Eliseo, reyse gayaburba barmisad: “¿Dummad, ibigala be mor esirmaksa? We-dule be anse barmidage, adi, wisguega Israel-dulemargi Bab-Dummad-gayaburba-barsoged maid.”

2 Reyes 6:6

Bab-Dummad-e-dule-Eliseo ese egichided: —¿Bia argwacha? Geb, a-dule ega oyosad, biasik akan argwacha. Geb Eliseo suar-siksad, bia akan argwacha, a-inniki suar egwachad. Geb akan mua-mua-naguega imaksad.

Salmo 25:12

Bab-Jehová, dule-e-dobee-nanadiidga oyogoed, biti-igarba nanaoe.

Isaías 44:26

Ani an an-maimar-gayaburba ogannodaed. Degi, anga-gayaburba-berbemalad anse-ibmar-egisedi, sogedba-guega an imakdaed. ”Ani an soged, ‘Jerusalén-neggwebur gannar sigoye, Judá-neggweburmar gannar bukuoye, e-neg-bibichismalad, gannar an nudakoye.’

Mateo 24:35

Nibnegdi, napnegdi bela berguoed. An-gayaburbadi gege bergued, degisadeguoed.”

Deuteronomio 33:1

Bab-Dummad-e-dule-Moisés, burgwed-iduale, Israel-dulemargi ise-nued-binsanaidba weyob sogded:

1 Tesalonicenses 2:10

Bab-Dummad, degi, bemar-sunnad, nue wismalad, igi-anmar bemar-Jesúsʼgi-bensurmalad-abargi-gudigusgu, nue-gwage-swilidikidgi, nue-napiragwadgine, degi, dulemar anmargi ibmar-akar-soged-satedgine, anmar nanadigusa.

1 Tesalonicenses 5:13

Amargi bemar nue-binsaed-nikaa damalo, degi, Bab-Jesús-Igargi-arbadiid-ular, bemar amar nue-sabgumarbalo. Na be muchub-muchub bogidikidgi gudii imakmarsun.

1 Timoteo 6:11

Degisoggu, bedina, Bab-Dummadba naisoggu, we-igar-isganamargi be bangue, igar-innikigwadba bur be nanae, Bab-Dummad-Igarba bur be dae, Jesucristoʼgi-bensulidba bur be nanae, sabguedba bur be dae, gwae-gwae itosulidba bur be dae, binnalegwadgi ibmar imakedba bur be dae.

1 Samuel 2:27

Bab-Dummad-e-dule-gwensak Elí-daknaded, geb ega sogdapid: “Bab-Jehová weyob soged: ‘Be-dadgan Egipto-yargi Faraón-e-maiga-gudimargu, an-ese-magarosgusadi, be nue wisid.

1 Samuel 9:8

E-mai abin-sogdebalid: —Wis mani an sediid. We-mani sunna an Bab-Dummad-e-dulega uked, adi, anmarga sogega, bia anmar moli aminaoe.