1 Samuel 7:3 - Kuna San Blas

³ Aga, Samuel, Israel-dulemarga sogded: “Ar bemar bela-bela ulubgi gannar Bab-Jehová-sogedba nanabiele, dulemar-yar-baidsikid-e-bab-dummadyob-ibmar-imakleged be obelomalo, degi, bab-bundor-Astarot-e-wilub-sobarmalad be obelomarbalo. Unnila Bab-Jehová-e-nug-odummodii be gumala. Geb agine, Bab-Jehová, Filistea-dulemar-sabsur-negsemaidgi be-ollorsamaloed.”

1 Samuel 7:3 Iomraidhean Croise

Génesis 35:2

Geb degine, Jacob bela e-neguyaginmaladga, degi, bela eba-gudimaladga sogded: “Bemar be-bab-dummadga-imakdiid be sedidimalad, bela be metemalo. Bemar bela islidikidguega, be obmarbalo, degine, bela mor ogwamarbalo.

1 Reyes 11:33

”Bab-Jehová sogdebalid: ‘Salomón angi banguded: Bab-dummad-bundoryob-imakleged-Astoret e-bab-dummadga imakded-ular, angi banguded. Astoretʼde, Sidón-dulemar-e-bab-dummad-bundorad. Bab-dummadyob-imakleged-Quemos e-bab-dummadga imakded-ular, angi banguded. Quemosʼde, Moab-dulemar-e-bab-dummadid. Bab-dummadyob-imakleged-Moloc e-bab-dummadga imakded-ular, angi banguded. Molocʼde, Amón-dulemar-e-bab-dummadid. ” ’Ar Salomón, an-ibmar-abegedba ibmar imaksasulid: An-Igar-Mesisadba nanassulid. An-ibmar-odurdakedba nanassulid. An-igar-uksadba nanassulid. Salomón, e-bab-David-nanadii-gusadyob nanassulid.

1 Reyes 8:48

”Aginbali, e-isdarmalad-e-neggi galesbukwa, e-gwage-ulubgi napiragwadgi gwagnonimalale, we-yar-anmar-dadganga-be-uksadsik-atakbukwa, be-Jerusalén-neggwebursik-atakbukwa gornanaile, an bega bese-goled-neg-sobsadsik-atakbukwa,

2 Reyes 17:39

Unnila bemar-Bab-Dummad-Jehová-nugbi be odummomaloed. Ar ani, be-isdarmaladgi an bemar-bendakoed.”

2 Reyes 23:15

Deginbali, Betel-neggweburgi, ibmar-ogumakleged-aila-siid earisad, degi, Nabat-machi-Jeroboam bab-dummad-baidse-goled-negmar-sobsagusad, bela earisbalid. Jeroboam, Israel-dulemar-oichogega a-neg-sobsagusadi, Rey-Josías ogumaksad, burubi-nasikedse imaksad. Deginbali, bab-dummad-bundor-Asera-e-wilub ogumaksabalid.

1 Crónicas 22:19

Emisgi, bemar bela-bela ulubgi, bemar-Bab-Dummad-Jehováʼba nanabukwa be gumarsunno. Degisoggu, Bab-Dummad-Jehováʼse-goled-neg-sobega ogudmarsun. Ar deyobi, anmar Bab-Jehová-Dadganbo-Igar-Mesisad-Ulu a-negse sedamaloed, degi, Bab-Dummadga-ibmar-ebulemalad sedamarbaloed. Ar Bab-Jehová-nug-odummolegegala, we-neg soblegoed.”

1 Crónicas 28:9

”Emisgi, Salomón, be an-machi-guedgi, be an-Bab-Dummad be mag-dake nanaergebed. Innikigwadba ega be arbaergebed, gandikidgi, degi, weligwaledgi eba be ibsaergebed. Ar Bab-Jehová dule-binsaed bela wissoggu, dule ibmar-imakbiele, bela magasar-daked. Ar be Bab-Jehová-nue-ami-sogele, e-amiega be-imakoed. Ar be Bab-Jehováʼba ibsasurdibe, Bab-Jehová degisadegu be-obanoed.

2 Crónicas 19:3

Degi-inigwele, be we-ibmar-nuegan imaksabalid: Bab-dummad-bundor-Asera-wagar-wilub-sobaledi we-yargi be osulosad. Degine, be-gwage-ulubgi be bela-bela Bab-Dummadgi bensuli gunonibalid.”

2 Crónicas 20:33

Degi-inigwele, bab-dummaganse-goled-aila-matusulid-bukwad osulossulid. Deunni, Judá-dulemardi e-gwagegi amba e-dadgan-e-Bab-Dummad yoo nue-napira amimalad.

2 Crónicas 30:19

We-dulemar-e-dadgan-e-Bab-Dummad-Jehováʼye, an bega sogdo, we-dulemar, bese-goled-neggi igar-maidba na san-urukmaksasur-inigwele, be wile dako.”

Proverbios 16:1

Dule na e-gwagegine-soged, ibmar-imakoye, degi-inigwele, ibmar-imakleged Bab-Jehováʼse bergusiid.

Isaías 55:7

Dule-ibmar-isgana-imaked, e-igar-isgana-imakedgi bangusun, dule-isgana, e-binsaed-isganagi bangusun. Bab-Jehová amisun, ar ade, Bab-Jehová dule-nuedid, isgued-eliedid. Ar anmar-Bab-Dummad wile be-dakoed.

Jeremías 24:7

Magar-itomalaga an imakoed, adi, wisgumalagar ani an Bab-Jehová gued. Emala anga an-dulamarga guoed, ani an e-Bab-Dummadga gumogoed. Ar bela-belad e-gwagegi-itogedba, anse gannar nonimaloed.’ ”

Jeremías 36:3

”Abakalegi, Judá-dulemar boni-dummagan an egi-barmidasokalid-wisgualile, e-isgued-igargi banguarmalale, degidbali, an sunna e-ibmar-isgana-imakmaladi, degi, e-isgumaladi an ega elied.”

Jeremías 4:1

Ani an Bab-Jehová-guedgi bemarga soged: “Bemar Israel-dulemar, gannar be anse-dagmarye-sogele, mer bar be isgumalo. Be an-asabin ibmar-isgana-bab-dummadyob-imaklemalad-osulogele, mer bar be angi bangumalo.

Ezequiel 14:6

”Degisoggu, Israel-dulemarga be soge, Bab-Jehová-Bela-Gangued-Nikadi weyob sogye: ‘Gannar be an-amimala, be-bab-dummaganga-imakdimalad be iemala, degi, bela ibmar-isgana-imakedgi be bangumala.’

Ezequiel 18:31

Israel-dulemar, bela ibmar-isganamar isguega-be-imaksamaladi be mimar. Gwage-binid, burba-binid-nikued be amimar. ¿Ar ibiga isgued-ular, be burgwebimarsunna?

Oseas 14:1

Oseas Israel-dulemarga weyob sogded: “Israel-dulemar, be-Bab-Dummad-Jehováʼse be gannar dagmar. Ar bemar na be-isguedgi-argwanega na be imaksamalad.

Mateo 15:8

‘We-dulemar unnila asginbi an-nug odummomalad, ar e-gwage-ulubgindi angi gwen binsasurmalad.

Mateo 4:10

Geb degi, Jesús, abin-sogded: —Nia-saila-Satanás, be angi bangu. Ar Bab-Dummad-Gardagi narmakar maid: ‘Bab-Dummad-be-Dummad-e-nug be odummodii nanao. Unnila agarbi be ibmar imako.’ Deuteronomio 6:13

Mateo 6:24

”Dule geg dummad-warboga maileged. Ar unnila wargwen sabgudoed, baiddi, isdar dakdoed. Wargwenga nue-alamaknai guoed, baiddi, mesagwar dakoed. Degisoggu, geg be Bab-Dummad-maiga gued, deginbali, geg be maniga mailenai gubalid.”

Lucas 4:8

Jesús, abin-imakdegu, sogded: —Nia-saila be angi bangu. Ar Bab-Dummad-Gardagi weyob narmakar naid: ‘Bab-Dummad-be-Dummad-e-nug be odummodii nanao. Unnila agarbi be ibmar imako.’ Deuteronomio 6:13

Juan 4:24

Bab-Dummad, burbaled. Ar dule-Bab-Dummadse-goledi, burbar, degi, napiragwadgi ese gormogargebed.

Deuteronomio 10:20

”Be-Bab-Dummad-Jehováʼba be ibsadii nanao, e-nug-odummodii be guo, asebi be gordii guo, aba be nanadii guo. Ar be, ibmar-ise-sogar-sogbidibe, Bab-Dummad-nuggi innikigwadba an ise-sogar-sogye, an deyob imakedseye be sogoed.

Deuteronomio 13:4

Unnila be-Bab-Dummad-Jehováʼbarbi be nanaoed. A-dobekwaa be nanaoed, A-bega-e-Igarmar-uksadba be nanaoed. Degine, bega-sunmaked be nue-itogoed, Bab-Dummad-Jehováʼsebi be goloed, agarbi be galakusuli nanaoed.

Deuteronomio 4:29

Moisés Israel-dulemarga sogdebalid: “Ar bemar, bia-bukwadgindibe, be-Bab-Dummad-Jehová be ulubgi napiragwadgi amiarmalale, bela-belagwadgi be amimalale, nabir be Bab-Jehová-aminonimaloed.

Deuteronomio 6:13

”Be-Bab-Dummad-Jehová-e-nug be odummodii nanamalo, eba be ibsadii nanamalo. Be ibmar ise-sogar-imakbiele, Bab-Dummad-nugginbi be imako.

Josué 13:31

Manasés-machi-Maquir-wagan-negabaladga na e-dadgan-e-dadgan merguedba, Galaad-yar-negabar uklesad. Deginbali, Basán-e-Rey-Og negdakmai-gusad-e-neggweburmar Astarot, degi, Edrei, ega uklesbalid.

Josué 24:14

Josué, Israel-dulemarga sogdebalid: —Degisoggu, bemar Bab-Jehováʼgi binsaed-nikaa nanamarsun. Eba ibsadii gumarsun, deginbali, innikigwadgi e-nug-odummodii, ese-gordii gumarsun. Be-dadgan Éufrates-diwar-obakar, degi, Egipto-yargi bab-dummadyob-ibmar-imakleged-e-nug odummodii gusmalad. A-bab-dummagan be mimarsunna, unnila Bab-Jehová-nugbi be odummodii gumala.

Josué 24:23

Josué sogdebalid: —Bemar amba bab-dummadyob-ibmar-imakleged-sedidimalad, be mimarsunna. Bemar, Israel-e-Bab-Dummad-Jehová bur bela-bela gwage-ulubgi amimala.

Jueces 10:16

Geb Israel-dulemar bab-dummadyob-imaklemalad-sedimaladi bela osulosmalad. Geb gannar Bab-Jehová-sogedba nanadmalad. Bab-Jehová, Israel-dulemar-wilebukwad nue-geger-dakgusadba na nue-wiledaksad.

Jueces 10:6

Geb Israel-dulemar, gannar Bab-Jehováʼgi isgudmalad. Ar ade, bab-dummadyob-imaklemalad-Baalʼse gordii gudmalad, bab-dummad-bundoryob-imaklemalad-Astarotʼse gordii gudmalad. Degi, Siria-dulemar-e-bab-dummaganse, Sidón-dulemar-e-bab-dummaganse, Moab-dulemar-e-bab-dummaganse, Amón-dulemar-e-bab-dummaganse, degine, Filistea-dulemar-e-bab-dummaganse gordii gudmalad. Bab-Jehováʼdi obatemalad, bar a-sogedba nanadii gussurmalad.

Jueces 2:11

Geb Israel-dulemar Bab-Jehová-asabin ibmar-isganabi imakdemalad. Ar ade, bab-dummadyob-imakleged-Baal-nugadse gordii gudmalad.

Jueces 2:13

Degi, Israel-dulemar Bab-Jehová-obachamargu, bab-dummadyob-imakleged-Baal-nugadse gordii gudmalad, degi, bab-dummadyob-imakleged-Astarot-e-nuchumarse gordii gudmarbalid.

1 Samuel 31:10

Saúl-e-ibmar-bila-onogedgi-ebulemalad bab-bundor-Astarotʼse-goled-neggi urbenonimalad. Saúl-muidi, ingwa-Betsán-galu-matusulid-akwabiidgi nasiksamalad.