1 Samuel 4:3 - Kuna San Blas

³ Israel-sordamar na danar-danar bukwadse gannar nonimargu, Israel-girmar-dummagan sogdemalad: “Emi-ibagi, ¿ibiga Bab-Jehová, Filistea-sordamarse-galakuega anmar-imaksa? Degisoggu, Silo-neggweburgi Bab-Jehová-Dadganbo-Igar-Mesisad-Ulu-siid anmar sunae, adi, anmarba gudii guoed, anmar-isdaradmaladgi anmar-bendakegar.”

1 Samuel 4:3 Iomraidhean Croise

2 Samuel 15:25

Geb Rey-David, Sadocʼga sogded: —Bab-Jehová-Dadganbo-Igar-Mesisad-Ulu gannar Jerusalén-neggweburse be berbenao. Bab-Jehová nabir angi binsabidibe, gannar Jerusalén-neggweburse-dagega an-imakoed. Degi, gannar Bab-Jehová-Ulu-dakega an-imakbaloed. Deginbali, Bab-Dummadse-goled-neg-sunna-seleged-dakbaliga an-imakbaloed.

1 Crónicas 17:1

David bato e-reyneggi-gudiidgine, Bab-Dummad-gayaburba-barsoged-Natánʼye-nugadga sogded: —Be an-dakena, andi urwar-neggi maid. Bab-Jehová-Dadganbo-Igar-Mesisad-Uludi, dordonegyaba siid.

Salmo 74:1

Bab-Dummad, ¿ibiga be degisadegu anmar-obacha? ¿Ibiga be anmarse nue-urwe? Ar be-sibad-wawaadyob-danar-bukwadse, ¿ibiga be nue-urwe?

Salmo 74:11

¿Ibiga be sabsur-odurdaksuli? ¿Ibiga be bai-gwen-daksuli?

Isaías 50:1

Bab-Jehová weyob soged: “Israel-dulemar, ¿an bemar-nan obachasi? Degite, ¿bia abirgin-meted-gardade nadsunna? Anga be oyodo. ¿An doa-dulemarga bemar-egi-mani-ganikidyobi an be-uksamarsunna? An deyob be-uksasurmalad. Ar be-isgued-ular, na be dukin uksamalad. Bemar uaya-sate-gusad-ulale, be-nan oballedsunnad.

Isaías 58:3

Degi, ar anga weyob sogmalad: ‘¿Ar ibiga anmar mas-gunsuli bese-golega gudiguoe? Ar bede aku-anmar-daked. ¿Ar ibiga anmar be-ular san-wiomarsunna? Ar bede baisur anmar-dakbalid.’ ”Bemar mas-gunsuli-gudigued-ibagi, mani-onogedgi be arbadamalad, degi, dule-bega-arbamalad be sabsur-imakdedamalad.

Isaías 59:1

Bab-Jehová anmar-abonogega, ganguedsurye soglesulid. Degi, aku-anmar-itoye soglesurbalid, ar bela magar anmar-itoged.

Isaías 59:2

Ar bemar-isguedi, Bab-Dummadgi-banguega bemar-imaked. Ar be-isgumaladi, Bab-Dummad bemar-idu wagar-aibirar-megega imaked, adi, melle bemar-itogegar.

Jeremías 3:16

”Ani an Bab-Jehová-guedgi bemarga soged: Yoo bemar bukidargusale, nue-mergusale: Bab-Jehová-Dadganbo-Igar-Mesisad-Ulugi bar sunmaklegosulid. Dulemar bar a-Ulugi binsaosurmalad, degi, bar a-Ulu obarosurmalad. Degine, bar Ulu-baid sobosurmalad, ar bar abegosurmalad.

Jeremías 7:4

Melle dulemar-bega-gakansaar weyob-sogmalad be itogo: Wegi we Bab-Jehováʼse-goled-neg siid. Wegi we Bab-Jehováʼse-goled-neg siid. Wegi we Bab-Jehováʼse-goled-neg siid. Agala, neg akarguosulid.

Números 10:33

Weyobi, Israel-dulemar ibapaa-nanae-wilub Bab-Jehová-yalagi-bukwadi bangud gusmalad. Leví-wagan-baigan Bab-Jehová-Dulemarbo-Igar-Mesisad-Ulu-senadapmaladi, ibapaa Israel-dulemar-idu-nadapi gusad. Adi, ega danar-danar-ambikued-neg amiegar.

Números 10:35

Bab-Dummad-Israel-dulemarbo-Igar-Mesisad-Ulu seledele, Moisés sogdedaed: “¡Bab-Jehováʼye, be anmar-bendake! Be-isdarmalad bela aisakisun. Dule-isdar-be-dakmalad bela be-idu duurmakmarsun.”

Números 31:6

Moisés, we-sordamarbali dule-irwa-Babse-goled-Eleazar-machi-Finees barmisad. A-Fineesʼde Bab-Dummadse-goled-neggi nog-ebulemalad-semai gusad, degi, gar-trompeta semai gusbalid, adi, bila-onolealir ogolegar.

Deuteronomio 29:24

”Geb, bela dulemar-yar-baid-baidginmalad egisdamaloed: ‘¿Ar wede, ibiga Bab-Jehová we-yar deyob imaksa? ¿Ar wede, ibiga Bab-Jehová na sae-itogedba bela we-dulemar nue-sabsur-odurdaksa?’

Deuteronomio 31:26

“We-Igar-Mamaid-garda be sue. Bemar-Bab-Dummad-Jehová-Ulu-naba be mese. We-Igar-Mamaid-garda bemar-barsogega guoed.

2 Timoteo 3:5

Yamo Bab-Dummad-Igar-Maidba-daeyob damalad. Degi-inigwele, binsa asgi gordidimalad, Bab-Igar-sunsogedba nanasurmalad. Dule-degidamaladba mer be akao.

Hebreos 9:4

Agine, Bab-Dummadga-ina-wawadik-yapanned-ogumakega olo-aila-yaigwad siid, degine, Bab-Dummad Dadganbo-Igar-Mesisad-Ulu siibalid. A-Ulude, bela olo-sunnabi egi nasikaled. A-Ulugine, nog-orbiid-siidgi masi manáʼye-nugad bukwad. Agi Aarón-gaapoled maibalid. We-gaapoledgi ber gagan-aradiki egi ainisgusad. Degine, a-Ulugi akwagi Bab-Dummad-Israel-Dulemarbo-Igar-nabosad-narmaklegaled maibalid.

Josué 4:7

Bemar abin-sogmaloed: ‘Bab-Jehová-Dadganbo-Igar-Mesisad-Ulu Jordán-diwargi-obakdegusgu, Jordán-diwar e-asabin negabar maridgusad, nakwar-dii-danikidi galesgusad. Anmar-Israel-dulemargala, we-akwamala Jordán-diwar-dingusad-ebinsadiguega gued.’ ”

Josué 6:6

Nun-machi-Josué, dule-irwa-Bab-Dummadse-gormaladse gochad, amarga igar-uksad: “Bab-Jehová-Dadganbo-Igar-Mesisad-Ulu bemar sedmar. Bemar walagugle (7) gar-trompeta-sibad-wawaad-machered-e-bebegi-sobaled sedmalo, bemar ulu-idu nadapi gumalo.”

Josué 7:7

Josué, Bab-Dummadga sognai gualid: —¡Bab-Dummad-Jehováʼye! ¿Ibiga Israel-dulemar Jordán-diwar-obakega be imaksa? ¿Amorreo-dulemarga be anmar-urmakega, Jordán-diwar-obaked be anmar-imaksa? ¿Amorreo-dulemar anmar-obelogega Jordán-diwar-obaked be anmar-imaksa? ¡Ar anmar bur Jordán-diwar-obakar-besmalana nabirinad!

Josué 7:8

Bab-Jehováʼye, emide, ¿igi an sogosunna? Israel-sordamarde e-isdarmalad-abin wakitegusmalad.

1 Pedro 3:21

Igi Bab-diigi-ogleged emi anmar-abonomogadyobi, we-Noé-ibagangi-dii-mulusad anmarga abonoleged-e-wilubga gunaid. We-anmar-abonolegedi, Jesucristo-gannar-durgusadgi anmar isguedgi abonolesimalad. (Ar diigi-ogleged anmar-sangi ibmar-isgana-naid elisulid. Unnila Bab-Dummadsik-nued-binsaega anmar-imaknonidaed).

Judas 1:5

Ar bemar bato wismar-inigwele, ebinsabi an be-abemardo, Bab-Dummad, Israel-dulemar-Egipto-yargi-bukwad-onosgu, a-sorba, dulemar-egi-bengusmalad bela oburgwisad.

1 Samuel 1:24

Ana, Samuel-mam-oiar-imaksagua, Elcanaʼbo Silo-neggweburse Bab-Jehováʼse-goled-negse Samuel-sesmalad. Ana, moli-bebe-nikad-machered-birgapaa-nikad sesad. Deginbali, madubur nibir-dulagwen-gakabo (22) sesbalid, buglugi vino-sesbalid. Deunni, Samuel amba bipigwad.

1 Samuel 14:18

Geb degine, Saúl, Ahíasʼga sogded: —Mor-efodʼye-nugad be sedage. Deunni, a-mor Israel-sordamar eba sediid.

1 Samuel 4:2

Filistea-sordamar, Israel-sordamargi bila-onogega duurmakarmargua, Israel-sordamar e-abin duurmakdemarmogad. Agine, Filistea-sordamar, Israel-sordamargi nakwismalad. Bila-onogedgi, Israel-sordamar milibake (4,000) Filistea-sordamarse burgwismalad.