1 Samuel 2:9 - Kuna San Blas

⁹ Bab-Jehová eba-nue-nanaimalad na bendaked, adi, mer akar-guegar. Ar dule-isganamardi negsichidganba yoggudmaloed. ¡Dule wargwensaale, na e-ganguedba ibmargi obinsulid!

1 Samuel 2:9 Iomraidhean Croise

Job 18:18

Dule-isgana neg-meegwadgi-gudiidi, negasichidse barmelledoed, we-napneggi-gudiidgi ononnolegoed.

Job 40:13

Bela we-dulemar be dige-dige imake, napa-urba ise digar be imake.

Job 5:16

Ar Bab-Dummadi, dule-wileged ogannoged, degine, dule-ibmar-isgana-imaked-gaya-maklegega imakbalid.

Job 5:24

Be-neguyagine, nueganbi be garmakdii guoed, degine, be-sibad-wawaadmar be ebichialile, bega sogedba bukwa be dakoed.

Salmo 1:6

Bab-Jehová dule-nued-damalad nue-bendakmaid. Dule-isganamardi, degi-bergudmaloed.

Salmo 105:37

Bab-Jehová, Israel-dulemar or-bukidar-semamai, mani-bukidar-semamai onosgusad. E-dulemar-wargwensaale, gwen-burgwissurgusad.

Salmo 121:3

Bab-Jehová aimukuega be-imakosulid, Bab-Dummad-be-edarbediid gwen gabosulid.

Salmo 121:5

Bab-Jehová be-edarbedid, Bab-Jehová be-dikarba gudiguad.

Salmo 121:8

Bia be nadesogele, Bab-Jehová, degisadegu beba gudii guoed.

Salmo 145:20

Bab-Jehová, dule-e-sabgudimalad-edarbedii daed. Ar dule-isganadi bela obelogoed.

Salmo 31:17

Bab-Jehováʼye, ar an bese gochasoggu, mer bingeguega be an-imake. Dule-isganamardi bingeguega be imake, gaya-bogidiki burgwarmalad-meged-galugi be mese.

Salmo 37:28

Ar Bab-Jehová igar-inniki-imakleged yeer dakdaed, dule-eba-nue-nanadiidgi, bangusulid, Bab-Jehová amar-nue-edarbedidaed. Dule-isganamardi, bergumaloed, gwen wagan-nikuosurmalad.

Salmo 94:18

Bab-Jehová, an sogsagusgu, “an bergudaniye,” be-sabgued-nikadba yog be an-bendaknoni gusad.

Salmo 97:10

Bab-Jehová, dule-ibmar-isgana-isdar-dakmalad, sabed. Bab-Jehová, e-dulamar-inniki-nanadimalad, edarbed. E-isdarmaladgi wakinnega imakbalid.

Proverbios 16:9

Dule ibmar-imakoye na sogedi, Bab-Jehová-sogedba we-dulega ibmar-gumai guoed.

Proverbios 2:8

Bab-Jehová dule-igar-maidba-ibmar-imakmalad nue-dakdidaed, Bab-Jehová dule-eba-nanadimalad edarbedidaed.

Proverbios 3:26

Ar Bab-Jehová beba gudiguoed, dulemar-isganase yardaklegega be-imakosulid.

Eclesiastés 5:17

Deginbali, ar we-dulede, we-napneggine wile-itogedgi, arbaed-dummad-imakedgi, bonigan-abalagi, degi, sae-itogedgi mas-gundiid.

Eclesiastés 9:11

We-napneggi an negdaknonibalid: Abarmaklegedgi-bengulegedgi dule-sabsur-abarmakedbi emargi obinsulid. Bila-onolegedgi dule-gargangued-nikadbi emargi obinsulid. Dule-binsaed-ibedbi mas gunsulid. Dule-ibmar-wisirbaadbi mani-ibedga gusulid. Dule-nue-garda-wismaladbi e-bina soglesulid. Ar bela dulemarga, imbagwenale, ibagan-nued ega nonidaed, imbagwenale, ibagan-isgana ega nonidabalid.

Isaías 27:3

Ani, an Bab-Jehová, uva-nainu-edarbedga an gued. Bali-bali an-uva-nainu an oged. Melle dule ani oakalogega, mutikidbali, ibginedbali, an-nainu an edarbed.

Isaías 47:5

Bab-Dummad weyob soged: “Caldea-dulemar-sisgwa bogi be sige. Neg-gubyagwaled-yaba be doge. Ar dule bar be-biosulid: ‘Rey-bundor yar-baid-baid-nanaid semaidye.’

Jeremías 8:14

Geb dulemar sogdemalad: “¿Ibi anmar wegi gannaa sabukwa? Dage, anmar neggwebur-gandikmaladse nae, agi anmar itoba burgwemaloed. Ar anmar Bab-Dummadgi dummad-isgusad-ular, anmar-Bab-Dummad-Jehová anmar-obelonaid. Dii-ina-nusubiid-gobega anmar-imaksad.

Jeremías 9:23

Bab-Jehová weyob soged: “Dule-binsaed-ibed, melle na e-binsaed-nue-nikadgi san-dummarba itogo. Dule-gandikid, melle na e-gangued-nikarbadgi san-dummarba itomogo. Dule-mani-ibed, melle na e-mani-nikarbadgi san-dummarba imakmogo.”

Nahúm 1:8

Bab-Jehová Nínive-neggwebur diwar-dummad-noedbali obelogoed. Bab-Jehová amba negsichidgine e-isdarmalad-baleginnoed.

Sofonías 1:15

A-iba, urwed-dummad-iba, naguoed. Wile-itoged-iba, surbinsa-itoged-iba, naguoed. Bela ibmar-bergued-iba, ibmar-bibisged-iba, naguoed. Negsichid-nagued-iba, neg-gudureged-iba, naguoed. Boo-bela-bela-babated-iba, mogirmar-sichigan-nagued-iba, naguoed.

Zacarías 4:6

Degisoggu, baliwitur anga sogdesunnad: “Bab-Jehová Zorobabelʼga weyob sunmaknaid: ‘Sordamar-bila-onogedginsulid, garganguedginsurbalid. Unnila An-Burbaba ibmar imaklegoed.’ Deyob, Bab-Jehová-Bela-Gangued-Nikad soged.

Números 6:24

Bab-Jehová ise-nued begi binsadii gusun, nue be-akwedii gusun.

Mateo 8:12

Ar dulemar Bab-Dummad-e-negdakmaidse-dogmaloenadi, dogosurmalad, negsichidgi magaba melledmaloed. Agi bosii gumaloed, nunmakedba nugar-ogorsii gumaloed.”

Romanos 3:19

Ar anmar wisid, bela Moisés-Igar-Maid-sogmaidi, dulemar-a-Igar-Maid-urbaligwa-gudimaladga sogmaid. Adi, bela dulemar mer sogmalaga, anmar gwen isgudisurye. Adi, bela dulemar Bab-Dummad-asabin isgusadbi daklegegar.

Deuteronomio 33:3

Bab-Dummad, e-dulamar nue-sabed, e-argan-yaurgi bela dulemar-egadga-gued ganikid. Degisoggu, e-dulamar e-sogedba nadapi gumalad. Bab-Dummad, e-dulemarga Igar ukmaiguad.

1 Pedro 1:5

Bemar-Jesucristoʼgi-bensulidba, Bab-Dummad na e-ganguedgi bemar-akwedisunnad. Adi, bemar-abonolesad bemarga-guagwar-sabolesadi, ibagan-berguoedgi-ogwinmaklegoed bemarga oyolegegar.

2 Pedro 2:17

We-dule-odurdakmalad-napiragwadsulid dia-dinnagwadyobmalad, mogir-gorosur-aibindanikidyob diisuli burwaba selegedyob gumalad. We-dulemar, degisadegu odurdaklesigumalaga, negsichid-naidse seledmaloed.

Judas 1:1

Judas, Jesucristo-e-mai, degine, Santiago-e-urba, bemarse garda narmaksiid. We-garda bemarse-gollesmaladse, Bab-Dummad-anmar-babga-gumaidse-sabgulesmaladse, degine, Jesucristoʼgi-sabgules-bukwadse narmaksiid.

Judas 1:13

Wemar, demar-welegan-binnasur-arwemaladyobid, demar-e-makumar-sibudik-arwedyobid. Deyob e-isgued oyodidimalad. We-dulemar segargupuyobi gumalad. We-dulemarga, negsichid-gudureged-degisadeguad ega saboles naid.

Judas 1:3

Gwenadgan-sabesailamalad, an bemarga Bab-Dummad-Anmar-Abonosad-Igargi an garda narmakesokalinad. Agi bar an narmakosurgweled. Emigindi, an bemarse-garda-narmakedi, an bemarga wilesakwaa sogsunnad, bemar Bab-Jesús-Igar-Maid-geg-gwagedgi gatik nue-alamaknai be gumarsunye. We-Igar Jesucristoʼgi-akananaimaladga unnila irgwenna degisadegu uklesgusad.

1 Samuel 25:26

”Ar Bab-Jehová, ablis-eogega be-imaksasulid. Degi, dukin-bugeb-mai-imakega, be-imaksasurbalid. ¡Napiragwa! Bab-Jehová-Dula-Maid-ular, degi, be dula-gudiid-ular, be-isdarmalad, degi, bela akar-be-imakbimalad, igi-Nabal-sabsur-odurdaklegoe, deyobi gumarmosunno.