1 Samuel 2:2 - Kuna San Blas

² ”Bab-Jehováʼyobid, dule-isligwaled sated, Bab-Jehováʼyob-anmar-odukued dule sulid. ¡Bab-Jehováʼyobid, dule sated!

1 Samuel 2:2 Iomraidhean Croise

2 Samuel 22:3

An-Bab-Dummad an-niga-ogannogedid, egi an benguosulid. Anga sigu-abgaedyob gued, an-abonoged-gandikidid. Bab-Jehová an-odukuedga gued, an-bendakedid. Neg-bulegangi be an-bendaksadid.

2 Samuel 22:32

¿Doa-baid Bab-Dummadga maisunna? Unnila Bab-Jehováʼbi, Bab-Dummadga maid. Unnila Bab-Jehováʼbi, akwasailayob gued, abi anmar-bendakmaid.

2 Samuel 7:22

”Degisoggu, Bab-Jehová, bedi Bur-Biriginedid. Bab-dummad-baid beyobid sulid, bebi unnila Bab-Dummadga maid. Bela we-ibmar anmar-sunnagwad anmar-uayagwar itosad.

1 Reyes 8:23

sogded: “Bab-Jehováʼye, be Israel-dulemar-e-Bab-Dummad gued. Nibneggi, napneggi Bab-Dummad-baid beyobid sulid. ”Dule-be-nug-odummodimaladga be-igar-mesisad be imaked. Be-nug-odummodimalad, be-sogedba-gudimalad, be nue-sabed.

Salmo 111:9

Bab-Dummad na e-dulemar-galebukwad ollor-imaksad. Degisadegu na ebo Igar mesisad. ¡E-nug-isligwaled, bur gannarbadid!

Salmo 18:2

Bab-Jehováʼye, be an-akwasailaga gued. Be an-garganguedsoggu, an begi bensulid. Bab-Jehováʼye, be an-neggandikidid. Sigu-abgaedyob be an-idu bonigan-irwa gwisgued. Be-garganguedgi be an-bendaked. Bebi unnila bonigan-idu an-odukued-birigined maid. Bab-Jehováʼye, be an-ollor-imakedid. Bonigangi be an-ollor-imakdiid. Ar an bese gotele, an-isdarmaladgi-nakwega be an-imaked.

Salmo 18:31

¿Doa Bab-Jehováʼyob Bab-Dummadga mai? Dule sate. Unnila Bab-Jehováʼbi maid. ¿Doa Bab-Dummadyob-gangued mai? Dule sate. Unnila Bab-Jehováʼbi maid.

Salmo 71:19

Bab-Dummad, be ibmar-dummagan imaksad, be-igar-innikigwad nibnegse warmakmaid. Bab-Dummad, dule beyobid sulid.

Salmo 71:3

Bee be, an-akwasaila-dukuedga gue, adi, an ase bali-bali dukudii guegar. Bedi an-bendakega be igar uksad. Be an-akwasailaga gued, bedi an-ganguedid.

Salmo 73:25

¿Ar doa nibneggi an-edarbemaisunna? Unnila bebi an-edarbemaid. Ar an beba gudiile, we-napneggi ibmar-baid an abesulid.

Salmo 86:8

Bab-Jehová, bab-dummagan-beyobid sated, be-ibmar-imaksadyobi gege ibmar imakmalad.

Salmo 89:6

Nibneggine, ¿doa Bab-Jehováʼyopira gue? Dule deyobid sate. Nibnegginmalad-abargi, ¿doa Bab-Jehováʼyob gue? Dule deyobid sate.

Salmo 89:8

Bab-Dummad-Bela-Gangued-Nika-Maid, ¿doa beyob gue? Dule beyobid sate. Bab-Jehová, bedi gandikidid, bedi innikidaedid.

Salmo 99:3

¡E-nug-dummad, e-nug-buled odummomala! ¡Bab-Jehová, dule-isligwaledid!

Salmo 99:5

Anmar-Bab-Dummad-Jehová-nug odummomala, Bab-Jehová-asabin, napase-dulluu Bab-Jehová-nug odummomala. ¡Bab-Jehová, dule-isligwaledid!

Salmo 99:9

Anmar-Bab-Dummad-Jehová-nug odummomala, e-yar-islidikidgi, e-nug odummomala. ¡Anmar-Bab-Dummad-Jehová, dule-isligwaledid!

Éxodo 15:11

Bab-Jehová, ¡bab-dummad-baid bebo wilubdaked sated! ¡Beyob-isligwaled, baid sated! ¡Beyob-dummadid, satebalid! ¡Be ibmar-gegerdakleged-imakedi, dobe-ito anmar-imaked! ¡Ar nabirid, be-nug odummolegergebed!

Isaías 40:18

¿Doa-ebo be Bab-Dummad-wilubdakoe? ¿Ibu-ibmar-sobaledbo be wilub-imakoe?

Isaías 44:6

Weyobi, Bab-Jehová, Israel-dulemar-e-Rey, Israel-dulemar-Bendakmaidi, degi, Bela-Gangued-Nikadi, soged: “Ani an gebesailadid, anse bergunaibalid, Bab-Dummad-baidi sulid.

Isaías 44:8

¡Melle be gwayemar, gandik be imakmar! ¿Ar bato an bega sogsasursi? ¿Dikasurgus an be-owisossursi? Ar bemar an-barsogega gumalad. ¿Ar Bab-Dummad-baid maisi? Suli. ¿Bab-Dummad-baid bebina-sogedi maisi? Suli. Gwen Bab-Dummad-baid-gudii an dakdisulid.”

Isaías 57:15

Ar ade, ani an Bab-Dummad-degisadegu-maidid, an-nuga Isligwaledid, weyob an soged: Ani an niba-maid, neg-isligwaledgi an maid, degi, dulemar-bukib-binsadimaladgi, degi, gwage-eikwaa-imakmaladgi an burbar maibalid. Adi, dulemar-gwage-eikwaa-imakmaladga niga-ogannogegar, degi, dule-bukib-binsadimalad baisur-ito imakegar.

Isaías 6:3

Muchub-muchubbi, binnasuli sognanaid: “Bab-Jehová-Bela-Gangued-Nikadi, Bab-Jehová-Isligwaledid, Isligwaledid, Isligwaledid. Bela napneggi e-gangued-yeerdaklegedi neg-gasa naid.”

Jeremías 10:6

Ani Jeremías sogded: “Bab-Jehováʼye, dule beyobid sulid, bedi dule-dummadid, be-nuga gandiki gued.

Levítico 11:44

”Ani, an-bemar-Bab-Dummad-Jehová gued. Ar an dule-isligwaledsoggu, bemar gwage-swilidik imakmalo, deyobi, bemar gwage-swilidik gudimalo. Ibdurgan-unimakar-nanamalad-gunnedba, degi, ebugedba, mer be swilidiksuli gumalo.

Levítico 11:45

Ani an Bab-Jehová gued. Ani an Egipto-yargi bemar-onosad, adi, an be-Bab-Dummadga guegar. Degisoggu, bemar gwage-swilidik imakmala, ar an dule-islidikidid.

Levítico 19:2

“Bela Israel-dulemar-bukwadga be sunmako, ega be sogo: ‘Bemar gwage-swilidik-gudii gumalo, ar ande be-Bab-Dummad-Jehová gwage-swilidik gued.

Romanos 15:4

Ar ade, iduar Bab-Dummad-Gardagi ibmar-narmaklesmaladi, anmar-odurdakegala narmaklesad. Adi, anmar Bab-Dummad-Garda-wisidba, gwae-gwae-itosulidgi, degi, gwage-ogannolegedgi, degine, bensulidgi, ibmar-edarbedii gumalagar.

Romanos 4:8

Bab-Dummad, dulega e-isgudigusad bar insasuli gunonikile, egi-isgued-naid ega osulononikile, Bab-Dummad egi nued binsanonidaed.” Salmo 32:1-2

Deuteronomio 3:24

‘Bab-Dummad-Jehováʼye, emide, be-gangued be-maiga be oyoalid. Nibneggine, degine, napneggine, bab-dummad-baid beyobid sulid. Beyob ibmar-dummagan-imaked, degi, ibmar-dakledisurmalad-imaked sulid.

Deuteronomio 32:20

Agine, Bab-Dummad sogdesunnad: ‘We-dulemargi an banguoed, gi-na-gudmarsunnodibe. Ar wemar an-sogedba dasurmalad, dule-isganamalad, we-masmala geg-innikii nanamaladid.

Deuteronomio 32:39

”Ar emigindi, Israel-dulemar, be dakmardo. ‘Anbi unnila Bab-Dummad gued. Bab-Dummad-baid sated. Ani, an dulemar-odulogedid, ani, an dulemar-oburgwedid. Ani, an dulemar-naibisaedid, ani, an dulemar-nudakedid. Dule angi wakinnosur guoed.

Deuteronomio 32:4

Bab-Dummad akwasailayob anmar-odukued, bela ibmar-nueganbi imaked, ar ade, bela e-igarmala igar-innikimaladbiid. Bab-Dummad napiragwadid, egi ibmar-isgana naisulid. Bab-Dummad ibmar-napiragwadbi imaked, ibmar-innikigwadbi imaked.

Deuteronomio 4:35

”Bela we-ibmar-bemarga-oyolesadi bemar wisguegalad, Bab-Jehová, Bab-Dummad gued, degine, ayobid, Bab-Dummad-baid sated.

Deuteronomio 4:39

”Degisoggu, emi be durdakmar, nue ebinsamalo: Bab-Jehová, Bab-Dummad gued. Nibneggi Bab-Dummad gued. Napneggi Bab-Dummad gubalid. Bab-Jehováʼyobid Bab-Dummad-baid sated.

1 Pedro 1:16

Ar Bab-Dummad na E-Gardagi sognaid: “Gwage-swilidik be gumar, ar igi an gwage-isligwale, deyob be gumar.” Levítico 11:44-45