1 Samuel 2:1 - Kuna San Blas

¹ Ana weyob Bab-Jehováʼga namaksad: “Bab-Jehováʼgi weligwar an itoged, Bab-Jehováʼgi an-gangued an nikad. E-an-abonosadgi an yeer-itoged, an-isdarmaladgi an burgusunnad.

1 Samuel 2:1 Iomraidhean Croise

2 Crónicas 20:27

A-sorbali, bela Judá-dulemar, degi, Jerusalénʼginmalad, Josafat emar-idumai, weligwaledba Jerusalén-neggweburse gannar nonimalad. Ar ade, Bab-Jehová e-isdarmaladgi emar-bendaksad.

Nehemías 11:17

Micaía-machi-Matanías, a-dule-namaked-e-iduedid. Bab-Dummadse-goter, a-inse Bab-Dummad-nug ogannoddaed, degi, dog-nuedye Bab-Dummadga sogdedaed. Micaíaʼde, Zabdi-machid. Zabdiʼdi, Asaf-machid. Degi, Bacbuquías Matanías-sorbalidi, Jerusalénʼgi megismogad. Degi, Samúa-machi-Abda, Samúaʼde, Galal-machid. Galalʼdi, Jedutún-machid.

Job 16:15

”An-naibi-itodiid-oyogegala, an wile-itoged-mor-yonai gualid. Napayala an gudii gualid.

Salmo 118:14

Ar Bab-Jehová an-niga-gandikidga gued, an-namakedga gued. Ar Bab-Jehová an-abonogedid.

Salmo 13:5

Ar andi, be-sabgued-dummarba-nikadgi bensulid. Be-an-abonogedgi an weligwar itoged.

Salmo 148:14

Bab-Jehová, e-neggweburga gangued uksad. Israel-wagan-bela-Bab-Jehováʼba-nanadimalad, e-dulamar-walikagwadga-gubalid, Bab-Jehová-nug odummomar. ¡Aleluya! ¡Bab-Jehová-nug odummolesun!

Salmo 18:2

Bab-Jehováʼye, be an-akwasailaga gued. Be an-garganguedsoggu, an begi bensulid. Bab-Jehováʼye, be an-neggandikidid. Sigu-abgaedyob be an-idu bonigan-irwa gwisgued. Be-garganguedgi be an-bendaked. Bebi unnila bonigan-idu an-odukued-birigined maid. Bab-Jehováʼye, be an-ollor-imakedid. Bonigangi be an-ollor-imakdiid. Ar an bese gotele, an-isdarmaladgi-nakwega be an-imaked.

Salmo 20:5

Boni-dummagangi be obichale, anmar weligwar-itogedba oimakdemaloed. Anmar-Bab-Dummad-nuggi, olo-bander omemmermakdemaloed. Bab-Jehováʼse be ibmar-egichisadi, bela bega sogedba imakena gadin.

Salmo 21:2

Bab-Jehová, e-ulubgi ibmar-abediid ega be uksad. Ibmar-bese-egichisadi, mer an ega gwen ukodeeye be sogsasulid.

Salmo 35:9

Degidbali, Bab-Jehováʼgi an yeer itogoed, an e-abonogedgi weligwar itogoed.

Salmo 51:15

Bab-Dummadye, an be-nug odummogega, ibmar-biega be an-imake.

Salmo 71:8

Bab-Dummad, bali-bali an be-nug odummoged, be-ganguedgi, be-yeerdaklegedgi an sunmakdii osedoddaed.

Salmo 75:10

Ar Bab-Dummad, dule-isganamar-e-gangued bela obelogoed, dule-nued-e-gangueddi, ogannogoed.

Salmo 89:17

Ar be we-dulemar-e-gangued-e-yeerdakleged gued. Nued be anmargi-binsaedbali, be anmar-gangued ogannoged.

Salmo 89:18

Be, Bab-Jehová, be anmar-sigu-abgaedga gued. Be, Israel-dulemar-e-reyd, Gwage-Isligwaledid.

Salmo 89:24

An degisadegu David-sabgudii guoed. An-nuggine e-gangued dungumai guoed.

Salmo 9:14

adi, Jerusalén-neggwebur-dogedgi, dulemarga an be-nug-odummogega, degine, be an-bendakedgi an weligwar-itogegar.

Salmo 92:10

Bedi moli-bebe-nikad-ursilid-gangued-nikadyobi anga gargangued uked, gwallu-wawad-bur-nuedgi be an-nono wawamaksad.

Éxodo 15:1

Geb degidgine, Moisés, degi, Israel-dulemar we-namaked, Bab-Jehová-nug-ogannogega namakdemalad: “Bab-Jehová-nug-odummogega an namakoed, ar ibibayobi Bab-Jehová-emargi-nakwisad geger-daklege, deunni, molimar, degi, e-birgi-sigmalad, demargi ogundisgu.

Éxodo 15:21

María ega weyob namaknadapid: “Bab-Jehová-nug-odummogega namakmar. Molimar, degi, e-birgi-sigmalad demargi ogundisa. Ibibayobi, Bab-Jehová Egipto-dulemargi-nakwisad geger-daklege.”

Habacuc 3:1

Bab-Dummad-gayaburba-barsoged-Habacuc, Bab-Dummadse-goled. We-Bab-Dummadse-goledi, Sigionot-gar-goledba gorlegoed.

Habacuc 3:18

andi Bab-Jehováʼgi yeer itogoed, Bab-Dummad-an-abonogedgi, an weligwar itogoed.

Lucas 1:69

Bab-Dummadi, e-mai-David-wagwa anmarga barmialid. Bab-Dummadi, anmar-Abonoged-gandikid anmarga ogwisnonikid.

Romanos 5:11

Deginbali, amba webisulid. Anmar amba Bab-Dummadgi anmar-Dummad-Jesucristoʼbali weligwar itodimarbalid, ar ade, Jesucristoʼbali anmar Bab-Dummad-ebo igar nabosad.

Deuteronomio 33:17

Moli-bebe-nikad-machered-gebegwaluleged-yeerdaklegedyobi, we-José-wagande yeerdaklemogad. José-wagande, moli-búfaloʼye-nugad-e-bebeyob nikamogad. A-bebegine, bela neggweburmar-baigan ese ibitomaloed, amba dulemar nega-dikasur-bukmaladse-bakale, ese ibitomogoed. Wegiid-dulemar, Efraín-wagangi miliambeba (10,000) nodamaloed, degine, Manasés-wagangi miliba (1,000) nodamarmogoed.”

Filipenses 3:3

Ar anmardi burbar bur abgan-uka-duku-sikarmaladid. Ar ade, anmar Bab-Dummad-Burbaba Bab-Dummad-nug odummodimalad, ar anmar Cristo-Jesúsʼginbi san-dummarba itodimalad, ar anmar, abonolegega, dulemar-e-ibmar-imakedgi benmaladid.

Filipenses 4:4

Bab-Jesúsʼgi degisadegu be wergudii gumar. Gannar an bemarga sogbalid, be wergumarye.

Filipenses 4:6

Mer be surbinsa itomar. Aka bur be Bab-Dummadse gormar. Bela na be ibmar-abediid Bab-Dummadse egise, degi, dog-nuedye ega be sogmarbar.

1 Pedro 1:8

Ar we-Jesucristo-e-wagar be daksurmar-inigwele, amba be sabmalad, amba bemar egi bensurmalad. A-ular, bemar nue Jesucristoʼgi wergudimalad. We-werguedi geg gayagi sogleged, bela-bela nue-yeer itolegedid.

Apocalipsis 18:20

Emigindi, bemar nibneggi-bukmalad, ¡be wergumarsun! Jesucristoʼgi-akananaimalad, Bab-Jesús-e-sapingan-bur-dummagan, degi, Bab-Dummad-gayaburba-barsogmalad, ¡be wergumarmosun! Ar we-neggwebur sabsur-bemar-imaksadyob, Bab-Dummad we-neggwebur imaksamogad.”

1 Samuel 1:6

Ar Bab-Jehová Ana-mer-mimmi-nikuega-imaksadbali, e-isdarad-Penina, Ana-ourwega yamo egi dodoardaed.

1 Samuel 1:7

Ar birga-irba, Bab-Dummadse-goled-negse nadmalale, Penina degibi Ana-imakardaed. Penina Anaʼgi dodoardasoggu, Anaʼdi boardasunnad, bar mas-gunbidasulid.