1 Juan 2:8 - Kuna San Blas

⁸ Degi-inigwele, igar-binid an bemarse narmaksiid. Ar we-igar-napiragwad Cristoʼgi oyoleged, degine, bemargi we-igar napiragwad oyolemogad. Ar ade, negsichid bato bergumaid, gwallu-napiragwad bato mee ganaid.

Bab dummad Jesucristoba igar mesisad garda

⁸ Degi-inigwele, igar-binid an bese narmakmalad, ar Cristogi we-igar napiragwadid, degine, bemargi we-igar napiragwadmogad, ar ade neg-sichid bato bergumaid, gwallu-napiragwad bato mee ganaid.

1 Juan 2:8 Iomraidhean Croise

Salmo 27:1

Bab-Jehová anga burba-dulad ukedid, an-abonogedid. ¿An doa dobguosunna? Bab-Jehová an-gandikidga gued. ¿An doase gwayosunna?

Salmo 36:9

Ar beginbi, san-burba-geg-bergued danikid. Anmar unnila beginbi, san-burba-dula-gued amied.

Salmo 84:11

Bab-Jehová, dad-ibeleryob gued, sigu-abgaedyob gued. Bab-Dummad, anmar-nug dummarba imaked, anmarga gangued uked. Bab-Jehová, dule-galagwensuli-gudisurmaladga, e-ibmar-nikadi obinagwar uked.

Isaías 9:2

Dulemar-negsichidgi-gudigusmaladi, neg-meegwad daksamalad. Negsichidgi-bukwagusmaladga, neg mee gunonikid.

Malaquías 4:2

Ar bemar-an-dobee-nanadimaladgardi, dad-gaedyobi igar-innikigwad-imakleged nagunonikoed, degi, bemar-abonoleged-igar bemarga nonikoed. Bemar moli-bebe-nikad-sapingana-emisgwa-mas-guchadyob ichomakdemaloed.

Mateo 4:16

Dulemar-negsichidgi-gudigusmaladi, neg-meegwad daksamalad. Negsichidgi-bukwagusmaladga, neg mee gunonikid.” Isaías 9:1-2

Lucas 1:79

Adi, negsichidgi-bukmalayobid, Bab-Dummad-akudakmalad, gwallu-mee-imaklegeyobi, Bab-Dummad-magar dakegar. Degi, dule burgwileged-dobmalad ega osulogegar. Degine, igar-bogidikidba anmar-niegar.”

Juan 1:9

We-gwallu-meegwad we-napnegse-danikidi, napiragwadid. We-gwallu-meegwad bela dulemarga neg-mee imaked.

Juan 12:35

Geb degi, Jesús, abin-sogded: —Emigindi, ani gwallu-meegwadga ichesaar amba bemar-abargi an gudiid. Gwallu-meegwad amba bemar-abargi-gudiidgi eba be nanamar, adi, melle negsichid ukiarmakar begi nonimalagar. Ar dule negsichidgi-nadapile, wissurdaed, bia nadapi.

Juan 12:46

Ani, we-napnegse gwallu-meegwadga, an nonikid. Adi, bela-angi-bensurmalad, mer bar negsichidgi-gudii gumalagar.

Juan 13:34

”Igar-binid an bemarga ukmarsunnad. Na be muchub-muchub sabgumalo. Ar igi an be-sabgusmarmoga, deyob be muchub-muchub sabgumarmogo.

Juan 8:12

Gannar Jesús dulemarga sunmakdebargu, sogded: —Ani an we-napneg-naid-e-gwallu-meegwadid. Ar dule anba dagele, negsichidgi nanaosulid, gwallu-meegwad nikuoed.

Gusmalad 17:30

Epennedi, Bab-Dummad dulemar-ibmar-wissurgudigusad baisur-dakeyob gusad. Emigindi, bela dulemarga soged: ‘Be-isgudimaladga be bukib binsamarye, be-daed be ogwamarsunye.’

Gusmalad 26:18

Adi, amarga be ibya egaegar, mer negsichidgi bar garmakdii gumalagar, nabir bur gwallu-meegwadgi gudigumalagar, mer nia-saila-Satanás-ganguedba bar-nanamalagar, nabir Bab-Dummad-igarba nanamalagar. Amarse an be-barmid, angi mer bar bengumalagar. Geb degiir, e-isgudiid Bab-Dummad ega elioed, degi, nabir nibneggi angi-akasmaladba ibmar-nued nikumarmogoed.’ ”

Romanos 13:12

Neg-mutikid-bergudanikidyob, we-napneg bergudanimogad. Degine, neg-ibgued bato warmakdanikidyob Jesús-gannar-danikid bato warmakdanimogad. Degisoggu, negsichidgi-ibmar-imakleged anmar mimarsun. Sordamar-urwed-mor-yoedyobi, anmar neg-meegwadgi Bab-Jesús-Igargi nanamarsun.

2 Corintios 8:9

Ar anmar-Dummad-Jesucristo-nabir-dulemargi-binsaed bato bemar wismalad. Bemar-sabed-ular, na bela-ibmar-nika-inigwele, wilegedga na imaksad, adi, e-wilegedgine, bemar bela-ibmar-nika gumalagar.

Efesios 5:8

Ar epennedi, bemar negsichigi galagwensuli gudigusmalanad. Ar emigindi, bemar, Bab-Jesúsʼgi neg-meegwadgi gudimalad. Degisoggu, Bab-Dummad-mag-daked-dule na be san oyomar,

2 Timoteo 1:10

Bab-Dummad, anmarga anmar-Abonoged-Jesucristo-barmiargu, we-sabgued anmarga oyosad. A-Jesucristo burgwed-igar bisgenonikid, E-Gayaburba-Nuedba dulagudigued anmarga senonikid, degi, burba-geg-bergued anmarga uknonisunnad.

1 Pedro 1:21

A-ular, bemar Cristoʼba Bab-Dummadgi-bensuli gunonikid. We-Bab-Dummad Cristo-burgwisad gannar odulosad, degi, Cristo-nug odungunonikid. Adi, bemar Bab-Dummadgi-dulagudigued edarbedii gumalaga, degine, egi bensuli gumalagar.

1 Juan 3:23

We, Bab-Dummad-igalad: E-Machi-Jesucristo-nuggi anmar bensuli gumar, degine, anmar na muchub-muchub sabgumar. Ar igi Cristo anmarga bato sogsagusa, deyob be imakmalo.

1 Juan 4:11

Gwenadgan-sabesailamalad, ar Bab-Dummad weyob anmar-sabgussoggu, anmar na muchub-muchub sabguewilubmarmodo.

1 Juan 4:21

Ar Bab-Dummadi anmarga weyob igar-uksad: “Dule Bab-Dummad-sabele, e-gwenad sabgubaloye.”