1 Juan 2:16 - Kuna San Blas

¹⁶ Ar bela we-napneggi-ibmar-naid, anmar-san-ibmar-imakbied, ibmar-dakedba-ibmar-abeged, san-dummarba imaked. A-ibmarmala, Babgi danisulid, we-napneg-naidgi danikid.

Bab dummad Jesucristoba igar mesisad garda

¹⁶ Ar bela we-napneggi-ibmar-naid, anmar-san ibmar-imakbied, ibya-ibmar-daked-abeged, we-san-dula-gudiid dummarba na imaked, Babgi danisulid. We-danikidi, napneg-naidgi danikid.

1 Juan 2:16 Iomraidhean Croise

Génesis 3:6

Ome sapi-san-dakdegu, dakalid, sapi-san yeerdaklege, nued-gulle-daklege, degine, nue-ibmar-wisi sunna dule-imake daklege. Degisoggu, ome sapi-san-gwachagu, guchad. Geb ome e-suiga uksamogad. E-suide guchamogad.

Génesis 6:2

masmala-Bab-Dummadba-nanamalad dakalid, dulemar-yagan yeer daklemala. Degisoggu, masmala-Bab-Dummadba-nanamalad dulemar-yagana-ebo-nikuega na e-abegedba susdamalad.

Job 31:1

Job sogdebalid: “An weyob sogsanad: ‘An ome-gwensak-dakalile, bipisaale galagwensuli an egi binsaosurye.’

Salmo 73:6

We-dulemar, e-san-dummarba-imaked, wingwa-dukargi-naiyob ise-daklegaled. E-sabsur-dule-imaked, mor-yoeyobi ise-oyogar damalad.

Salmo 78:18

Israel-dulemar, yamo Bab-Dummad-wilubdakbi gusmalad, agala, e-abegedba Bab-Dummadse masgunned-egicha gusmalad.

Salmo 78:30

Ar undar-immerba-gudii gussurmalad, ar amba e-gaya-yaba mas-sigua,

Proverbios 27:20

Igi-neg-uan ollorgusisuli, degi, burgwed-igar galemaisuli, debayobi, dule ibmarbin-gadisogedi, napi-ibmar abedaed.

Proverbios 6:25

Melle ome-isgana-e-yeerdaklegedbina be sogo. Ome-isgana be-dakedgi, melle ese be-binsaed galego.

Daniel 4:30

weyob sogded: “¡Dakmala! An ibiyobi Babilonia-neggwebur dungu sobsa. An-garganguedba an yeerdakle sobsad, adi, an-nug dummarba guegar.”

Números 11:34

A-yargi dulemar-yaisur-ibmarbina-sogmalad-digsamaladba a-neg Kibrot-Hataavaʼye onugsasmalad.

Números 11:4

Israel-dulesurmalad Israel-dulemarba-apurusmaladi, unnila mas-gunnedginbi binsadimalad. We-dulemarba Israel-dulemar akadmarmogad. Geb binnasuli-bodmalad, sogdemalad: “¿Wede doa anmarga san-gunnega ukoe?

Mateo 4:8

Geb degi gannar nia-saila yar-matusulidse Jesús-sesbalid. Agi belagwable napa-naid, degi, e-gangumalad ese oyosgu,

Mateo 5:28

”Ar andi an soged: Ar dule-wargwen e-ulubgi sunnasur ome-wargwengi binsasale, bato we-dule na abirgunagwarsuli negsichigi omegi yolesdo.

Lucas 4:5

Geb degi, nia-saila yar-matusulidse Jesús-sesad. Agi belagwable-napneg-naid-ugakse ega ukiagwar ilagwen-oyoar imaksad.

Romanos 13:14

Bur be Bab-Jesucristoʼga na be san-uksadba nanamar, adi, Bab-Jesucristo-daedba nanaegar. Deginbali, melle be ibmar-isgana-imakbiedba be nanamar.

1 Corintios 10:6

We-ibmarmar-gusadi, anmar-odurdakega deyob gusad, adi, anmar mer anmar-dadgan ibmar-isganabina-sogsamaladyob ibmar-isganabina sogegar.

Gálatas 5:17

Ar ade, anmar-san-ibmar-sabied Bab-Burbagi gwisgunonidaed. Degi, Bab-Burba anmar-san-ibmar-sabiedgi gwisgunonidamogad. Degisoggu, na muchub-muchub egi gwisgumardo, adi, bemar na be-ibmar-sabiedi, melle imakmalagar.

Gálatas 5:24

Ar dule-Cristoʼgadid, na e-sanginbi-binsaedi, degi, galagwensuli-ibmar-isganabina-itogedi bar sedisulid, ar bato nakrusgi we-ibmar bioksad.

Efesios 2:3

Iduar anmar belagwapa, we-dulemaryob gudii gusmogad. Anmar san-isguedbina-sogedba nanadii gusad. Anmar e-itolegedba-ibmar-imakbiedba nanadii gusad. Degine, anmar anmar-binsaedba ibmar-imakdii gusad. Degisoggu, gusgu-anmar-daedba, baigan-Bab-Dummad-wissurmaladyob, anmar Bab-Dummadse sabsur-odurdaklemogoenad.

Tito 2:12

Bab-Dummad nabir-anmargi-binsaedba we-igarmargi anmar-odurdaknonikid: Bab-Dummadgi-binsasuli-nanaed-obaned, ibmar-isganagi-binsaed-obaned. Adi, weyobi anmar we-napneg-naidgi nue-binsaed-nikaa nanaegar, ibmar-innikigwadbi-imakdii guegar, nue-Bab-Dummad-dobee-nanadii guegar.

Tito 3:3

Ar anmar epenne deyob binsaedsuli-gudii gusmogad, Bab-Dummadba ibmar-imaksuli-gudii gusmogad. Weyob anmar gudii gusad: Yardakles-gudii, ibmar-isgana-maiga-gudii, ibmar-isganagi-wergudii, ibmar-isganagi-binsadii, nobgudii, dulemarse-isdar-dakledii, degine, muchub-muchub-na-isdar-dakdii, anmar gusmalad.

Santiago 3:15

Ar weyob daedi, binsaed-nikaguedsulid, Bab-Dummadgi danisulid. Ar wegiid-binsaedi, napnegginedid, dulegi danikidid, degi, niagi danibalid.

Santiago 4:16

Ar emidi, bur bemar san-dummarba-itogedba sunmakdimalad. Bela weyob na san-dummarba-imaked nuedsulid, isganad.

Josué 7:21

Ibmarmar-abargi Babilonia-yargi-mor-dummad-yeerdakleged-soblesad bukwa, an daksad. Deginbali, mani-sibu-dulatar-ilabo-aidikue (200), degi, or-suitigwad nibirgwen-negabar-aidikue an daksabalid. A-ibmarmarbina an bela-bela soge itoalid, degi, an susad. Geb an, a-ibmarmar an-dordoneg-negabargi an yaa-gwichadgi odukusad. Mani amar-urba bukwamogad.

1 Pedro 1:14

Bemar Bab-Dummad-mimmigan uaya-nikaa-damaladsoggu, mer epenne igar-napiragwad-wissuli-gudigusmaladyob gannar be damalo. Deun, bemar na ibmar-abegedba, na be-itolegedba gudii gusmalad.

1 Pedro 2:11

Gwenadgan-sabesarmalad, an bemargi wilemar, we-napneg bemar-negsursoggu, we-napneggi be sikwas gudimarsoggu, mer be-san-ibmar-isganabina-soged be imakmar. Ar we-ibmar-isgana anmar-burba-nued-ebo urwenaid.

2 Pedro 2:10

Dulemar-we-napneggi-san-isgumaladba-nanadimalad, galagwensulidamalad, Bab-Dummad-e-iduedga-imakbisurmalad, amar bur bule sabsur-odurdaklemaloed. Amar yogasaar gotebin damalad, degine, dobsuli burbar-dummagan-gandikmaladgi galagwensuli-sunmakmalad-dulemalad.

2 Pedro 2:18

Ar ade, dule-odurdakmalad-napiragwadsulid na bule-bule-sunmakedgine ibmar-nued-soged satemalad, binsa ee sunmakdimalad. Galagwensuli-daedgine, degi, ibmar-galagwensulidbina-sogmaladgine, dulemar-gebe-ibmar-isganagi-wakicha-gudimalanad-e-binsaed gadimalad.