1 Juan 2:13 - Kuna San Blas

¹³ Babgan, bemar Cristo-gebesailad-mag-daksamalad-ular, an bemarse garda narmakmalad. Sapingana, bemar nia-saila-birgi-nakwismalad-ular, an bemarse garda narmakmalad. Mimmigan, bemar Bab-Dummad Babga-gumaid-mag-daknonigusmalad-ular, an bemarse garda narmakmalad.

Bab dummad Jesucristoba igar mesisad garda

¹³ Babgan, bemar Cristo-gebesailad-mag-daksamalad-ular, an bemarse garda narmakmalad. Sapingana, bemar nia-saila-birgi nakwismalad-ular, an bemarse garda narmakmalad. Mimmigan, bemar Bab Dummad, Babga gumaid, a mag-daknoni-gusmalad-ular, an bemarse garda narmakmalad.

1 Juan 2:13 Iomraidhean Croise

Salmo 148:12

Sapingana, yagana, Bab-Jehová-nug odummomar. Dadormar, mimmigan, Bab-Jehová-nug odummomar.

Salmo 90:2

Bab-Jehová, amba yoo yarmar be urbegua, amba yoo napa be obinyegua, amba yoo napneg be obinyegua, degisadegu dikasurgus, emi-ibadse, bato bedi Bab-Dummad gued.

Salmo 91:14

Bab-Dummad soged: “Ar an-sabsoggu, ani an ollor-imakoed, ar magar-an-daksoggu, bonigangi an bendakoed.

Proverbios 20:29

Sapingan-e-werguedi, e-garganguedgi siid. Sergan-e-werguedi, e-ibmar-wisidgi simogad.

Joel 2:28

Bab-Jehová sogdebalid: “We-ibmar-gusad-sorbali, An-Burba bela-dulemargi an odenonikoed. Be-masmala, degi, be-bunamala, an-gayaburbagi sunmakdemaloed. Selebagusmalad gabdakdemaloed, sapingana negburgan dakdemaloed.

Zacarías 9:17

Ibiyobi bela we-ibmarmar, doggus-nued daklenonikoe. Ibmar-gwag-gulleged sapingan-ogannogoed. Vino-ochigwad, weligwar bunamala-imaknonikoed.

Mateo 11:27

Jesús sogdebalid: “An-Bab anga bela ibmarmar uksad. Dulemar-wargwensaar Bab-Dummad-Machi-mag-daked satemalad, unnila Babbi mag daked. Degi, dulemar Bab-akudakmarbalid, unnila E-Machibi mag Bab-daked. Ar doaga E-Machi na e-Bab-osanalobie, agarbi na osanaloged.

Mateo 13:19

Ar dule-wargwen Bab-Dummad-gayaburba-itosad aku-itodibe, nia-saila nonikogua, a-dule-gwagegi gayaburba-nued-diglesad ei ungenonikoed. Ar we sogleged, we ibmar-gwag igargi diglesadye.

Mateo 13:38

Nainu-obaredi, we-napneg gued. Ibmar-gwag-nuedi, we Bab-Dummad-e-negdakmaid-e-mimmigan gued. Gagan-isganadi, we nia-saila-e-mimmigan gued.

Mateo 5:37

”Ar unnila be soge, eyeye, an imakoye. Be sogodibe, an imakosurye. Ar weyob-sogsadgi bur bule be obulosale, adi, niagi danidaed.”

Lucas 10:22

Jesús sogdebar: “Bela-ibmarmar an-Bab anga uksad. Dulemar wargwensaar Bab-Dummad-Machi-mag-daked satemalad, unnila Bab-Dummadbi mag daked, degi, Bab-Dummad-akudakmarbalid. Unnila E-Machibi mag Bab-daked, ar doaga E-Machi na e-Bab-osanalobie, agarbi na osanaloged.”

Juan 14:7

Ar magar be an-dakmalana, an doa-dule, ar be an-Bab magar dakmarmoganad. Ar emigindi, bato bemar mag an-Bab-dakmalad, ar ade, bemar bato an-Bab-daksamalad.

Juan 14:9

Jesús, abin-sogded: —Felipe, an bemar-abargi dikasurgus an gudiidde, ¿amba be aku an-dakde? Ar dule an-daksale, a-dule bato an-Bab-daksado. ¿Ibiga be anse egise, Bab be anga oyoye?

Juan 16:3

We-dulemar Bab-wissulidba, degine, aku an-dakedba, deyob be-imakmaloed.

Juan 16:33

”An we-ibmar an bega sogsamalad, adi, bemar angi ulubgi-bogidik-itoleged nikumalagar. We-napneggi be naibi-itodii gumaloed, degi-inigwele, gandik be imakmalo, mer be bengumalo. Ar an burba-isganamar-we-napneg-semamaidgi bato an nakwisad.”

Juan 17:21

Adi, bela-angi-bengussurmalad unnila wargwennayob guegar. Baba, ar igi be angi gudii, degi, an begi gudimoga, deyobi, angi-benguosurmalad anmarba wargwenna-gudiguega be imakmo, adi, dulemar-we-napneggi-bukwad be-an-barmialid mer bengumalagar.

Juan 17:3

Burba-geg-berguedi wedid: Dule magar be-daked, bebi unnila Bab-Dummad-sunsoged-wargwenadi. Deginbali, Jesucristo-magar-dakmarbalid. Ar bee be, Jesucristo-barmialidid.

Juan 8:19

Geb degi, Jesúsʼga sogdemarsun: —¿Bia be-babde maisunna? Jesús, dulemar-abin sogded: —Ar be aku an-dakmalad, degine, be aku an-Bab-dakmarbalid. Ar be mag an-dakmalana, be an-Bab-mag-dakmarmogoenad.

2 Corintios 4:6

Ar Bab-Dummad sogsad: “Negsichidgi gwallu-mee gasun.” Génesis 1:3 A-Bab-Dummad anmar-gwagegi ibmar-magar-itoge anmar-imaknonikid, adi, Bab-Dummad-e-yeerdakleged Jesucristoʼbali anmar wisgumalagar.

1 Timoteo 5:1

Mer serganga be sabsur-urwedgi ibmar sogo. Ega be ibmar-sogbiele, be-babyob-be-dakedgi be nuedgi unao. Degine, sapingana be-gargwenadyobi be dako.

Tito 2:6

Deginbali, sapingana be weyob unabalo: Nue-binsaed-nikaa damaloye.

1 Juan 1:1

Gebe-negasailaunni, Gayaburba-Nued, Gayaburba-Dulad bato gudiid. A-Gayaburba-Nued anmar itosad, anmar-sunnad anmar-ibyanugi daksad. Ar anmar-sunnad ise-dakarmalad, an-argangi an ebusmalad.

1 Juan 2:1

Mimmigan, melle bemar isgumalaga, we-ibmarmar an bese narmakmalad. Ar dule-wargwen isgusardi, insao, Bab-asabin anmar-irwa-sunmakega anmar-arsoged-wargwen an nikmalad. We-dule, Jesucristoʼdo, innikii-ibmar-saed-duled.

1 Juan 2:12

Mimmigan, bemar-isgued, Jesucristo-nuggi bemarga elilesad-ular, an bemarse garda narmakmalad.

1 Juan 2:14

Babgan, bemar Cristo-gebesailad-mag-daksamalad-ular, an bemarse garda narmakmalad. Sapingana, bemar dutusurmalad-ular, Bab-Dummad-Gayaburba bemargi-naid-ular, degi, nia-saila-birgi-nakwismalad-ular, an bemarse garda narmakmalad.

1 Juan 3:12

Melle Caínʼyobi gumalo. Ar Caín nia-saila-sordasoggu, a-ular, na e-urba-oburgwisad. ¿Ibiga e-urba-oburgwis be insae? Ar ade, ibmar-isgana imaksad. E-urbadi, ibmar-inniki-imaksasoggu, egi nobedba e-urba-oburgwissunnad.

1 Juan 4:4

Mimmigan-sabesailamalad, bemar Bab-Dummadgad gumalad. Bemar we-dule-gakansamaladgi be obichamalad. Ar Bab-Burba-bemargi-maid bur we-napneggined-burbaba bur dummad.

1 Juan 5:18

Anmar wisid, dule Bab-Dummadgi gwalulesale, geg isguedgi yeer-itodii gued. Ar ade, Bab-Dummad-Machi we-dule-edarbedidaed. Degisoggu, nia-saila geg ebusunnad.

1 Juan 5:20

Ar anmar wisbardo, Bab-Dummad-Machi we-napnegse nonikid. A Bab-Dummad-napiragwad-maid magar-ito anmar-imaknonikid. Degisoggu, anmar E-Machi-Jesucristoʼgi, dule-napiragwadba gudisunnad. Ar we-Jesucristo Bab-Dummad-napiragwadid, degi, san-burba-geg-bergued-sunnadbalid.

Apocalipsis 12:11

Ar anmar-gwenadgan, Sibad-Wawaad-Mimmi-ablisba nia-sailagi obichamalad. Gayaburba-napiragwadgi-sunmakdigusmaladgi nia-sailagi obichamarbalid. Ar anmar-gwenadgan naibi-itoged bai gwen itossurmalad. Ar burgweye-soger, guagwar gudigusmalad.

Apocalipsis 2:7

” ’Ar dule magar-itogele, Bab-Burba-Isligwaled anba-nanaimaladga-soged nue itogo. Dule-ibmar-isgana-birgi-nakwismaladga sapi-durba dula-dule-saed-gunnega an imakoed. We-sapi, Bab-Dummad-nainu-nued-abargi gwichid.’ ”