1 Juan 1:8 - Kuna San Blas

⁸ Anmar sogdibe an isgudisurye, an na dukin yardakdimardo, napira gwen an sogdisurmardo.

Bab dummad Jesucristoba igar mesisad garda

⁸ Anmar sog-dibe an iskudisurye, an na dukin anmar-yardakdido, anmargi igar-napiragwad gwen naisurdo.

1 Juan 1:8 Iomraidhean Croise

1 Reyes 8:46

”Ar dule we-napneggi begi noedbisoggu, Israel-dulemar begi yolenonimalale, geb egi be gwisgunonikoed, degidba be e-isdarmaladga urmakoed, yar-baid-dikasulidse seledmaloed, sulile, yar-baid-walikagwadse seledmaloed.

2 Reyes 20:15

Geb gannar Isaías, Ezequíasʼga sogded: —¿Ibumar be-negyagi daksamala? Ezequías abin-sogded: —Bela an-neg-yagi-ibmar-bukwad daksamalad. An-ibmar-saboleged-neggi ibmar-soggwensaar-daksasuli gussulid. Bela daksamalad.

2 Crónicas 6:36

”Ar be-dulamar begi-nosmalale, ar ade dule geg begi nosurye-soglesulid bela begi noedbimalad. Begi-isgusadba be sae anmar-dakdele, anmar-isdarmaladga be anmar-urmakdele, adi, anmar-isdarmalad neggwebur-baidsik dikasuli, igi, itakagwadsedibe anmar-sedmaloed.

Job 14:4

Degite, ¿ar doa ibmar-nued, ibmar-isganagi onogoe? Gege dule deyob imaked.

Job 15:14

”¿Igi-dule na ibmar-oakalodisurye sogosunna? ¿Doa nodisurye sogosunna?

Job 25:4

¿Sunna dule ibmar-oakalossuliyob Bab-Dummad-asabinni gwisgusi? ¿Sunna dule Bab-Dummad-asabinni islidikidga na san-imaksi?

Job 9:2

“An nue-wisimakar-inigwele, we nue-napiragwa, degite, ¿igi dule Bab-Dummad-asabin isgussuliyob na san-oyogosunna? Gege dule na deyob san-oyoged.

Salmo 143:2

Dummad, mer be anga igar-itoge. Ar be-asabindi, dule-wargwensaale na nuedye sogosulid.

Proverbios 20:9

Dule geg soged: “Andi gwage swilidik-nikaye, andi isgued sateye.”

Eclesiastés 7:20

Dule, bela-belad-innikidaedi, bela-belad-ibmar-nued-imakdibalidi, gwen bipisaale isgudisurbalidi, we-napneggine, sated.

Isaías 53:6

Anmar bela sibad-wawaad-yoggusgudidaedyobi, yoggus gudimalanad. Na wala-walagwen e-itolegedba gudidimalanad. Degi-inigwele, Bab-Jehová bela e-maigi anmar-isgued nasiksad.

Isaías 64:6

Ar anmarde bela ibmar-isganayob gumalad. Bela anmar-igar-inniki-imakedi, siamar-yokor-bisgemalad-e-mor-ebusadyob gued. Bela anmar gagan-dinguedyob gumalad. Anmar-isguedi, burwayobi anmar-oseleged.

Jeremías 2:35

Degite, amba be sogmalad: ‘Anmar ibmar-oakalossurye, Bab-Dummad anmarse urwosurye.’ Ar be ibmar-oakalossurmarye-sogmarsoggu, an bemargi gwisguoed.

Levítico 13:12

”Ar dule-irwa-anse-goled dule-uka bela nonose-bakale, nagadukuse-nasgumai dakele,

Juan 8:44

Ar nia-saila bemar-babad, degine, be-bab-ibmar-abegedba be damalad. Ar gusgu, gebesailaunni nia-saila dule-gindakedid, degine, igar-napiragwadgi bangusad, ar igar-napiragwad nia-sailagi naisulid. Ar nia-saila gakansaar sunmakdele, gusgu na e-daedba sunmakdedaed. Ar ade, gusgu gakansaerbad, degine, dulemar-gakansaed-e-babad.

Romanos 3:10

Ar Bab-Dummad-Gardagi sognaid: “Dule-gwage-nued, wargwensaar sated.

Romanos 3:23

Ar dulemar belagwapa isgusadbisoggu, Bab-Dummad-e-gangued-yeerdaklegedgi bangus gudimalad. A-ulale, geg Bab-Dummad-walikaa gumarsunnad.

1 Corintios 3:18

Mer na be dukin yardakmar. Ar bemar-abargi dule-wargwen we-napneggi-binsaedba binsaed-ibedye-sogdiile, binsaedsulidyob na imakergebed, adi, binsaed-ibedga guegar.

Gálatas 6:3

Ar dule-wargwen-nug-dummadsulid na dummarba binsa san-imakdiir, we-dule dukin na yardakdido.

1 Timoteo 6:5

Deginbali, na abin-abin-sunmaklegedi, dulemar-galagwensuli-binsaed-igalad. Degine, ibmar-napiragwad gwen wissurmalad. Ar unnila binsamalad, Bab-Igarba-nagued dule-mani-ibed-imakye.

2 Timoteo 3:13

Dule-isganamardi, dulemar-yardakdimaladdi, aka bur bule isgumai gudoed. Dulemar-yardakdii, degine, na dukin yardakledii gudmaloed.

Santiago 1:22

Bab-Dummad-Gayaburba-itogedginbi mer be yeer-itomar, bur eba be ibmar-imakmar. Ar degisulile, na be dukin yardakdimardo.

Santiago 1:26

Ar dule-wargwen Bab-Dummad-igarba nue-nanadiiye binsaele, degi-inigwele, na wissur gwabin bargaele, na dukin yardakdiid. Bab-igar-wisye-sogdiid, binsa gordido.

Santiago 3:2

Anmar belagwapa noedbimalad. Ar dule-wargwen na e-sunmakedgi nodisulile, a-duledi, dule-innikigwaddo. Deginbali, sunna na bela e-daed bargabalid.

2 Pedro 2:13

Ibmar-galagwensuli-imaksadba na dukin wilemaloed. Ar ade, isguedgi bane-bane yeer-wergudii na abemalad. Wemar, bemar-abargi mas gunnarmalar, yosgudamaladba, neg-gagadamaladba, binge-dakledamalad, bemar-oichononimaloed.

1 Juan 1:10

Ar anmar sogdibe, anmar isgudisurmarye, anmar dule-gakansiliga Bab-Dummad-imaknaid. Degisoggu, e-gayaburba anmargi gwen naisulid.

1 Juan 1:6

Anmar Bab-Dummadgi-akanaiye an sogmalale, degite, negsichidgi an nanadimarbalile, an gakansadimardo, igar-napiragwadba an nanadisurmardo.

1 Juan 2:4

Ar dule-wargwen sogele: “Bab-Dummad an wisye,” ar degite, Bab-Dummad-Igargan-Mamaidba dasulile, we-dule binsa-gordido, napiragwadgi sogdisurdo.

1 Juan 4:20

Ar dule-wargwen sogdibe, an Bab-Dummad-sabye, degite, e-gwenad-sae-dakele, we-dule binsa gakansadido. Ar dule e-gwenad-dakdiguad sabsulile, ¿igi Bab-Dummad-sabguosunna? Ar adi-daksulid, geg sabgudo.

2 Juan 1:2

Anmargi igar-napiragwad-naid-ular, an be-sabmalad, degi, we-igar-napiragwad anmarba degisadeguoed.

3 Juan 1:3

Ibibayobi weligwar an itosa, gwenadgan-nonikid anga sognonigu, be innikigwadba gudiiye, degi, igar-napiragwadgi nue-nanadibarye.