1 Juan 1:4 - Kuna San Blas

⁴ Bemar weligwar-itogedgi nue-wergumalaga we-igargan anmar bemarse narmaked.

Bab dummad Jesucristoba igar mesisad garda

⁴ We-igargan anmar bemarse narmaked, adi bemar weligwar-itogedgi nue-wergumalagar.

1 Juan 1:4 Iomraidhean Croise

Isaías 61:10

“Bab-Jehováʼgi an bela-bela yeer itoged, an-Bab-Dummadgi an weligwar itoged. Ar ade, abonoleged-mormar anga yosad, degi, igar-innikigwad-imaked-morgi an-edusad. Machered ome-nikunair, igi ibmar-yeerdakleged bebegi-yoidae, deyobi an gued. Ome sui-nikunair, igi ormar-nasikdae, deyobi an gued.

Juan 15:11

”We-ibmar an bega sogsamalad, adi, an-weligwaled-itogedyob bemar wergumarmogagar. Degi, bemar nue-bela-bela weligwar itomalagar.

Juan 16:24

Ar emidsega, bipisaale amba yoo be an-nuggi Babse ibmar egismalad. Babse be ibmar egismar, Bab bega ibmar ukoed, adi, bemar nue-weligwar itomalagar.”

Juan 3:29

”Ar ome-nikulenaid-ibagi, dule-ome-nikunaidbi ome-nikuoed. Ar machered-e-aidi, e-dikarba-gwichid, unnila sui-e-sunmaked-itogwichid. Weligwar sui-ibmar-soggwichid itogwichid. Emigindi, an dule-ome-nikunaid-e-aiyobmogad. An nue-weligwar itomogad.

2 Corintios 1:24

Anmar bemar-Bab-Jesúsʼgi-bensulid-e-ibedsulid. Anmar bemar-bendakbimalad, adi, bemar yeer itomalagar. Ar bemar bato Bab-Jesúsʼgi nue-bensuli gudimalad.

Efesios 3:19

Deginbali, Cristo-sabgued-dule-geg-bela-wisguedi, a bemar magar-itogemarsun, adi, Bab-Dummad bela-bela bemargi gudii guegar.

1 Juan 2:1

Mimmigan, melle bemar isgumalaga, we-ibmarmar an bese narmakmalad. Ar dule-wargwen isgusardi, insao, Bab-asabin anmar-irwa-sunmakega anmar-arsoged-wargwen an nikmalad. We-dule, Jesucristoʼdo, innikii-ibmar-saed-duled.

2 Juan 1:12

Amba an ibmar-bukidar bemarga narmaked nikanad, degi-inigwele, an yapa gardagindi bemarga an soged. Ar an bemarse ataknadapo an insado, agi, an-sunnad an bemarga ibmar-sogmaloed. Deyobi, anmar weligwar itomaloed.