Mateo 9:1 - Nacom Pejume Diwesi po diwesi pena jume diwesi xua Jesucristo yabara tinatsi

¹ Nexata Jesús jeratha nontabiya. Jeratha pona icha muxunene beya xua pucua epataʉta iya. Jesús pia tomara beya patopa, barapo tomara icha muxunenetha eca.

Mateo 9:1 Iomraidhean Croise

Mateo 4:13

Ichitha Jesús jopa ecaeyo Nazaret tomaratha, jame saya pona Capernaum tomara beya xua baxotiya pepoponaenexa. Barapo tomara eca, Galilea pucua itapatha ichaxota ainya nacuabe nacaquita ecabe po nacuiyo pewʉn Zabulón nacuiyo, yawa po nacuiyo irʉ pewʉn Neftalí nacuiyo.

Mateo 7:6

“Jopa patsipaebinde Nacom Pejume Diwesi pomonae anaya paca aeba, xuano anaya aeba Nacom Pejume Diwesi pomonae jopa pejume cowʉntsiwi Nacom. Tsipei barapomonae peajʉntʉcoyenebe jiwi bichocono. Barapomonae bara abe exana be barapocotsi jʉta coyeneya ichiya exana icha be auri ichi xua poxonae anaepanaya nawano webaba pocotsiwa pacatame. Mataʉtano barapomonae bara abe exana be barapocotsi jʉta coyeneya ichiya exana icha be marrano ichi, xua poxonae petaxutha taxunaunaba xua irainyaba po pexaewa paapatame”, jei Jesús.

Mateo 8:18

Poxonae Jesús tane xua pin bicheitomonae nacaetuta bapontha, bapoxonae bapon pijimonae itoroba xua icha muxunene beya peponaenexa tsane xua pucua epataʉta iya.

Mateo 8:23

Nexata Jesús jeratha nontabiya. Jesús pijimonae barʉ pona jeratha.

Marcos 5:21

Poxonae Jesús caibeya pona jeratha icha muxunene beya pucua iya, bapoxonae pin bicheito Jesús pia xantha tapatatsi pitapatha.

Lucas 8:37

Poxonae daxita barapo Gerasa nacuapiwi jume tane baxua, daxita barapomonae Jesús itawetatsi xua pewarapaenexa bara weya xua Gerasa nacua weya, poxoru barapomonae junuwa bichocono. Daxota Jesús jeratha nontabiya bara warapano.

Lucas 8:40

Poxonae Jesús caibe patoparena Galilea nacua berena, jiwi Jesús matenta weiweinaya wabatsi, tsipei daxita barapomonae Jesús ewatatsi.

Apocalipsis 22:11

Poxonae cataunxuae Nacom jopa wetsiyo, pon xua abe peexanaein, bʉ moya bara abe exana ducuanaebiya. Irʉ pon xua nanthʉ coyene xeina peacuirucoyenebewan, bʉ moya bara baxuan nanta xeina ducuanaebiyaena. Ichitha pon wʉnae exana Nacom nexa, bʉ moya exana ducuanaebiya. Pon xua Nacom petsita naexanaewatsi xua penthʉthʉ xeicaein penaexanaewa, bʉ moya bara Nacom jume cowʉnta ducuanaebiyatsi”, nejei.