Mateo 5:2 - Nacom Pejume Diwesi po diwesi pena jume diwesi xua Jesucristo yabara tinatsi

² Jesús tamropata pitaba xua diwesi cuiduba barapo pin bicheitomonae.

Mateo 5:2 Iomraidhean Croise

Mateo 13:35

Bara barapo coyeneintha Jesús cueicueijei xua penayabara jume wetsinexa xua bayatha pon Nacom peitorobi jume pepaebin pecui yabara wʉnae tsiwʉnaeya paebixae, xua jeye: “Jiwitha tsipaebin pecayabara jʉta pepaebi diwesintha. Mataʉtano muxuna yabara tsipaebin pocotsiwa moya yawʉn xeina xua jiwi jopa peyaputaewa, po coyene caena bayatha moya yawʉn xeina xua poxonae aena Nacom forota po cae pin nacuathe xua pocotsiwa beya anoxuae tsoponae”, jei bapon xua saya Jesús tapaebatsi.

Mateo 5:1

Poxonae Jesús tane barapo pin bicheitomonae, bapoxonae Jesús pona demxuwatheicha. Mataʉtano Jesús baxoteicha eca. Bapoxonae Jesús pijimonae matawacaicha nacaetutarʉcʉpatsi pomonae pia pepuna ponaewichi.

Hechos 10:34

Pedro barapomonaetha namchi, jeye: —Anoxuae yaputan xua Nacom jopa cana exanaeyo jiwi xua ichʉn ainya cui xua beyacaincha ichʉn. Nacom daxita jiwi tsita najʉpatsi.

Hechos 18:14

Pablo bara muxu pepaebi, irʉ Galión paebaxoyarʉ. Nexata barapon namchi judiomonae baraichi, jeye: —Ʉ judiomonae pam. Painya xoba pana tsipaebame. Jame icha bapon caiba, icha jiton bexotsi, icha ichawiyo exana xua abe, metha jame bapoxonae paca jume jejei tsipaetsi. Ichitha bapon jopa abe exanaeyo.

Hechos 8:35

Felipe yaputane exana Etiopía nacuapin po diwesi xua Isaías tina Jesús jume yabara. Bapoxonae nama paeba po coyene Jesús pia pexeinya jume diwesi tatsi.

Efesios 6:19

Barichi painta wʉcare Nacomtha xua bapon tanecatsinexa po jume diwesitha xua tacueicueijeinexa. Mataʉtano painta wʉcare xua tana neitacʉpaewa xua cui tsacatsacapiya tacueicueijeinexa, xua jiwi yabara yaputane taexanaenexa pocotsiwa xua Nacom moya yawʉn xeina po coyene yabara xua Nacom capanepa exana pomonae jopa judiomonae naexanaeyo.