Lucas 4:4 - Nacom Pejume Diwesi po diwesi pena jume diwesi xua Jesucristo yabara tinatsi

⁴ Jesús jume nota. Caurimonae pia pentacaponaein tatsi jume notatsi, jeye: —Nacom Pejume Diwesitha namchi: ‘Jopa metha bepa meisa jiwi betiya una jinompaetsipae pan’, jei Nacom Pejume Diwesi, jei Jesús.

Lucas 4:4 Iomraidhean Croise

Mateo 4:4

Ichitha Jesús jume nota: —Nacom Pejume Diwesitha namchi: ‘Jopa metha bepa meisa jiwi betiya una jinompaetsipae pan. Bara irʉ yawano Nacom Pejume Diwesi jiwi betiya yajʉntʉ cui coyeneya jʉntemiya jinompa’, jei Nacom Pejume Diwesitha, jei Jesús.

Mateo 6:31

Jopa paʉnthʉthʉ deideijeya jinompaeinde xua ichawa painya neyabara nanta xeinaexae. Jopa pajan tsaibinde: ‘¿Eta xua xaeinchi jane? ¿Eta xua apaeinchi jane? ¿Eta xua nama xatabinchi jane?’ jopa pajan tsaibinde.

Lucas 22:35

Nexata Jesús pijimonae yainyaba, jeye: —Poxonae bayatha paca itorobatsi paca jeichi: ‘Jopa paratixi doro pacaponaeinde, jopa cote pacaponaeinde, jopa panataxu xatabinde xua penataxu xatabiwa’, jan. ¿Eta xoyo pacata seica xua xoyo pacobena poname? jei Jesús. Barapomonae Jesús jume notatsi, jeye: —Ajibi, bara paxeinan pocotsiwa panantawenonan, jei.

Lucas 4:10

Nacom Pejume Diwesitha namchi, jeye: ‘Nacom itorobina pia matatsunpiwi necayanabinexa.

Lucas 4:3

Caurimonae pia pentacaponaein tatsi, Jesús baraichi, jeichichi: —Icha xam yatsicaya Nacom Pexantom, netsita itʉre. Barapo iboto itorobare xain pan naexanaxoya, jei caurimonae pia pentacaponaein tatsi.

Lucas 4:8

Ichitha Jesús jume nota, jeye: —Yaitama Nacom Pejume Diwesitha namchi, jeye: ‘Meisa wʉnae jainde jinya Necanamataxeinaein Nacom. Meisa bapon yatsicaewa taexande pocotsiwa caitoroba’, jei Nacom Pejume Diwesitha, jei Jesús.

Efesios 6:17

Pacopare xua bara Nacom paca capanenebiyaena painya paca jʉntʉ coyene araranaenexa caurimonae pecuiyainwa. Barapocotsi jʉta coyeneya bara paichinde icha be soldadomonae ichi xua penain yoreitha nanta acaba. Nacom Pejume Diwesi painya jʉntʉ coyenetha paxeinare xua po jume Nacom pia Pejumope tʉnaxʉ tatsi paca cata xua po jumetha painya nenayaewatsinexa painya nepaca caaitafaetabi jiwi pecuiyainwa. Barapocotsi jʉta coyeneya bara paichinde icha be soldadomonae ichi xua capona cusi penayaewatsinexa pia peaitafaetabi jiwichi pecuiyainwa.