Lucas 23:22 - Nacom Pejume Diwesi po diwesi pena jume diwesi xua Jesucristo yabara tinatsi

²² Equeicha Pilato tsipaeba barapo bicheito, jeye: —¿Eta pocotsiwa xua metha jane xua abe exana? Xan jopa jume itaraerowinyo bapon xua po jumetha penayaita anae exanaewa xua pebexubinexatsi bapon. Tha cueintichi, tha bapoxonae pu copatabichi, jei.

Lucas 23:22 Iomraidhean Croise

Lucas 23:14

Pilato barai barapo bicheito, jeye: —Paxam barapo pebin pacaponame taxantha. Pajam: ‘Barapo pebin daxita jiwi jume cui tsacabatsi xua anaepana exanatsi’, pajam. Bayatha bequein baxua barapo pebin yabara yainyaban painya itabaratha pocotsiwa bayatha payabara paebame taxantha, ichitha jopa jume itaraerowinyo bapon, xua po jumetha penayaita anae exanaewa xua yabara pana netsipaebame.

Lucas 23:16

Tha cueintichi bapon. Tha bapoxonae pu copatichi, jei Pilato.

Lucas 23:20

Pilato ichichipa xua Jesús pu copatatsi. Daxota equeicha barapo bicheito tsipaebatsi xua Jesús yabara paebatsi.

Lucas 23:21

Ichitha equeicha barapo bicheito jume daunweya wawai Pilatotha, jeye: —¡Bewa maisa naetotha tʉparucua exanaem! ¡Bewa maisa naetotha tʉparucua exanaem! jei.

Lucas 23:23

Barapo bicheito jopa juniya wawayo xua naetotha tʉparucua peexanaenexatsi Jesús. Irʉrʉ sacerdotemonae pia pentacaponaewi tatsi jume daunweya wawairʉ, beya capanepa po coyene ichichipa pecana exanaewa.

Lucas 23:4

Nexata Pilato barai sacerdotemonae pia pentacaponaewi tatsi yawa baraino jiwi, jeye: —Jopa jume itaraerowinyo bapon xua po jumetha penayaita anae exanaewa, xua pebexubinexatsi barapo pebin, jei.

1 Pedro 1:19

Saya meisa Cristo naca yantomata abe waexanae cuiru coyenein weya. Baxua apara xua poxonae Jesucristo naca tsitʉpa naetotha, icha caena bayatha oveja ichichi xua poxonae bexotsi xua tʉpa exanatsi xua Nacom peyabara jʉntemainaenexa jiwi abe pia peexanae cuiru coyenein tatsi. Barapo oveja pexeinya oveja xua jopa mataʉta xeinaeyo wanyo, icha Cristo ichi xua jopa xeinaeyo peabe coyenewa tsipei pejʉntʉ coyene xanepanaein.

1 Pedro 3:18

Tsipei Cristo atene exanatsi poxonae tsitʉpa abe waexanae cuiru coyenein daxita xua poxonae cae coyenetha tʉpa. Cristo bapana jopa abe exanae. Ichitha bapon Cristo naca tsitʉpa pomonae abe waexanae jiwichi. Baxua Cristo nacata exana, xua wanaca exanaenexa xua wapatsiwa tsane Nacom beicha. Bapon Cristo bequein tʉpa pepon ichitha equeicha asʉ exanatsi pia pejumope tʉnaxʉ tatsi.