Lucas 22:36 - Nacom Pejume Diwesi po diwesi pena jume diwesi xua Jesucristo yabara tinatsi

³⁶ Nexata Jesús jume nota. Barapomonae jume notatsi. Namchi: —Anoxuae paca tsipaebatsi xua icha cui coyeneya. Pon cote xeina, moya bewa caponae. Pon xeina paratixi doro, moya bewa caponae. Pon peaitiyʉ camisa xeina, bapon bewa caenaetsina barapo camisa, barapo paratixitha bewa comotsina cusi.

Lucas 22:36 Iomraidhean Croise

Mateo 10:10

Jopa pacaponaeinde cote xua painya nejeyaenexa paparuwan poxonae pawarapame. Saya cae camisa panama xatabare, jopa icha camisa pacaponaeinde. Mataʉta jopa pacaponaeinde ichawan xua painya nenataxu xatabiwan, yawa icha iwaton jopa pacaponaeinde. Painya xoba paauram xua poxonae jiwi paca catsibeibina tsipei baraxua pocotsiwa paca cata apara bara painya matoma painya netanacuichixaemxae Nacom.

Lucas 22:35

Nexata Jesús pijimonae yainyaba, jeye: —Poxonae bayatha paca itorobatsi paca jeichi: ‘Jopa paratixi doro pacaponaeinde, jopa cote pacaponaeinde, jopa panataxu xatabinde xua penataxu xatabiwa’, jan. ¿Eta xoyo pacata seica xua xoyo pacobena poname? jei Jesús. Barapomonae Jesús jume notatsi, jeye: —Ajibi, bara paxeinan pocotsiwa panantawenonan, jei.

Lucas 22:37

Poxoru paca tsipaebatsi caena bayatha Nacom Pejume Diwesitha neyabara paeba, jeye: ‘Bapon cayabara cananta xeinaeinchi jei tsane bapon jiwana caein pomonae peabewi’, jei Nacom Pejume Diwesitha xua pinae jiwi jei tsane. Jiwi nantawenona xua baxua neyabara caunutsina xua Nacom peneyabara jumichixae baxuan pejume diwesitha, jei Jesús.

Lucas 22:38

Barapomonae Jesús jume notatsi. Jeye: —Patatanecanamataxeinaem, xote bayatha paxeinan ainya watobe cusi, jei. Jesús jume nota, jeye: —Bara, bare, jei Jesús.

Juan 15:20

Pana nejume cayabara nanta xeinare xua bayatha paca tsipaebatsi xua janje: ‘Pon ba tanacuita ichʉn, bapon jopa ainya cuiyo, jame pia pentacaponaein tatsi ainya cui pon peitorobixaetsi’, paca jeichi. Tsipei jiwi inta abe exana daxota irʉ pacata abe exana. Jiwi jopa jume cowʉntsiyo tacuidubiwa. Barichi jopa jume cowʉntsiyo painya necuidubiwa.

Juan 16:33

Daxita baxuan paca tsipaebatsi painya nejʉntʉ coyene weiweinaenexam tsane tapana necayawa jinompaexaem tsane. Poxonae cataunxuae pajinompaename po cae pin nacuathe jiwi paca atene exanaena poxonae abe paca cana exanaena. Daichitha jʉntema pajinompare. Tsipei xan amanayabaxubin pon jiwi jʉntʉ coyene itorobatsi po cae pin nacuathe, jei Jesús pijimonaetha.

1 Tesalonicenses 3:4

Mataʉtano poxonae cataunxuae paca barʉ enatsi, paca tsipaebatsi xua daxota bewa ichamonae naca atene exanaena poxonae nacata abe exana. Bara baxua bayatha exana barapomonae icha be pocotsi coyeneya bayatha paca tsipaebatsi, xuano payaputanemeno.

1 Pedro 4:1

Yaitama copiya Cristo atene exanatsi ichamonae, waxainchi daxota bewa nanta xeinaetsi xua irʉ naca atene exanaena ichamonae. Pon atene exanatsi ichamonae bapon abe pia peexanae cuiru coyenein wepu pona xua bichocono pejume cowʉntsixae Jesucristo.