Lucas 22:13 - Nacom Pejume Diwesi po diwesi pena jume diwesi xua Jesucristo yabara tinatsi

¹³ Barapoyobe ponabe, penamchixae daxita tanebe be pocotsi coyeneya Jesús bayatha paeba. Bapoxonae pexaewa nacui wʉnaetajebabe Pascua wʉn matacabi nexa xua penabanaenexa.

Lucas 22:13 Iomraidhean Croise

Lucas 19:32

Poxonae baponbe tomaratha patopabe, tanebe be pocotsi coyeneya bayatha Jesús namchi.

Lucas 21:33

Peitaboco aichurucuae tsane, mataʉta ira aichurucuae tsane. Meisa nama tajumein ataya tsitecaena xua daxota daxita nayabara jume wetsina be pocotsi coyeneya bayatha paeban.

Lucas 22:12

Equeicha Jesús jeye: —Bapoxonae pon bo pexeinaein paca tsita ita cayopichinabe po tutu pin tutu. Barapo tutu, po tutu xua asiyeicha, barapo tutu bayatha xaneba. Barapo tututha pexaewa panacui wʉnaetajebare xua wanabanaenexa pexaewa barapo Pascua wʉn matacabi nexa, jei Jesús.

Lucas 22:14

Poxonae barapo hora tsuxubi poxonae quirei tsanaicha, Jesús barʉ ecoundeca pexaethopaewatha pijimonae pomonae doce poyobe pomonae pia peitorobiwixae tatsi Jesús.

Juan 11:40

Ichitha Jesús Marta jume baraichi, jeye: —Bara bayatha catsipaebatsiba: Icha yabara jume cowʉntame, necotsiname Nacom pia peayapusʉwa, cajeichiba, jei Jesús.

Juan 2:5

Bapoxonae barapowa barai pomonaetha pomonae pexaewa carena tsaibi, jeye: —Moya paexande xua pocotsiwa bapon paca itoroba, jei barapowa.

Hebreos 11:8

Abraham pon caena bayatha popona yabara jume cowʉnta xua Nacom yawenapaeba. Daxota poxonae Nacom pewabixae, bapon bara exana pocotsiwa Nacom itoroba. Bapon Abraham pia nacua weya pona xua peponaenexa icha nacuatha, po nacua bayatha Nacom yabara tsiwʉnae muxu duta, xua bapon catapaebatsi. Bapon Abraham pia ira weya pona xua icha nacua beya pona po nacua bequein jopa yaputaeyo ichaxota pona.