Lucas 14:12 - Nacom Pejume Diwesi po diwesi pena jume diwesi xua Jesucristo yabara tinatsi

¹² Yawano Jesús barai pontha pon pexaewa petsiwabixaetsi, jeye: —Poxonae pexaewa tsiexaname yawano ichacuitha xua poxonae pin penabanaewa tsiexaname, jopa wabinde jinya jiwimonae penabanaenexa. Irʉ jopa wabinde eweichomonae irʉ jinyamonae irʉ pomonae copei pexeinaewi. Poxoru barapomonae pentoma exanaetsipa xua xuya catsi wabichipa penabanaewa.

Lucas 14:12 Iomraidhean Croise

Mateo 5:46

Icha saya meisa paantobem pomonae painya nepaca antobexae, Nacom jopa paca cui yabara matomacae tsane. Tsipei irʉrʉ barapo coyene exana pomonae paratixi pentoma noteibiwi po paratixi jiwi bewa catsibina pon romanomonae itorobiya pia pepa peewatsinchi nexa, bequein jiwi yabara nanta xeina xua bapomonae peajʉntʉcoyenebewi. Barapomonae antobe pomonae xua pia peantobewixaetsi.

Lucas 1:53

Pomonae xua piyain barapomonaetha Nacom cana exana xua barapomonae petonsanaewa xua penabanaewa po pexaewa pexeinya pexaewan. Mataʉtano copei pexeinaewi barapomonaetha Nacom cana exana xua barapomonae pecobesainaewa.

Lucas 1:58

Pomonae Isabel pia botha petaenaewichi, irʉrʉ piamonae tatsi pomonae pecuariya petaenaewichi daxita barapomonae Isabel siwa poinchi xua pejacobinexa tsainchi. Barapomonae yaputane xua Nacom pon Pecanamataxeinaeinxae jiwi Isabel beta taexanatsi poxonae Isabel dacotsiwa taitorobatsi pexuyo.

Lucas 14:11

Pon pia coutha peainya cui jiton naexana pejʉntʉ coyenetha, Nacom exanaena xua bapon pecui pawi jiton naexanaena. Ichitha pon xua pepawi naexana pejʉntʉ coyenetha Nacom exanaena xua bapon peainya cui jiton naexanaena, jei Jesús.

Lucas 14:13

Jame maisa poxonae jiwi pexaewa tsiexaname yawano ichacuitha pin penabanaewa tsiexaname, wabare pomonae peacopeibi jiwi. Yawa wabare pomonae jopa peainya cui jiwi, irʉ pejayujayujei jiwino, irʉ pomonae peitata nacʉtsi jiwino.

2 Corintios 6:13

Xan paca tsipaebatsi xua be poxonae icha coxiyʉn ichi xua tsipaeba pia pexuyotha. Paca jeichi: “Xuya daxita painya nejʉntʉ coyenewatha paneantobeinde icha paca ichichi xua tapaca antobewatsi bichocono”, paca jeichi.