Lucas 10:40 - Nacom Pejume Diwesi po diwesi pena jume diwesi xua Jesucristo yabara tinatsi

⁴⁰ Ichitha Marta enatsi pia penacuichiwa xua Jesús tsiexanatsi pexaewa xuano xua pijimonae tatsi nexano. Barapowa pona Jesús beya, namchi, jeye: —Tanecanamataxeinaem, ¿jopa taem xua tayapiyo necopata xua compa nacuitan? Awiya bobena penacuichiwan. Itorobare bʉ neyawena, jei Marta.

Lucas 10:40 Iomraidhean Croise

Mateo 14:15

Tsipei yaitama bayatha tabopiya tsanaichaba, daxota Jesús imoxoyo caquita umenarʉcʉpatsi pijimonae. Barapomonae Jesús baraichichi, jeye: —Apara bayatha tabopiya tsanaicha. Apara xote bomʉxʉn ajibi. Barapo jiwi itorobare bʉ tsiqui tomaraxi beya ponaena xua pecomocaenexa pexaewa xua pexaenexa, jei.

Mateo 16:22

Ichitha bapoxonae Pedro, Jesús barʉ natsixitabatsi aisowa beya. Pedro Jesús baraichichi, jeye: —Xam pon Necanamataxeinaem. ¡Jamaisa daxua paebameno, bara! Nacom jopa copatsi tsane xua jiwi cata exanaena baxua, jei Pedro.

Marcos 3:21

Jesús piamonae matabʉxʉyo tatsi jume tane xua jiwi paeba xua pinae juinya Jesús matayaibatsi. Daxota barapomonae pata, xua Jesús pewaetabinexatsi, xua pia bo beya pecaponaenexatsi.

Lucas 10:38

Jesús pijimonae cataunxuae barʉ ecapona namtotha Jericó tomara beya barʉ pona. Pijimonae barʉ patopa tsica tomariyotha ichaxota petsiriwa popona powa pewʉn Marta. Barapowa Jesús matenta weyataeya wabatsi pia botha.

Lucas 10:41

Ichitha Jesús jume nota, jeye: —Marta, caenauya jinya nenacuichiwan xua pocotsiwa xua ichichipame neexanaewa.

Lucas 12:29

Jopa payabara najʉntʉ coyene exabinde pexaewa xuano xua painya neapaewan yabara. Jopa panthʉthʉ deideijeya jinompaeinde xua ichawa pacayabara nanta xeiname.

Lucas 9:55

Nexata Jesús pijimonae napatomeicha necota yawa jume itaweta.

Juan 11:1

Irʉ pebin popona, pon pewʉn Lázaro. Bapon atene. Bapon Betania tomarapin. Irʉrʉ bapon Lázaro pamchobe tatsi barichi Betania tomarapiwayobe. Barapo pamchobe tatsi ichowayo pewʉn María, ichowayo pewʉn Marta.

Juan 11:5

Bequein Jesús antobe Marta irʉ María irʉ Lázaro ichitha cataunxuae eca baxotiya ainya matacabibe poxonae jume taetha xua Lázaro bayatha atene nawita.

Juan 12:2

Baxota pexaewa Jesús ʉpain exanatsi. Marta apata pexaewa. Jesús pijimonae tatsi irʉ naena pexaethopaewatha. Irʉ Lázaro baxota naeca xua irʉ naxane.

Juan 6:27

Jopa pananta xeinaeinde xua saya pexaewa pana natsiʉpain nacuitame, po pexaewa saya nainya weraweraca. Saya meisa jame payabara nanta xeinare xua peajʉntʉyapusʉ coyenewa, po peajʉntʉyapusʉ coyenewa jiwi ajʉntʉyapusʉ exanatsi, po peajʉntʉyapusʉwa jopa weraweracaeyo. Taxa, Nacom, barapo peajʉntʉyapusʉwa necata, po peajʉntʉyapusʉwa xuya paca catsinchi ponxaein Nacom Tananeitapetsin, jei Jesús.