Lucas 10:17 - Nacom Pejume Diwesi po diwesi pena jume diwesi xua Jesucristo yabara tinatsi

¹⁷ Barapo setenta y dos poyobe jʉntʉ coyene weiweinaya caibe nawibarena, jeye: —Patatanecanamataxeinaem, caurimonae pana nejume cowʉnta xua paitawetan poxonae paca wʉn wʉn taibatsi, jei Jesús pijimonae tatsi.

Lucas 10:17 Iomraidhean Croise

Mateo 4:24

Pin bicheitomonae jiwi jume tane xua juinya Jesús exana daxita carepaya Siria nacuatha. Barapomonae pomonae pejume taexae xua Jesús exana, barapomonae capona daxita pomonae domaebatsi, yawa pomonae peatenexae, mataʉtano pomonae caurimonae xeina, mataʉtano pomonae amameibatsi, mataʉtano pomonae mʉbatsi. Jesús axaibi exana daxita barapomonae.

Marcos 16:17

Pomonae neyabara jume cowʉntsina xua xan Nacom Pexanton tatsin muxuna exanaein xuaje pocotsiwe: Barapomonae taitawetsina ichamonae cauri poxonae tawʉntha wʉqueibina; mataʉtano barapomonae pena jumeintha cueicueijei tsane; icha barapomonae jomon notsina pecobetha, jopa barapomonae tʉpa exanae tsainchi jomon; mataʉtano icha barapomonae apaena po mera jiwi tʉpa exanatsi barapo mera jopa abe exanae tsainchi barapomonae; mataʉtano barapomonae itacʉpaeinchi xua jayabina pecobetha pomonae peatenewi, xua bapoxonae barapo peatenewi peaxaibinexa tsaibi tsane”, jei Jesús.

Lucas 10:1

Barapoxonae Jesús pon jiwi Pecanamataxeinaeinxae tatsi, bapon itapeta equeicha icha pijimonae tatsi setenta y dos poyobe. Daxita tomarantha Jesús itoroba be dos poyobe tsiniya, tsica tomaraxithano, pin tomaranthano xua ichaxota Jesús cotacaya ponaena.

Lucas 10:20

Jopa pajʉntʉ coyene weiweinaeinde xua caurimonae pia paca jume jejeixae xua dʉcʉpa poxonae paitawetame, saya jame pajʉntʉ coyene weiweinare xua Nacom painya nepaca wʉn dubixae pia diborotha itabocotheicha.

Lucas 10:9

Axaibi paexande peatene jiwi, pomonae xua barapo tomaratha ena. Barapomonae pabarande: ‘Anoxuae Nacom waba jiwi xua petanaexanaenexatsi piamonae tatsi pomonae itorobiya peewatsixae’, pajande.

Lucas 9:1

Jesús pijimonae caetuta pomonae xua doce poyobe. Yawa pijimonae cata pia peayapusʉwa. Mataʉtano catano peitorobi coyenewa xua barapomonae peitaweteibinexa tsane cauri xuano xua peaxaibi exanaenexa tsaibi tsane jiwi pomonae atene.

Romanos 16:20

Nacom bapon apara pon jʉntema jinompa naca exana. Barapon aunxuae paca yawenaena xua painya neamanayabiwa tsane pon bichocono abe peexanaein, bapon Satanás. Barabʉ Jesús, pon Wanacanamataxeinaein, paca yawenaena pia paca necaantobexae.

Efesios 5:24

Icha barapomonae ichi pomonae Cristo pejume cowʉntsiwichi xua pichichi xua peexanaewa pocotsiwa Cristo itoroba, yabʉxi bewa barichi. Bewa exanae daxita pocotsiwa piseuriwi itorobatsi.