Lucas 1:33 - Nacom Pejume Diwesi po diwesi pena jume diwesi xua Jesucristo yabara tinatsi

³³ Bapon yacui tsitecaena xua jiwi peewatsinchi penaexanaewa tsane Israel piamonae susato saineiwi pexantha tatsi. Pia peitorobi coyenewa tatsi jopa weraweracae tsane, jei Gabriel, pon matatsunpin.

Lucas 1:33 Iomraidhean Croise

Mateo 1:1

Meje barapo diwese Jesucristo pia pamo susatopiwi tatsi yabara. Jesucristo pon Nacom itoroba itaboco wetsica xua jiwi pecapanenebiyaenexatsi. Bapon Abraham pia pemomoxi susato jiwanapin tatsi. Barapon Abraham pon bayatha caena tʉpa, pon copiya naebopa po cae pin nacuatha xua israelmonae pomonae judiomonaexae beya pinmonae tsoponae. Mataʉtano Jesucristo David pia pemomoxi susato jiwanapin tatsi. Barapon David pon bayatha caena tʉpa, pon caena bayatha Israel nacuapiwi itorobiya pia pepa peewatsinchi.

Mateo 28:18

Nexata Jesús pijimonae imoxoyo caquita pona. Bapoxonae jeye: —Nacom necata daxita peayapusʉ itorobi coyene xua peitabocotha nexa, mataʉtano po cae pin nacuathe tsiquenexano.

Lucas 1:34

Nexata María jume nota matatsunpin, jeye: —¿Eta xua yapʉrʉwa jinocuaein pexuyo? Apara cataunxuae jopa nacueyabinyo, jei María.

Romanos 9:6

Ichitha barapomonae bequein Nacom cata daxita barapo coyenein, daichitha anoxuae barapomonae jopa Nacom xanepanaya beta tsita jinompaetsi jopa Cristo peyabara jume cowʉntsixaetsi. Bequein ichamonae nanta xeinaetsipa xua pinae Nacom Pejume Diwesi jopa ainya cuiyo xua barapomonae jopa peexanaexae pocotsiwa Nacom itoroba, ichitha baraxua jopa xainyeyo pocotsiwa barapomonae nanta xeina. Baraxua jame tsita itapeinya xeina xua apara jopa daxitiyo pomonae Israel pia pemomoxi susato jiwi tatsi xua Nacom piamonae tatsi.

Gálatas 3:29

Icha paxam Cristo pijimonae pam, bara nexata paxam Abraham pia pemomoxi susato jiwi pam. Po coyene Nacom Abraham yabara tsiwʉnae muxu dutatsi bara baxua paxam nexa.

Gálatas 6:16

Barabʉ Nacom paca cata jʉntema painya nejinompaewa. Mataʉtano barabʉ Nacom nantanuweya paca yabara nanta xeinaena pia painya nepaca yawenaenexa. Barabʉ Nacom daxita paxamtha barapo coyenebe paca cana exanaena pomonae pam paexaname po coyenewa barapo peitorobi coyenewa paeba, po peitorobi coyenewa xua yabara paeba pena jʉntʉ coyenewa, yawano barabʉ Nacom paca cana exanaena daxita paxamtha pomonae pam xaniwaicha painya nejume cowʉntsiwi pam Nacom.

Filipenses 3:3

Waxainchi xaniwaicha barapomonaetsi pomonae yatsicaewa Nacom watsita jʉntʉ coyene xanepanaewichi, tsipei Nacom pia Pejumope tʉnaxʉ tatsi naca yawena xua jume cowʉntatsi watanacuichinexa Nacom. Mataʉtano wajume cowʉntsixae Cristo Jesús, daxota bapontha wʉnae jaintatsi pia wanacata exanaexae. Waxainchi jopa nanta xeinaetsi xua poxonae ichamonae naca wi thaba, barapo coyene naca jʉntʉ coyene xanepana exana Nacomtha.

Hebreos 1:8

Ichitha nama Nacom Pexantotha jei: “Jaina, xam ponxaem Nacom, ataya tsitecaeya itorobiya ewatsiname xua itorobathopequeibame jiwi. Jinya neitorobiya ewatsi coyenewa bara ataya pexainyei coyenewa.

Apocalipsis 11:15

Barapo matatsunpin xua pon siete poyobetha pia trompeta oba. Bapoxonae pejume itaboco wetsica jume daunweya jeye: “Po coyene xua jiwi itorobiya peewatsiwatsi barapo cae pin nacuathe, anoxuae barapo peitorobi coyenewa Nacom pon Wanacanamataxeinaein piawa irʉno Mesías pon Nacom pia peitorobarecaein, bapon piawa tatsi. Baponbe daxita jiwi itorobiya ewatsinchi barapo cae pin nacuathe xua ataya tsane”, jei pomonae xua itabocotha jume daunweya wawai.