Juan 8:17 - Nacom Pejume Diwesi po diwesi pena jume diwesi xua Jesucristo yabara tinatsi

¹⁷ Painya itorobi coyenewatha jeye: ‘Icha ichʉnbe nanta jʉpaeya yabara paebabe pocotsiwa tanebe bewa baponbe pajume cowʉntsiname tsipei baxua apara ainya cui’, jei.

Juan 8:17 Iomraidhean Croise

Mateo 18:16

Ichacuitha icha ichʉn pon pejume cowʉntsindʉ, icha bapon jopa paca jume cowʉntsiya jejeyo, bara nexata equeicha pawabare pebinbe nacueyatabe xua yoroba painya netsipaebinexa bapon xua abe peexanaexae.

Juan 10:34

Jesús barai, jeye: —Nacom Pejume Diwesitha yabara paebatsi pomonae Nacom pejume cowʉntsiwichi. Nacom jeye: ‘Paxam irʉrʉ nacommonae pam’, yabara jei Nacom, pomonae pejume cowʉntsiwixaetsi.

Juan 15:25

Ichitha baxua bewa neyabara jume cui wetsina tsipei Moisés pia peitorobi coyenewatha neyabara tsiwʉnaeya jeye: ‘Barapomonae necaseba poxoru saya apatsi’, jei barapo Moisés pia peitorobi coyenewatha.

2 Corintios 13:1

Anoxuae equeicha paca siwa ponaeinchi xua nama acoibi po cuiyobetha tsane xua taponaewa tsane bara beya. Icha ichʉn ichichipa cui yopita xua ichʉn abe peexanaexae Nacom pia peitorobi coyenewa baxua yabara naca tsipaeba, naca jeye: “Poxonae jiwi cui yopita xua ichʉn abe peexanaexae bewa acoibi poyobe yabara paebina bapontha, xua abe peexanaexae bapon. Ichacuitha saya nacueyatabe poyobebe yabara paebichipa bapontha bapoxonae jiwi tsita itapeinya xeinatsi xua bara bapon abe peexanaein”, jei Nacom pia peitorobi coyenewatha tatsi.

Gálatas 3:24

Moisés pia peitorobi coyenewa naca yawena xua wayaputaewa Cristo. Barapo Moisés pia peitorobi coyenewa tatsi naca yawena xua najʉntʉ coyene xanepana exainchi Nacomtha wajume cowʉntsixae Cristo.

Gálatas 4:21

Paxam pomonae pam pomonae painya neichichipaewa xua painya neexanaewa pocotsiwa Moisés pia peitorobi coyenewatha itoroba. Pana nejume nore. ¿Paxam jopa pajume taem xua barapo peitorobi coyenewatha paeba?

Hebreos 10:28

Po pebin jumefeba po coyene Moisés itoroba pia peitorobi coyenewatha, xua poxonae nacueyatabe pebinbe ichacuitha poxonae acoibi poyobe baponbe yabara paebabe: “Bapon pajume tan poxonae jumefeba”, jei, bapoxonae bapon bewa tʉpaena. Tsipei pomonae bapon yabara paebatsi xua penatsicuentsiwa xua abe peexanaexae, barapomonae tsita itapeinya xeinatsi xua bara bapon xainyeya abe exana. Daxota bapon bewa tʉpaena tsipei barapomonae jopa yabara nanta xeinaeyo xua bapon peyawenaewatsi.

1 Juan 5:9

Ba jume cowʉntatsi po jumein jiwi paeba. Ichitha po jume nama Nacom Pexanto yabara paeba, barapo jume jame bichocono peainya cui jume, beyacaincha po jumein xua jiwi paeba. Daxota bewa jume cowʉntichi po coyene xua Nacom Pexanto yabara paeba.

Apocalipsis 11:3

Xan itorobin dos poyobe, ponbe xua inta yatsicaewa paebinabe xua petaexaebe xua pocotsiwa exanan. Baponbe inta yabara tsiwʉnae muxu dutsiya paebinabe jiwitha xua beya un mil doscientos sesenta po matacabinbetha tsane. Baponbe jume xatatsinbe pocotsi paparuwa xua axʉn, xua jiwi nama xatabeiba poxoru wecoyei”, nejei matatsunpin xua Nacom tapaebatsi.