Juan 4:15 - Nacom Pejume Diwesi po diwesi pena jume diwesi xua Jesucristo yabara tinatsi

¹⁵ Nexata bapowa Jesús jume notatsi, bapowa jeye: —Pon jiwi Necanamataxeinaem, dapo mera necare xua jopa caewa tameratsipouneibiwa tsane yawa xua equeicha po mene mʉthʉthe jopa tapateibiwa tsane xua mera tacapanathopeibinexa, jei barapowa.

Juan 4:15 Iomraidhean Croise

Juan 4:16

Jesús jume nota, jeye: —Moya matha iyande, matha jinseuri wabare. Nexata bapoxonae xote papatoparebe, jei Jesús.

Juan 6:26

Jesús jume barai barapo jiwi, jeye: —Xaniyan paca tsipaebatsi. Pana newenawenam, tsipei bayatha pana najain taneme pexaewa xua beya poxonae patonsaname. Apara jopa baxua patsipatsim xua bayatha tapaca tsita exanaexaetsi pexeinya tatsita itʉtsi coyenewan.

Juan 6:34

Nexata barapomonae Jesús baraichichi, jeye: —Patatanecanamataxeinaem, barapo pexaewa pana catsibeibare daxita matacabi tsaibi, jei.

Juan 6:35

Jesús jume nota, jeye: —Xan apara bapon xua po pexaewa Nacom itaboco wetaitorobica jiwi xua po pexaewa tana neyabara wʉnae caunutsixae ponxaein jiwi peajʉntʉyapusʉwa tacatsin. Bequein jiwi xaiba pexaewa daichitha equeicha jainpouneiba, yawa equeicha meratsipouneiba. Jame pon patopa taxantha yawa pon nejume cowʉnta bara xeina daxita pocotsiwa penantawenonaewa.

Romanos 6:23

Barapo peabe coyenewaxae saya jiwi werapaena cana exanaeinchi. Ichitha pocotsiwa xua Nacom amanaya wanaca catsiwa, baxua apara po coyene xua peajʉntʉyapusʉ coyene po peajʉntʉyapusʉ coyene ataya tsiteca. Barapo peajʉntʉyapusʉ coyenewa naca cana exana xua caemonae naexainchi Cristo Jesustha, pon Wanacanamataxeinaein.

Romanos 8:5

Pomonae exana dubenanaebiya pocotsiwa pia pepon ichichipa exana, saya barapomonae yabara nanta xeina xua abe peexanae coyenewa. Pomonae exana dubenanaebiya icha pocotsiwa Nacom pia Pejumope tʉnaxʉ tatsi ichichipa, barapomonae saya yabara nanta xeina xua xanepanaya peexanae coyenewa pocotsiwa Nacom nexa.

1 Corintios 2:14

Nama pon jopa pejume cowʉntsin Jesús jopa yaputaeyo pocotsiwan wacueicueijeiwa, pocotsiwan Nacom pia Pejumope tʉnaxʉ tatsi naca yaputane exana. Tsipei bapon tsita penamitacueinchi jumetsi. Bapon jopa yaputaeyo barapo diwesin tsipei jopa xeinaeyo Nacom pia Pejumope tʉnaxʉ tatsi xua peyawenaenexatsi xua peyaputaewanexa.

Santiago 4:3

Poxonae Nacomtha payabara wʉcame pocotsiwa paichichipame, jopa Nacom paca catsiyo tsipei jopa xanepanaya pawʉcaem, saya painya nata wʉcaexae pocotsiwa xua abe painya neexanaewa tsane.

1 Juan 5:20

Yaputainchino xua Nacom Pexanto tatsi bayatha patopeica barapo cae pin nacuathe, yawa naca tsipaeba Nacom Pejume Diwesi wayaputaenexa Nacom, pon pexainyein. Mataʉtano yawa jinompatsi Nacom Pexanto tatsi, pon pexainyein, pon Jesucristo. Barapo Nacom pexainyein pon naca cata peantʉyapusʉwa, po peantʉyapusʉwa xua ataya tsiteca.