Juan 20:24 - Nacom Pejume Diwesi po diwesi pena jume diwesi xua Jesucristo yabara tinatsi

²⁴ Tomás, bapon Jesús pijimonae tatsi jiwana. Bapon icha wʉn Gemelo, po wʉn xua jei: “Nama naexanabe pexuyobe”, jei. Barapon Tomás jopa naecaeyo poxonae Jesús pijimonae tsita naitʉta.

Juan 20:24 Iomraidhean Croise

Mateo 10:3

Irʉ ichʉn pewʉn Felipe, irʉ ichʉn pewʉn Bartolomé, irʉ ichʉn pewʉn Tomás, irʉ ichʉn pewʉn Mateo. Barapon Mateo pon paratixi pentoma noteibin po paratixi jiwi bewa catsibina pon romanomonae itorobiya pia pepa peewatsinchi nexa. Irʉ ichʉn pewʉn Santiago, pon Alfeo pexanto tatsi. Irʉ ichʉn pewʉn Tadeo. Irʉ ichʉn pewʉn Simón, pon celotemonaepin. Irʉ ichʉn pewʉn Judas Iscariote, pon Jesús caenaetaxubatsi ichamonaetha xua pebexubinexatsi.

Mateo 18:20

Tsipei ichaxota ba nayantabe xua nacueyatabe poyobe, xua poxonae pewʉcaenexabe Nacom xua ichacuitha ichaxota acoibi poyobe, xua pomonae taneantobe jiwixae, bara bequein saya caeyobe daichitha xan baxota ba uncueiban irʉ”, jei Jesús.

Juan 11:16

Nexata Tomás, pon icha wʉn Gemelo peweichobe penama naexanaexaebe, bapon Jesús pijimonae tatsi baraichi, jeye: —Bʉ naca barʉ pona Jesús, xain Jesús naca barʉ werapa, jei Tomás.

Juan 14:5

Tomás jeye Jesustha: —Patatanecanamataxeinaem, jopa payaputaeinyo po nacua beya ichaxota ponaename. Tsipei baxua jopa payaputaeinyo, daxota jopa pana neitacʉpaeyo xua pata ponaewa po nacua beya ichaxota xam ponaename, jei Tomás.

Juan 21:2

Jesús pijimonae tatsi nacaetuta. Barapo matabʉxʉyobe meje: Simón Pedro, irʉ Tomás pon icha wʉn Gemelo, irʉ Natanael Caná tomarapin, po tomara eca Galilea nacuatha, irʉ xan, Juan, irʉ taeweicho xua Zebedeo pexantobe tatsi panbe, irʉ ichʉnberʉ. Daxita barapo matabʉxʉyobe pan panacaetutan Tiberias pucua itapatha.

Juan 6:70

Jesús pijimonae jume nota, jeye: —Paxam pomonae doce poyobe pam pomonae tapaca caitapetsiwichi pam. Daichitha caein jiwana pam cauri piamonae jiton tatsi, jei Jesús.

Juan 6:71

Poxonae Jesús baxua paeba, Jesús yabara paeba Judas, Simón Iscariote pexanto tatsi. Bapon Judas Jesús caenaetsinchi bequein bapon caein jiwana pomonae Jesús pijimonaexae tatsi, pomonae doce poyobe tatsi.

Hebreos 10:25

Jopa bewa bara jʉta coyeneya ichiya exanaetsi be pocotsimonae waxainchi jiwanatsi pomonae jopa pateibiyo poxonae nacaetuteibatsi xua poxonae Nacom wawʉnae jainchinexa. Ichitha jame bewa nantiya najʉntʉ coyene tsacabichi xua jʉntema wajinompaewatsi. Barapo coyene bewa exanaponaetsi beyacaincha xua po cui coyene copiya bayatha. Baxua exanatsi tsipei anoxuae yaputainchi xua matacabi jopaena, po mataqueitha pon jiwi Pecanamataxeinaein patopaetsica.