Juan 20:15 - Nacom Pejume Diwesi po diwesi pena jume diwesi xua Jesucristo yabara tinatsi

¹⁵ Nexata Jesús María yainyabatsi, jeichichi: —Ja, ¿eta pocotsiwa came wecoyam tsauyam? ¿Jintam wenawenam? jei. Barapowa nanta xeina xua mexeya itara pon peʉbi naein yapu eenawei. Daxota bapowa, jeye: —Icha xam bayatha pitame petʉpaein pon Tanecanamataxeinaein, incane netsipaebare xua equeicha exota botame. Tha bapoxonae petʉpaein equeicha pitichi, jei María.

Juan 20:15 Iomraidhean Croise

Mateo 12:34

¡Paxam pomonae bichocono abe peexanaewi pam! Icha jomomonae ichi xua abe exana jiwitha bara paichim, abe paexaname jiwitha. Paxam jopa paca itacʉpaeyo xua xanepanaeya painya nepaebiwa, tsipei pocotsiwa painya coibototha papaebame barapara baxua painya jʉntʉ coyenetha pacayabara nanta xeiname.

Mateo 28:5

Barapo matatsunpin namchi barapowayobetha, jeye: —Jopa pajunuwindebe. Bara yaputan xua pawenawenambe Jesús xua painya taetsibe, pon tʉpa exanadutatsi naetotha jiwi.

Marcos 16:6

Ichitha barapo pewowin jeye barapo yabʉxitha: —Jopa pajunuwinde. Paxam pajeitame Jesús Nazaret tomarapin, pon bayatha naetotha tʉpa. Ichitha bapon anoxuae xote jopa bocaeyo. Bayatha asʉ petʉpae cuiru coyene weya. Pataema ichaxota Jesús bayatha botatsi petʉpaein.

Lucas 2:44

Nanta xeinabe xua Jesús mexeya itara napunaecaponawei pin bicheitotha. Caentacabitha María irʉ José namtotha naecaponabe, bapoxonae itaxanawiyabe pexanto. Necobauyabe pexanto pin bicheitotha pia matabʉxʉyo jiwimonaetha, pijiwimonaethano.

Lucas 24:5

Barapowaxi bichocono junuwa, pijunuwi irabe necobareca. Barapo pebinbe barapowaxi baraichi, jeibe: —¿Eta xua metha petʉpae cuiru coyenewatha panecobompame pon equeicha asʉ barapo petʉpae cuiru coyene weya?

Juan 1:38

Nexata Jesús napatomeicha necota caibeya yawa tanebe xua barapo pebinbe Jesús puna poinchibe. Bapoxonae baponbe Jesús yainyaba, jeye: —¿Painya eta xuatsi? Jesús jume notatsibe baponbe, jeibe: —Pon jiwi Necuidubim, ¿exota poponame? jeibe.

Juan 18:4

Bequein Jesús tsiwana yaputane barapomonae xua po coyene pecana exanaewa tsainchi, ichitha Jesús itataya yawa yainyaba, jeye: —¿Jintam pawenawenam? jei Jesús.

Juan 18:7

Equeicha Jesús yainyaba, jeye: —¿Jintam pawenawenam tsompae? jei. Equeicha barapomonae, jeye: —Apara, Jesús Nazaret tomarapin pawenawenan tsompae, jei barapomonae.

Juan 20:13

Barapo matatsunpinbe María yainyabatsi, jeichichi: —María, ¿eta xua metha wecoyam tsauya? jei. María jume nota, jeye: —Yaitama cou Tanecanamataxeinaein petʉpaein pitatsi. Jopa taeinyo xua equeicha xota botatsi petʉpaein, jei María.